1 Samuel 2:2 - MUMA MALER 2015

² Onge nyasaye moro maler machal gi Ruoth Nyasaye, nikech onge moro, to mana en kende. Bende onge lwanda moro, machal gi Nyasachwa

Motingʼo Loko Manyien

² “Onge ngʼama ler ka Jehova Nyasaye; kendo onge moro makmana in; onge Lwanda machal gi Nyasachwa.

1 Samuel 2:2 Iomraidhean Croise

2 Samuel 22:3

Nyasacha, in e jaresna, gi lwandana ma ageng’orae. In e okumbana, gi teko mar resruokna. In e ohingana gi kar geng’ruokna, kendo jawarna in ema iresa kuom masiche mager.

2 Samuel 22:32

Ere Nyasaye moro, mak mana Ruoth Nyasachwa? Koso ere lwanda moro, mak mana Nyasachwani?

2 Samuel 7:22

A Ruoth Nyasaye, in ema iduong’, kendo pok wawinjo ni nitie nyasaye moro machal kodi. Onge nyasaye moro mak mana in.

1 Ruodhi 8:23

mowacho niya, “A Ruoth Nyasaye ma Nyasach Israel onge nyasaye moro e piny mwalo machal kodi. Irito singruokni mitimo gi jotichni ma wuotho e yoreni gi chunygi duto, kendo iherogi gi hera mosiko.

Zaburi 111:9

Ne okelo warruok ni joge, mi otimo kodgi singruok mosiko. Mano kaka nyinge ler, kendo duong!

Zaburi 18:2

Nyasacha, in e jaresna, kendo lwandana ma ageng’orae. In e okumbana, gi teko mar resruokna, kendo in e ohingana.

Zaburi 18:31

Ere nyasaye moro mak mana Ruoth Nyasachwa? Koso ere lwanda moro mak mana Nyasachwa?

Zaburi 71:19

A Nyasaye, timni makare tundo nyaka e polo malo! Isetimo gik madongo, omiyo onge ng’ama romo kodi.

Zaburi 71:3

Bedna lwanda ma aresorae, kendo ohinga motegno mogeng’a. To adier, inie lwandana kendo ohingana.

Zaburi 73:25

Ere ng’at moro ma an go e polo mak mana in? Kuom mano, ere gimoro machielo ma anyalo dwaro e piny?

Zaburi 86:8

A Ruoth Nyasaye, onge Nyasaye moro ma romo kodi, kata ma nyalo timo gik ma itimo.

Zaburi 89:6

Onge nyasaye e polo machal kodi, yaye Ruoth Nyasaye. Ooyo, onge moro marom kodi.

Zaburi 89:8

A Ruoth Nyasaye Manyalo Gik Moko Duto, ere ng’ama romo kodi gi duong’? Itimo gik moko duto gi adiera, yaye Ruoth Nyasaye.

Zaburi 99:3

Ng’ato ka ng’ato nopak nyinge maduong’ kendo malich. Mano kaka oler manade!

Zaburi 99:5

Pakuru Ruoth Nyasaye ma Nyasachwa, kendo lameuru e nyim kom duong’ne. Mano kaka oler manade!

Zaburi 99:9

Pakuru Ruoth Nyasaye ma Nyasachwa, kendo lameuru e gode maler, nimar Ruoth Nyasaye ma Nyasachwa en Nyasaye maler.

Wuok 15:11

A Ruoth Nyasaye, Ere Nyasaye machal kodi? Ere ng’ama ler ka in? Ere ng’ama chal kodi, manyalo timo honni kod timbe madongo miwuoro?

Isaya 40:18

En ng’a ma dipim gi Nyasaye? Koso ang’o ma diwachi ni chal kode?

Isaya 44:6

Ruoth Nyasaye Manyalo Gik Moko Duto ma Ruodh jo-Israel kendo jawargi, wacho niya, “An e mokwongo, kendo an e mogik, bende onge Nyasaye moro mak mana an.

Isaya 44:8

Kik ubed maluor, bende kik chunyu nyosre! Donge ne anyisou chon ni gima kama biro timore? Adier, ne ahulo wachno, kendo koro ubedo joneno maga! Bende nitie Nyasaye moro machielo, ma ok mana an? Ooyo, ok ang’eyo Jachuech moro machielo.”

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Isaya 6:3

Ne giluongore, ka moro ka moro kok ni wadgi niya, “Mano kaka Ruoth Nyasaye Manyalo Gik Moko Duto ler! Oler adier! Yaye mano kaka oler! Piny duto opong’ gi duong’ne.”

Jeremia 10:6

A Ruoth Nyasaye, onge ng’ato machal kodi, iduong’ kendo nyingi bende duong’.

Tim jo-Lawi 11:44

An e Ruoth Nyasaye ma Nyasachu, omiyo nyaka opwodhru kendo ubed joma ler, nikech an aler. Kik uchidru gi gimoro mamol kata malak e lowo.

Tim jo-Lawi 11:45

An e Ruoth Nyasaye mane ogolou e piny Misri mondo ubed Nyasachu. Omiyo nyaka obed maler nikech aler.

Tim jo-Lawi 19:2

ni mondo onyis jo-Israel niya, “Nyaka ubed joma ler, nikech an Ruoth Nyasaye ma Nyasachu aler.

Jo-Rumi 15:4

Adier, weche mane ondiki chon e Muma nondiki mondo opuonjwa, kendo mondo Muma omiwa kinda kendo ohowa, mi wabed gi geno.

Jo-Rumi 4:8

Adier, ng’at ma Ruoth ok kwan ka jaricho en jahawi!”

Rapar mar Chik 3:24

‘A Ruoth Nyasaye, isechako nyisa duong’ni gi tekoni. Onge Nyasaye moro amora e polo kata e piny ma tekone nyalo romo gi tekoni, kata manyalo timo timbe madongo mitimogi.

Rapar mar Chik 32:20

Nowacho niya, ‘Ok named kwanogi ka joga, to abiro neno gikogi, nimar gin tieng’ ma wigi tek, nyithindo ma ok nyal gen.

Rapar mar Chik 32:39

“Koro ng’euru malong’o ni an e Nyasaye, kendo onge nyasaye moro, mak mana an. An kende ema anego ji, kendo an ema achiwo ngima. Ahinyo, bende achango. Onge ng’ama nyalo reso ng’ato e lweta.

Rapar mar Chik 32:4

En lwanda, ma tichne long’o, nikech yorene duto ni kare. En Nyasaye ma jaadiera, kendo maonge ketho, ma timbene kare, kendo ma jaratiro.

Rapar mar Chik 4:35

Mago duto Ruoth Nyasaye notimo mondo onyisu ni en Nyasaye. Onge Nyasaye moro mak mana en.

Rapar mar Chik 4:39

Kuom mano koro beduru gi adiera, kendo ung’e ni Ruoth Nyasaye en Nyasaye, kendo onge nyasaye moro e polo kata e piny.

1 Petro 1:16

Paruru gima Nyasaye wacho e Muma ni, “Nyaka ubed joma ler, nikech an aler.”