1 Samuel 7:3 - MUMA MALER 2015

³ Samuel nowacho ni jo-Israel duto niya, “Ka en adier ni uduogo ir Ruoth Nyasaye gi chunyu duto, to wituru nyiseche mag pinje mamoko, kod nyiseche mamon miluongo ni Ashtaroth. Chiwreuru ni Ruoth Nyasaye, kendo uti mana ni en kende, mi enoresu e lwet jo-Filistia.”

Motingʼo Loko Manyien

³ Kendo Samuel nowachone jo-Israel duto niya, “Ka udwogo ir Jehova Nyasaye gi chunyu duto, to goluru nyiseche mag jopinje mamoko ma un-go kod mag Ashtoreth, to chiwreuru ni Jehova Nyasaye kendo en kende ema utine, mi noresu kogolou e lwet jo-Filistia.”

1 Samuel 7:3 Iomraidhean Croise

Chakruok 35:2

Omiyo Jakobo nowacho ni joode kod joma nodak kode niya, “Goluru nyiseche mag pinje mamoko ma un go. Pwodhreuru, kendo rwakuru lewni maler.

1 Ruodhi 11:33

Abiro golo loch kuome nikech oseweya, molamo Ashtoreth, nyasaye madhako mar jo-Sidon, gi Kemosh nyasach jo-Moab, kod Milkom nyasach jo-Amon, ka ok oluw yorena mondo otim gik malong’ona, kata rito chikena gi buchena kaka Daudi wuon mare notimo.

1 Ruodhi 8:48

mi giduogo iri gi parogi duto, kendo gi chunygi duto, e piny wasikgi ma notuegieno, kendo gilami ka gichomo pinygi mane imiyo kweregi, kod dala mane iyiero, gi Hekalu ma asegeronini,

2 Ruodhi 17:39

to lamuru mana an Ruoth Nyasaye, mi anaresu e lwet wasiku duto.”

2 Ruodhi 23:15

Josia nomuko kendo-mar-misango man Bethel, kaachiel gi hembkone mane Jeroboam wuod Nebat oloso. Notoyo kitene, molokore buru, kendo nowang’o siro milamo mane ni kanyo. (Jeroboam nogo ema nomiyo jo-Israel obedo joricho.)

1 Weche mag Ndalo 22:19

Omiyo koro keturu chunyu gi parou kuom dwaro Ruoth Nyasaye ma Nyasachu. Chakuru gero Hekalu ni nying Ruoth Nyasaye mondo Sandug Muma mare, kod gik maler mitiyogo kilame, oyudie kar bet.”

1 Weche mag Ndalo 28:9

“To in Solomon wuoda, par Nyasach wuoru, kendo ichiwri mondo itine gi chunyi duto, nimar Ruoth Nyasaye ng’iyo chuny ji duto, kendo ofwenyo paro mag dhano. Kidware, to iniyude, to kiweye, to enojwang’i nyaka chieng’.

2 Weche mag Ndalo 19:3

Kata kamano kamoro bende iber, nimar nigolo sirni milamo e piny, kendo iketo chunyi kuom luwo Nyasaye.”

2 Weche mag Ndalo 20:33

To kata kamano, hembko mane ni kuonde moting’ore ne ok okethi, kendo ji ne pok oketo chunygi kuom Nyasach kweregi.

2 Weche mag Ndalo 30:19

moketo chunye kuome, kata obedo ni ng’atno ok opwodhore kaka chik Hekalu dwaro.”

Ngeche 16:1

Chuny dhano nyalo chano gik modwaro timo, to mago duto nie lwet Ruoth Nyasaye.

Isaya 55:7

Joma timbegi mono mondo owe timbegi maricho kod paro mochido. Onego giduog ir Ruoth Nyasaye mondo okechgi. Adier, onego giduogi ir Nyasachwa, nimar nong’wonnigi richogi duto.

Jeremia 24:7

Anamigi chuny mar ng’eyo ni an e Ruoth Nyasaye. Bang’e ginibed joga, kendo anabed Nyasachgi, nikech giniduog ira gi chunygi duto.

Jeremia 36:3

Kamoro ka jo-Juda owinjo masiche duto ma achano kelo kuomgi, to ginyalo weyo yoregi maricho. Bang’e anyaloweyonigi timbegi maricho kod richogi.”

Jeremia 4:1

Ruoth Nyasaye wacho niya, “Un jo-Israel, ka uyie lokoru, to duoguru ira. Wituru nyisecheu manono ma amon-go mondo uluw mana an.

Ezekiel 14:6

“Kuom mano, koro nyis jo-Israel ni an Ruoth Nyasaye awacho kama: Duoguru ira mondo uwe nyisecheu manono kod timbeu modwanyorego.

Ezekiel 18:31

Adier, weuru richo duto ma usebedo ka utimo mondo ubed gi chuny manyien kod paro malong’o. Ere gima omiyo udwaro tho, un jo-Israel?

Hosea 14:1

Duoguru ir Ruoth Nyasachu un jo-Israel. Richou osemiyo uchwanyoru, mi upodho.

Mathayo 15:8

‘Jogi paka mana gi dhogi, to chunygi bor koda.

Mathayo 4:10

To Yesu nodwoke ni, “Dhi kucha, Satan! Muma wacho ni, ‘Ng’ato nyaka lam mana Nyasache, kendo en kende ema nyaka otine.’ ”

Mathayo 6:24

“Onge ng’ama nyalo tiyo ni ruodhi ariyo, nikech dosin gi moro, to ohero machielo, kata domi achiel luor, to ochayo machiel. Omiyo, ok unyal tiyo ni Nyasaye, mi kendo uchak uti ni mwandu.

Luka 4:8

To Yesu nodwoke ni, “Muma wacho ni, ‘Ng’ato nyaka lam mana Ruoth Nyasache kendo en kende ema nyaka otine.’ ”

Johana 4:24

Nyasaye en Roho, kendo joma lame nyaka lame mana e yo ma Roho dwaro kendo gi adiera.”

Rapar mar Chik 10:20

Nyaka uluor Ruoth Nyasaye ma Nyasachu, kendo ulame gi chunyu duto, bende kukuong’oru mana gi nyinge.

Rapar mar Chik 13:4

Luwuru Ruoth Nyasaye ma Nyasachu kumiye duong’ kendo kurito chikene. Winjuru gima owacho, kendo lameuru kupadoru kuome.

Rapar mar Chik 4:29

To kudwaro Ruoth Nyasaye ma Nyasachu gi chunyu duto gi adiera kuonde moterouego, to unuyude.

Rapar mar Chik 6:13

Luoruru Ruoth Nyasaye ma Nyasachu, kendo utine. Ka ukuong’oru to nyaka ukuong’ru mana gi nyinge.

Joshua 13:31

Kamano dir Gilead konchiel gi Ashtaroth kod Edrei, ma gin joka Makir wuod Manase, tiende ni dhout joka Makir konchiel.

Joshua 24:14

“Kuom mano, lamuru Ruoth Nyasaye, kendo tineuru gi chuny modimbore. Wituru nyiseche mane kwereu lamo kane gidak loka aora Yufrate, kendo e piny Misri, to lamuru mana Ruoth Nyasaye.

Joshua 24:23

To Joshua nomedo wachonigi niya, “Wituru nyiseche mag pinje mamoko, kendo keturu chunyu kuom Ruoth Nyasaye ma Nyasach Israel.”

Jong’ad Bura 10:16

Kuom mano ne giwito nyisechegi manono, mi gilamo Ruoth Nyasaye. Eka Ruoth Nyasaye nokechogi kuom thagruokgi.

Jong’ad Bura 10:6

Timbe jo-Israel nochako odoko maricho e nyim Ruoth Nyasaye. Ne gitiyo ni nyiseche manono kaka Baal gi Ashtaroth gi nyiseche mag jo-Aram gi mag jo-Sidon gi mag jo-Moab gi mag jo-Amon kod mag jo-Filistia. Ne giweyo Ruoth Nyasaye, mi ok gilame.

Jong’ad Bura 2:11

Timbe jo-Israel nodoko maricho e nyim Ruoth Nyasaye, kendo ne gilamo nyiseche manono miluongo ni Baal.

Jong’ad Bura 2:13

Ne giweyo Ruoth Nyasaye mi gilamo Baal kod Ashtaroth.

1 Samuel 31:10

Ne giketo gik Saulo mag lweny e od nyisechegi mamon, miluongo ni Ashtaroth, kendo ne gitueyo ringre e kor ohinga mar Bethshan.