1 Samuel 4:3 - MUMA MALER 2015

³ Kane jolweny oduogo e kambi, jodong Israel nopenjore niya, “Marang’o Ruoth Nyasaye omiyo jo-Filistia oloyowa kawuono? Wadhiuru Shilo waom Sandug Muma mar Ruoth Nyasaye wabedgo, mondo oreswa e lwet wasikwa.”

Motingʼo Loko Manyien

³ Kane jolweny odwogo e kambi, jodong Israel nopenjogi niya, “Angʼo momiyo Jehova Nyasaye oseweyo jo-Filistia oloyowa kawuononi? Waomuru Sandug Muma mar Singruok mar Jehova Nyasaye man Shilo, mondo odhi kodwa kendo oreswa e lwet wasikwa.”

1 Samuel 4:3 Iomraidhean Croise

2 Samuel 15:25

Eka ruoth nowacho ni Zadok niya, “Dwok Sanduk mar Nyasaye Jerusalem. Kapo ni Ruoth Nyasaye okecha, to enoduoga, mi anane Sanduk kod kar dakne kendo.

1 Weche mag Ndalo 17:1

Kane Daudi osechako dak e ode mane ogero, nowacho ni Nathan janabi niya, “Koro an adak e ot moger maber gi yiend sida, to Sandug Muma mar Ruoth Nyasaye nie hema.”

Zaburi 74:1

A Nyasaye, isejwang’owa kamano nang’o? Bende mirima biro maki gi jogi iwuon nyaka chieng’ adier?

Zaburi 74:11

Ere gima omiyo itamori konyowa? Koso ang’o momiyo ing’wonyonwa lweti?

Isaya 50:1

Ruoth Nyasaye wacho niya, “Un jo-Israel ma nyithinda, en adier ni ne ariembou nikech timbeu maricho, to bende nitie gima nyiso ni nariembou chuth, kaka ng’ato riembo chiege? Koso ng’ato nitie mane achiwoune? Ooyo, ne ang’iewou mana nikech timbeu mamono.

Isaya 58:3

Gipenja niya, “Ere gima omiyo watueyo chiemo ka in to ok ine mano? Koso ang’o momiyo wasandore ka in to ok ine?” An to adwokogi niya, “Winjuru! Chieng’ ma utueyo chiemo, to utimo gik ma un uwegi ema udwaro, kendo jotichu ema uturo gi tich matek.

Isaya 59:1

Bad Ruoth Nyasaye ok chiek, ma ok nyal reso ji, bende ite ok odino, ma ok onyal winjo wach,

Isaya 59:2

to richou ema opogo kindu gi Nyasachu. Adier, richou ema osemiyo opandonu wang’e, mondo kik owinj kwayou.

Jeremia 3:16

Bang’e kusemedoru kendo unya, to ji ok nochak owuo kuom Sandug Muma mar Ruoth Nyasaye kendo. Ok unupare, kendo ok unudware, bende ok unulos moro machal kode.

Jeremia 7:4

To un usiko kuwacho niya, ‘Ma Hekalu mar Ruoth Nyasaye! Hekalu mar Ruoth Nyasaye! Hekalu mar Ruoth Nyasaye!’ Wach muwachono, en miriambo, omiyo kik ugen kuome.

Kwan 10:33

Ne giwuok ka gia e god Ruoth Nyasaye, mi giwuotho kuom ndalo adek, ka Sandug Muma mar Ruoth Nyasaye otelo nyimgi mabor ma dirom wuodh odiechieng’ achiel, mondo omanynigi kama ginyalo bworoe.

Kwan 10:35

Pile kane Sanduk chako wuoth, Musa ne wacho niya, “A Ruoth Nyasaye, a malo, mondo wasiki oke, kendo joma mon kodi oringi!”

Kwan 31:6

Musa nooro jolwenygo gi Finehas wuod Eleazar jadolo mane oting’o gik lemo mag Kama Ler kod tunge migoyo mondo ji ogo sigich lweny. Ji alufu achiel achiel noa e dhoot ka dhoot.

Rapar mar Chik 29:24

Bang’e ogendni duto nopenjre ni, ‘Ang’o momiyi Ruoth Nyasaye osetimo gima kama e pinyni? Ere tiend mirima magerni?’

Rapar mar Chik 31:26

“Kawuru kitap chikni, uket e bath Sandug Muma mar Ruoth Nyasaye ma Nyasachu, mondo obednu kanyo ka rapar,

2 Timotheo 3:5

Ginitim gik mamiyo ginenore ka joma oluoro Nyasaye, to ngimagi to nonyis ni gionge gi teko ma luoro Nyasaye kelo. In to nyaka ibed mabor gi joma kamago.

Jo-Hibrania 9:4

Ei hemano ne nitie kendo-mar-misango molos gi dhahabu miwang’oe ubani, kod Sandug Muma, gi ludh Harun mane oloth, kod kite mopa mondikie Singruok.

Joshua 4:7

to ununyisgi kaka pi aora Jordan noduono kane Sandug Muma mar Ruoth Nyasaye kadho. Kamano kitego nobed rapar ni jo-Israel ndalo duto.”

Joshua 6:6

Omiyo Joshua wuod Nun nolwongo jodolo, mowachonigi niya, “Ting’uru Sandug Muma mar Ruoth Nyasaye, to ji abiriyo kuomu mondo otel e nyime, koting’o tunge abiriyo molos gi tunge imbe.”

Joshua 7:7

Joshua nowacho niya, “A Ruoth Nyasaye, ere gimomiyo isekelo jogi loka Jordan mana ni mondo ichiwgi e lwet jo-Amor, kendo itiekgi? Mad ne wasik loka cha!

Joshua 7:8

A Ruoth Nyasaye ang’o ma dawachi ka koro wasigu oseriembo jo-Israel?

1 Petro 3:21

Pigno en ranyisi mar batiso, ma koro resou sani. Batiso ok en golo chilo kuom ringruok, to en singruok motim ni Nyasaye gi chuny maler. Oresou nikech chier mar Yesu Kristo,

Juda 1:5

Adwaro mondo aparnu weche moko, kata obedo ni useng’eyogi duto kamano. Ruoth noreso jo-Israel, mi ogolo e piny Misri. To achien notieko jogo mane odagi yie.

1 Samuel 1:24

Kane nyathi oseweyo dhoth, nodhi kode Shilo gi rwath ma hike adek, gi mogo ma dirom depe ariyo, gi divai e ndede mar pien, modonjo e od Ruoth Nyasaye.

1 Samuel 14:18

Saulo nowacho ni Ahija ni, “Kel Sanduk mar Nyasaye ka.” Ahija ema ne ting’o Sanduk ni jo-Israel ndalogo.

1 Samuel 4:2

Jo-Filistia noyaro ni lweny momanyore gi jo-Israel, kendo kane girado, jo-Filistia noloyo jo-Israel, mi ginego jogi ma dirom alufu ang’wen e paw lweny.