1 Samuel 10:3 - MUMA MALER 2015

³ Bang’ mano, inichop e yath maduong’ man Tabor, kama iniromie gi ji adek ma dhi lamo Nyasaye, ka achiel kuomgi oting’o nyidiek adek, to machielo oting’o makati adek, kendo moro oting’o ndede mar divai.

Motingʼo Loko Manyien

³ “Eka ibiro wuok kanyo midhi nyaka yath maduongʼ man Tabor. Ji adek mawuotho kadhi Bethel ir Nyasaye norom kodi kanyo. Achiel kuomgi biro biro kotingʼo nyidiek adek, to machielo biro tingʼo makati adek, to machielo to otingʼo ndede mar divai.

1 Samuel 10:3 Iomraidhean Croise

Chakruok 28:19

Nochako nying kanyo ni Bethel (tiende ni od Nyasaye.) To e kinde mokwongo dalano niluongo ni Huz.

Chakruok 28:22

kendo kidi ma asechungo ka sironi nobed odi. Bende anamiyi achiel kuom apar mag gik moko duto mimiya.”

Chakruok 35:1

Nyasaye nowacho ni Jakobo niya, “Ikri idhi Bethel, mondo idag kuno, kendo igerie kendo-mar-misango ni Nyasaye mane ofwenyoreni e kinde mane iringo Esau owadu.”

Chakruok 35:3

Wawuoguru wadhi Bethel kuma abiro geroe kendo-mar-misango ni Nyasaye mane okonya ka anie chandruok, kendo mosebedo koda kamoro amora madhiye.”

Zaburi 89:12

bende ne iketo nyandwat kod milambo. Got Tabor gi got Hermon werni gi mor.

Jeremia 32:8

Kane Ruoth Nyasaye osenyisa kamano, Hanamel ma wuod owadgi wuora nobiro ira e laru mar jorit, mowachona niya, “Ng’iew puotha man Anathoth e piny Benjamin, nikech in watna mahie, omiyo in ema in gi ratiro mar ng’iewe obed mari.” To koro nang’eyo ni Ruoth Nyasaye ema dwaro mondo ang’iew puodhono.

Tim jo-Lawi 1:10

Ka ng’ato ochiwo rombo kata diel mondo otimgo misango miwang’o pep, to nyaka obed im kata nyuok maonge songa.

Tim jo-Lawi 23:13

To misango mar cham michiwo gi imno nobed mogo mayom moromo kilo abiriyo, moruw gi mo. Misango nyaka wang’ mondo odum tik mamit ni Ruoth Nyasaye. To misango miolo piny nobed divai moromo lita achiel.

Tim jo-Lawi 3:12

Ka chiwo ma otimogo misangono en diel, to nyaka ochiwe e nyim Ruoth Nyasaye,

Tim jo-Lawi 3:6

Ka ng’ato chiwo diel kata rombo mondo otimgo ni Ruoth Nyasaye misango mar sawo, to nyaka obed ma dichwo kata ma dhako maonge songa.

Tim jo-Lawi 7:13

To bende nyaka medie makati moketie thowi.

Joshua 19:12

To tong’gi moa Shedub kochomo yo wuok chieng’, nochiko tong’ Kisloth-tabor modhi Daberath kod Jafia.

Joshua 19:22

Tong’gi nokadho but Tabor gi Shahazuma kod Beth-shemesh mogik e aora Jordan. Giduto ne gin mier apar gauchiel, ka ok okwan mier matindo ma nokiewo kodgi.

Jong’ad Bura 20:18

Jo-Israel nowuok modhi Bethel, mi gipenjo Nyasaye wach niya, “Ere dhoot monego kuong dhi monjo jo-Benjamin?” Ruoth Nyasaye nodwoko ni, “Dhood Juda ema mondo okuong monjogi.”

Jong’ad Bura 20:27

E ndalono Sandug Muma mar Nyasaye ne ni kuno,

Jong’ad Bura 4:12

Kane onyis Sisera wach ni Barak wuod Abinoam osedhi got Tabor,

Jong’ad Bura 4:6

Chieng’ moro Debora noluongo Barak wuog Abinoam ma nodak Kedesh e piny Naftali, mowachone niya, “Ruoth Nyasaye ma Nyasach Israel ochiki mondo idhi e piny Naftali gi Zebulun, ikawie ji alufu apar mondo idhigo e got Tabor.

Jong’ad Bura 8:18

Bang’e nopenjo Zeba gi Zalmuna niya, “Joma nunego Tabor ne chal nadi?” Ne gidwoke ni, “Ne gichal kodi. Ng’ato ka ng’ato kuomgi ne chalo gi wuod ruoth.”

1 Samuel 10:4

Ginimosi, kendo ginimiyi makati ariyo, mi inikaw e lwetgi.