1 Samuel 8:3 - MUMA MALER 2015

³ Yawuotego ne ok oluwo timbene, to ne giketho bura, ka gibaro kuom dwaro mwandu malang’, kendo kuom chamo asoya.

Motingʼo Loko Manyien

³ To yawuotego ne ok oluwo timbene. Ne gibaro kuom dwaro mwandu malangʼ kendo ka gikawo asoya bende ka gingʼado bura marach.

1 Samuel 8:3 Iomraidhean Croise

2 Samuel 15:4

Bende nomedo wacho niya, “Yaye! Mad keta jang’ad bura e pinyni! Eka ng’ato ka ng’ato man gi wach kata ywak nyalo biro ira, kendo dang’adne bura kare.”

Zaburi 15:5

Oholo gik moko, to ok okawie ohala, kendo ok ocham asoya mondo oketh buche joma onge ketho. Ng’at ma timo gigo duto ok nopodhi.

Zaburi 26:10

nimar pile gitimo richo, kendo giikore mar chiwo asoya.

Wuok 18:21

To nyaka iyier ji mariek kendo moluoro Nyasaye kuom ji duto. Nyaka gibed joadiera, kendo ma ok nyal chamo asoya. Gin ema mondo iketgi jotend ji. Jomoko kuomgi onego rit ji alufu achiel achiel, to moko ji mia mia, kendo moko ji piero abich abich, to moko ji apar apar.

Wuok 23:6

“Kik uketh buch jachan, kiyale.

Wuok 23:8

Kik ucham asoya nikech asoya mono kata ng’at maber wacho adiera, kendo owito buch ng’at ma onge gi ketho.

Eklesiastes 2:19

To ere ng’ama ong’eyo ka ng’at ma biro luwano nobed mariek kata mofuwo? To kata bed ni oriek kata ofuwo, to pod nokaw akawa gimoro amora ma lucha gi riekona osekelo e pinyka. Mano bende en mana gima nono.

Isaya 1:23

Jotendu duto gin jopiem, kendo giwinjore gi jokuoye. Giduto gihero chamo asoya, kendo gidwaro mondo ji omigi amiya gik moko. Kuom mano ok giyal buche nyithi kiye kare, bende weche ma mond liete okelo e nyimgi ok gidew.

Isaya 33:15

Ng’atno nyaka bed mana ng’at ma timbene oriere, kendo ma wacho adiera, bende ma ok dwar mwandu miyudo gi malang’, kendo ma riembo asoya kucha, bende ma dino ite ni weche mag chwero remo, kendo ma umo wang’e ni timbe mamono.

Mika 3:11

Jodong dala ng’ado bura maber mana ni joma miyogi asoya; jodolo bende lero tiend chik ni joma miyogi gimoro, kendo jonabi hulo gik ma gikoro mana ka omigi pesa. To eka pod gineno ni Ruoth Nyasaye biro konyogi! Giwacho niya, “Donge Ruoth Nyasaye ni kodwa? Omiyo onge masira moro mabiro makowa.”

Rapar mar Chik 16:19

Kik ung’ad buch amwor kata buch nyakonchiel, to bende kik ucham asoya, nimar asoya mono kata mana ng’at mariek wacho adiera, kendo wito buch ng’at ma onge ketho.

1 Timotheo 3:3

Kik obed jakong’o, kata ng’at mohero goruok, to nyaka obed ng’at mamuol ma ok ohero dhaw, bende ma ok ohero pesa.

1 Timotheo 6:10

nimar hero pesa e chakruok mar kit richo duto. Jomoko osegombo mondo oyud pesa mathoth, kendo mano osemiyo gibaro giweyo yie marwa, mi gichwowo mana chunygi giwegi gi chandruok mathoth.

1 Samuel 12:2

Koro Ruoth e jatendu. An to aseti, mi lwar omaka, kendo yawuota bende ni kodu. To asebet jatendu, chakre tinna nyaka kawuono.

1 Samuel 2:35

Mi anaket jadolona awuon, ng’at ma jaadiera, ma notim duto manie chunya gi parona. Anagur dhoode mondo nyikwaye oti nyaka chieng’ ni Ruoth mayiero mowir.