1 Samuel 5:3 - MUMA MALER 2015

³ Kinyne gokinyi, kane jo-Ashdod obiro, ne giyudo ni Dagon osepodho piny auma e nyim Sanduk mar Ruoth Nyasaye. Omiyo ne gichunge, mi gidwoke kare.

Motingʼo Loko Manyien

³ Kane jo-Ashdod ochiewo kinyne gokinyi mangʼich negiyudo ka Dagon, nogore piny auma e nyim Sandug Muma mar Jehova Nyasaye! Negichungo Dagon mi gidwoke kare.

1 Samuel 5:3 Iomraidhean Croise

1 Ruodhi 18:26

Omiyo ne gikawo rwath, mi giyang’o, kendo ne giluongo nying Baal, chakre okinyi nyaka odiechieng’, ka giwacho niya, “Baal, yie idwokwa!” To ne onge dwoko kata matin. To koro ne gichikore achika ka gilworo kendo-mar-liswa mane giseloso.

Zaburi 115:7

Gin gi lwedo, to ok ginyal mako gimoro, kendo gin gi tielo, to ok ginyal wuotho. Bende gionge gi dwol minyalo winjo.

Zaburi 97:7

Wichkuot omako ji duto malamo kido mag nyiseche manono. Ee, jogo duto masungore gi gik manono, wigi okuot. Kata mana nyiseche duto kulore e nyim Ruoth Nyasaye.

Wuok 12:12

Otienono nawuoth e piny Misri duto kendo naneg nyathi ka nyathi ma dichwo makayo mar dhano kod mar chiayo. An e Ruoth Nyasaye, kendo anakum nyiseche duto mag jo-Misri.

Isaya 19:1

Wach mane Nyasaye onyiso fweny kuom Misri e ma: Neuru kaka Ruoth Nyasaye biro piyopiyo e boche polo. Obiro e piny Misri, emomiyo nyiseche manono mag Misri kirni.

Isaya 40:20

Koso dochal gi yien maber ma ok tow ma ng’ato oyiero, mi oluongo japecho molony mondo olosnego kido mopa ma ok nyal podho?

Isaya 41:7

Kamano japecho jiwo jathedh dhahabu, kaloso nyasaye manono, kendo jal matiyo gi nyundo jiwo jal ma goyo musmal kawacho ni tich riwo nyinyo osetim maber. Eka oguro nyasaye manonono gi musmal mondo kik oyiengni.

Isaya 46:7

Giting’e e gokgi ka gitere dala, kendo girenje piny, mi ochung’ achung’a kanyo ma ok ong’ingni. Kata ka ng’ato kokne matek manade, to ok onyal dwoke, bende ok onyal rese e chandruok.

Jeremia 10:8

Giduto gifuwo kendo gionge rieko, nikech giyudo riekogi manono mana kuom yien mopa!

Zefania 2:11

To Ruoth Nyasaye biro thinyore mondo okumgi marach! Obiro nego nyiseche duto mag piny gi kech, mi ji duto modak e pinje mae dhonembe kod chulni nokulre ka lame, ng’ato ka ng’ato e dalane.

Mariko 3:11

E kinde duto mane jochiende maricho onenee, ne gipodho piny e nyime, ka giywak matek niya, “In e Wuod Nyasaye!”

1 Samuel 6:1

Kane Sanduk Mar Ruoth Nyasaye osebedo e piny Filistia moromo dueche abiriyo,

1 Samuel 6:5

Emomiyo mondo ulos gik maket gi buche mane okuodou, kendo ulos gik maket gi oyieyo ma kethonu piny, kumiyogo Nyasach Israel duong’, mi dipo koweyo sandou, kaachiel gi nyisecheu kod pinyu.