तितस 3:8 - Dhimal NT

⁸ इदोइ भनाइ सत्ये हि, जेदोङ एलाङ खिनिङ का नासेहेङ दोअ्का हिघा, का भोखा कि जेलाउ नाअ् खान्धुराइगेलाइहेङ धिरपाखेना इदोइ काथागेलाइता जोर पिसु, कालाउकि जाइ परमेस्वरता खाङधुरि ताअ्का हि ताइमिहेङ रेम्का काम पालि मन लागाइलि द्वाको। हाइपालिपानु इदोइ सिक्स्यागेलाइ गोताङ द्‍याङगेलाइको भाअ्सिङ रेम्का कालाउ फाइदा जनक बुङ हि।

धिमाल

⁸ इदोइ जातिङको काथा एइ। परमेस्‍वरता खान्‍धुर पाका झोको रेम्‍का काम पालि मन लागायाको दोअ्‌तेङ ना बल पाका का भोखा। इदोइ रेम्‍का काम पालि दोङ झाराङ द्‌याङगेलाइहेङ लाभ पिका काथा एइ।

तितस 3:8 Iomraidhean Croise

मत्‍ति 20:4

कालाउ वा इम्बालाइहेङ दोअ्हि, नेलाइ बुङ काङको आङगुरको बारिता हानेसु, का नेलाइहेङ निङलि गोइका ज्याला प्याङका। कालाउ इम्बालाइ बुङ काम पालि हानिहि।

युहन्‍ना 12:44

येसु जेरहेङ तिराराइका गालाहोइ दोअ्हि, कासेहेङ खाङधुरि पाकालाइ कासेहेङ माको, भरु कासेहेङ दिङगिल्का परमेस्वरहेङ खाङधुरि पाखे।

युहन्‍ना 5:24

जातिङ भारि का नेलाइहेङ दोअ्खा, जाइ काङको बचन हिङखे कालाउ कासेहेङ दिङगिल्काहेङ खाङधुरि पाखे, उङको दोफा आनान्त जिबन हि। ओबालाइहेङ दन्ड माप्याङ कालाउ इम्बालाइ आनान्त कालको सिकासो बान्चियाङ कालाउ लाम्फासोङ नावा जिबनता दुल्लि दोका हि।

साल्न्हाका चात्या 12:15

ओबालाइ रोदाहेङ दोअ्हि, “नाअ् पागिलि जेङना हाइ।” कालाउ वा जातिङको पतरुस दोङ दोअ्तेङ जोर पाहि। कालाउ इम्बालाइ दोअ्हि, “इङको वाको सामाराइका स्वर्गदुत वाला।”

रोमि 4:5

कालाउ जाइ परमेस्वरको आनुग्रह निङलिको भाअ्सिङ काम मापाखे, कालाउ दुस्ट द्‍याङगेलाइहेङ ताइको आगाता धर्मि बानाइका परमेस्वर ह्रुता भरोसा ताअ्खे, इन्सिका द्‍याङगेलाइको खाङधुरिको कारन इम्बालाइ धर्मि गान्डिन्हाखे।

2 कोरिन्थि 4:13

कालाउ केलाइ प्राचार पाकाताङ ह्याङ, हाइपालिपानु केलाइ बुङ भजन लेखेका भाइकाङ खाङधुरि ताअ्का हिनाहि। भजन लेखेका द्‍याङ दोअ्का हि, “का परमेस्वरता खाङधुरि पाङका, ओदोङ भाअ्सिङ का नुइ धुइघा।”

एफिसि 4:28

खुकालाइ एला उसो माखुवाको। भरु वा ताइको खुरहोइ इमानदारसो परिस्रोम पाको, कालाउकि गरिब द्‍याङ दोफा बाखाराइलिको भाअ्सिङ वाको दोफा हाइ दोङ ह्याको।

1तिमोथि 1:15

इदोइ भनाइ सत्ये हि, कालाउ यासेहेङ खाङधुरि पालि द्वाङ, कि केलाइ पापिगेलाइहेङ उद्दार पालि येसु ख्रिस्ट सुमिङता लोहि, कालाउ पापिगेलाइता का झाराङ खान्तेङ हेन्जा पापि हिघा।

1तिमोथि 2:8

का चाहिखा, कि जेलाउ बुङ नेलाइ परमेस्वरहेङ आराधाना पालि जोम्सुखेना, परमेस्वरहेङ ग्रहन योग्य जिबन जियाइका वाबालाइ ताइको पबित्तरो खुर तोल्हेतेङ बिना क्रोड कालाउ बिना माचेरसुसिङ प्रार्थाना पाको।

1तिमोथि 5:10

गोताङ वा आसल काम पाका, चान-चामिन्दिगेलाइहेङ रेम्फा पोसेका, बान्सालाइहेङ ताइको साअ्ता सेवा सात्कार पाका, प्रभुको दासगेलाइको सेवा पाका, दुख परिकालाइहेङ साघाइका, कालाउ इसिकाङ ताइको जिबनता आसल काम पाका हिलि गोइखे।

2 तिमोथि 1:12

ओदोङ सुसमाचार प्राचार पालिको भाअ्सिङ का झ्यालखानाता कस्ट भोगिलि गोइतेङ हिघा। कालाउ बुङ का मालेदेरखा, हाइपालिपानु का ख्रिस्टहेङ नाल्खा जाइ ह्रुता का भोरोसा बुङ ताअ्का हिघा। कालाउ कासेहेङ इदोइ निसित हि, कि परमेस्वर कासेहेङ जिम्मा पिका काथाहेङ ख्रिस्ट ताइमिङ आरोङ घुरितेङ मालोपा धाउ इङको काथा जोगाइतेङ ताअ्ताङ।

तितस 1:9

वा केलाइसो येसु ख्रिस्टको बारेता धिरका सत्ये सन्देसहेङ पुर्न रितिहोइ खाङधुरि पाको। कालाउकि वा आरुहेङ इङको सहि सिक्स्या पिलि द्वाको कालाउ हासु बुङ इङको सत्ये सिक्स्याको बिरोध पाखे पानु, इम्बालाइहेङ सच्याइलि द्वाको।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

तितस 2:7

नाअ् गोताङ काथाता जेलाउ बुङ आसल काम पाअ्‌ कालाउ आरुको भाअ्सिङ नामुना जेङतेङ तिङपा। जेलाउ नाअ् खान्धुराइगेलाइहेङ धिरपाना रेम्का मनसायहोइ धिरपा। कालाउकि इम्बालाइ नासेहेङ आदार पाको।

तितस 3:1

सासकगेलाइ कालाउ आधिकारिगेलाइको आदार पाअ्‌ कालाउ इम्बालाइको आग्या किलि दोअ्तेङ इन्ताको खान्धुराइगेलाइहेङ फोम पा-पाअ्‌, कालाउ आरुको भाअ्सिङ रेम्का काम पालि दोअ्।

तितस 3:14

इङको खिनिङ माको, कालाउ खान्धुराइगेलाइहेङ रेम्का काम पातेङ हि दोअ्तेङ धिरपा, कालाउकि इम्बालाइ खाचोता परिका द्‍याङगेलाइहेङ साघाइलि द्वाको, कालाउ इदोइ कामसो खान्धुराइगेलाइ जिबनको उदेस्य हाइ दोअ्तेङ गिलि द्वाको।

फिलेमोन 1:11

इङको दिनागेलाइता ओनेसिमस नाङको भाअ्सिङ बेक्कामको हिघाहि। कालाउ एला नाङको भाअ्सिङ कालाउ काङको भाअ्सिङ काम लागिका जेङका हि।

हिब्रु 10:24

केलाइ ता-ताइमिता एमिसो-भेनेङहेङ प्रेम कालाउ भलाइ पाका कामता एमिसो-भेनेङहेङ हाउसाइ पाइने।

1पतरुस 1:21

हाइपालिपानु ख्रिस्टको पाका कामको कारनहोइ, नेलाइ एला परमेस्वरता खाङधुरि पासुखेना। कालाउ नेलाइ ताइको खाङधुरि कालाउ आस परमेस्वरता ताअ्का हिसुना, हाइपालिपानु वा ख्रिस्टहेङ सिकासो सिन्चाल पाहि कालाउ वासेहेङ बारका महिमा पिहि।