1 Samuel 2:4 - MUMA MALER 2015

⁴ “Tunge mag joma rateke otur, to joma yomyom manore gi teko.

Motingʼo Loko Manyien

⁴ “Atunge mag jolweny osetur, to jogo mayom yom osemi teko.

1 Samuel 2:4 Iomraidhean Croise

Zaburi 18:39

Ne imiya teko mar kedo, kendo mar loyo wasika.

Zaburi 37:15

To kata kamano gin ema liganglagi biro chwowogi, kendo atungegi biro tur.

Zaburi 37:17

nimar Ruoth Nyasaye notiek joma timbegi richo, to norit joma beyo.

Zaburi 46:10

Owacho niya, “Weuru lweny, eka ung’e ni an e Nyasaye. An gi loch kuom ogendini kendo kuom piny ngima.”

Zaburi 46:9

Otieko lwenje e piny duto. Oturo atunge kod tonge, kendo owang’o okumbni gi mach.

Zaburi 76:3

Kanyo ema ne oturoe aserni gi okumbni kod ligengni mag wasigu.

Isaya 10:4

mondo kik gikirni e nyim jotuech, kata kik gipodhi e lwet janek? To kata kamano mirimb Ruoth Nyasaye ok norum, kendo pod nosik kokumou akuma.

Isaya 40:29

En ema omiyo joma ool teko. Adier, omedo muya ni joma tekogi orumo.

Jeremia 37:10

To kata kapo ni uloyo jolweny duto mag Babulon ma monjougo, mi odong’ mana joma ohinyore ma nindo aninda, e hembegi, to joma ohinyorego pod dia malo, mi wang’ Jerusalem pep.”

Jeremia 51:56

Gisebiro mondo giketh Babulon kendo gisemako jolweny mage, mi gituro gigi mag lweny. An Ruoth Nyasaye, an e Nyasaye ma kumo ji kuom richogi, omiyo abiro kumo Babulon mana marom gi timbene.

2 Jo-Korintho 12:9

to nowachona niya, “Mich ma amiyi kuom ng’wonona oromi, nikech kama nyawo nitie ema teko tiyoe moloyo.” Emomiyo amor ahinya pakora nikech nyawona, mondo teko mar Kristo odag kuoma.

Jo-Efeso 6:14

Kuom mano, nyonuru piny motegno, kutueyo adiera ka okanda e nungou, kendo kurwako tim makare ka gilweny mag akor,

Jo-Filipi 4:13

Anyalo chomo gik moko duto tir, kuom teko ma Kristo miya.

Jo-Hibrania 11:32

To an dachak awach ang’o? Thuolo ditama mar wuoyonu kuom Gidion gi Barak gi Samson gi Jeftha gi Daudi gi Samwel kod jonabi.

Jo-Hibrania 11:34

Yie ema ne omiyo giumo dho sibuoche, kendo ginego gero mar mach, bende gitony e lweny. Kata obedo ni ne gin joma nyap, to yie nomiyo gibedo joma rateke, kendo gidoko joma ger e lweny, mi giriembo jolweny mane oa e pinje mamoko.