1 Samuel 7:2 - MUMA MALER 2015

² Sanduk nobet Kiriath-jearim kuom ndalo mang’eny. To bang’ higni ma dirom piero ariyo, jo-Israel nochako duogo ir Ruoth Nyasaye.

Motingʼo Loko Manyien

² Sandug Muma nobudho Kiriath Jearim kuom higni piero ariyo, jo-Israel duto nokuyo mi odok ir Jehova Nyasaye.

1 Samuel 7:2 Iomraidhean Croise

1 Weche mag Ndalo 13:3

Eka mondo waom Sanduk mar Nyasaye obed kodwa, nimar ne wajwang’e e ndalo Saulo.”

1 Weche mag Ndalo 13:5

Omiyo Daudi nochoko jo-Israel duto kanyakla, chakre aora Shihor nyaka kama idonjogo Hamath, yo nyandwat, mondo giom Sanduk mar Nyasaye Kiriath-jearim.

Jeremia 26:20

(Ne nitie ng’at moro machielo miluongo ni Uria wuod Shemaya ma ja-Kiriath-jearim. En bende ne owuoyo e nying Ruoth Nyasaye kuom dalani kendo kuom ogandani, mana kaka Jeremia osewuoyo.

Jeremia 3:13

Mak mana ni nyaka uyie ni useketho, kendo nyaka uyie ni usepiem gi Ruoth Nyasaye ma Nyasachu. Bende yieuru ni usedwanyoru gi nyiseche mamoko e tiend yien duto motimo otiep, kendo ne ok uwinjo wachna.’ An Ruoth Nyasaye ema awacho kamano.

Jeremia 31:9

Joga noduog kaywak, to anakue chunygi ka atelonigi e yo. Anatergi e aore mabeyo mamol, kendo ok ginichwanyre nimar giniwuoth e yo maber. An wuon jo-Israel, kendo Efraim e wuoda makayo.

Mathayo 5:4

“Joma okuyo gin johawi, nikech nohogi.

Joshua 9:17

Mano omiyo jo-Israel nochako wuoth, kendo bang’ ndalo adek ne gichopo e mier mane jogo odakie. Miego ne gin Gibeon gi Kefira gi Beeroth kod Kiriath-jearim.

Jong’ad Bura 2:4

Kane malaika mar Ruoth Nyasaye osewacho ni jo-Israel wechego, ne giywak malit giduto.

1 Samuel 7:1

Ne gitere e od Abinadab e got, kendo ne giyiero Eleazar wuode mondo orite.

1 Samuel 7:3

Samuel nowacho ni jo-Israel duto niya, “Ka en adier ni uduogo ir Ruoth Nyasaye gi chunyu duto, to wituru nyiseche mag pinje mamoko, kod nyiseche mamon miluongo ni Ashtaroth. Chiwreuru ni Ruoth Nyasaye, kendo uti mana ni en kende, mi enoresu e lwet jo-Filistia.”