Biblia Todo Logo
Bìoball air-loidhne

- Sanasan -




तितस 3:7 - Dhimal NT

7 परमेस्वर इसिका पाहि, कालाउकि वाको आनुग्रह पाहासो केलाइ ठिक थोहोरिलि कालाउ वाको सान्तान जेङलि द्वाको, कालाउ केलाइ आस ताअ्का आनान्त जिबन बुङ निङलि द्वाको।

Faic an caibideil Dèan lethbhreac

धिमाल

7 एसापा वाको निगाहाहोइ केलाइ परमेस्‍वरको आगाता उचित ठर्‍हाइन्‍हालि द्‌वाको रो केलाइको आस ताअ्‌का केलाइ असिम ज्‍यानको बुङ हाक्‍वाला जेङलि द्‍वाको।

Faic an caibideil Dèan lethbhreac




तितस 3:7
25 Iomraidhean Croise  

कालाउ का राजा ताइको दाम्पाहा योम्कालाइहेङ दोअ्ताङका, लोसु काङको आबा परमेस्वर नेलाइहेङ आसिरबाद पिका हि। लोसु कालाउ परमेस्वर नेलाइको भाअ्सिङ प्रतिग्या पाका सासनता आधिकारि हिसुना। सुमिङ सिरजाइकाको लाम्फासोङ इदोइ नेलाइको भाअ्सिङ तियार पाका हिघाहि।


येसु ताइको चात्यागेलाइ दोफा दामाता हानिकाताङ पालाउ एमि द्‍याङ धाअ्तेङसाङ लोतेङ वाको खोकोइता तिरु थोअ्तेङ हिअ्हि, “ओइ एल्का प्रभु, परमेस्वरसो आनान्त जिबन निङलिको भाअ्सिङ का हाइ काम पालि गोयाङ?”


या आसल काम पाकाको आधारता माको, कालाउ परमेस्वर ताइको आनुग्रहहोइ इम्बालाइहेङ साल्हि। जेसापा इङको कामको आदार सोनु ते आनुग्रह एला आनुग्रह दोङ माको।


कालाउ परमेस्वर ताइको आनुग्रह पाहासो केलाइहेङ केलाइको पापगेलाइको दन्डसो येसु ख्रिस्टको माध्यम पाहासो लाअ्पाका हि, कालाउ परमेस्वर केलाइहेङ एन्साङ दोङ धर्मि बानाइका हि।


ओदोङ भाअ्सिङ केलाइ गिनाखे कि मोसाको व्यवस्था केम्नाङ माको, भरु येसु ख्रिस्टता खाङधुरि पानाङ केलाइ परमेस्वरको आगाता धर्मि बानाइन्हाका हिनाहि।


ओदोङ भाअ्सिङ प्रतिग्या परमेस्वर ह्रुताको खाङधुरिता निर्भर पाखे, कालाउकि परमेस्वरको प्रतिग्या वाको आनुग्रहता पाक्का ह्याको। या प्रतिग्या आब्राहामको हारागुटियागेलाइहेङ खिनिङ माको, जाइ दोफा व्यवस्था हि। कालाउ आब्राहामको भाइका खाङधुरि पाका झाराङको भाअ्सिङ दोङ हि, हाइपालिपानु आब्राहाम केलाइ झाराङको आबा पुर्खा दोङ हि।


एला काम पाका जेदोङ ज्याला निङखे इङको दान माको भरु इङको वाको निङका होक हि।


कालाउ केलाइ परमेस्वरको सान्तान नुते उत्ताराधिकारि बुङ हिनाहि, परमेस्वरको उत्ताराधिकार कालाउ ख्रिस्ट दोफा साझा-उत्ताराधिकारि। कालाउ जेसापा केलाइ ख्रिस्ट भाइपाङ दुख पिडागेलाइ भोगिन्हाखे पानुते केलाइ बुङ ख्रिस्ट दोफाङ महिमित जेनाङ।


नेलाइ हेथेते इन्सिकाङ हिघासुखेना, कालाउ परमेस्वर नेलाइको पाप झाअ्पिहि, कालाउ प्रभु येसु ख्रिस्टको मिङता केलाइहेङ पबित्तरो आत्मासो धर्मि कालाउ पबित्तरो बानाइहि।


केलाइ गिनाखे, कि मोसाको व्यवस्था मानिकाता खिनिङ हासु बुङ परमेस्वरको आगाता धर्मि माजेङखे। भरु येसु ख्रिस्टता खाङधुरि पाहे पानु खिनिङ द्‍याङ परमेस्वरसो धर्मि जेङलि द्वावा। ओदोङ भाअ्सिङ केलाइ बुङ येसु ख्रिस्टता खाङधुरि पानाखे। कालाउकि केलाइ मोसाको व्यवस्था मानितेङ माको, भरु येसु ख्रिस्टता खाङधुरि पानाङ धर्मि जेङलि द्वाइने, हाइपालिपानु मोसाको व्यवस्था मानितेङ हासु बुङ धर्मि जेङलि माद्वाङ।


जेसापा नेलाइ ख्रिस्टता हिसुना पानुते नेलाइ जातिङकोङ आब्राहामको सान्तान हिसुन्हा, कालाउ वाको होक वाला हिसुन्हा कालाउ परमेस्वर आब्राहामहेङ प्याङका दोअ्का बाचा नेलाइ बुङ निङस्वाना।


ओदोङ भाअ्सिङ, एला नेलाइ बान्धाइति माको, भरु परमेस्वरको सान्तान हिसुना, कालाउ जेसापा सान्तान दोङ नुते, वा केलाइहेङ इङको गोताङ प्याङ जेदोङ वाको सान्तानको दोङ हि।


केलाइ येसु ख्रिस्ट कालाउ आबा परमेस्वरहेङ प्रार्थाना पानाखे जाइ दोङ केलाइहेङ प्रेम पाहि, कालाउ वा ताइको आनुग्रहसो केलाइहेङ आनान्तको हाउसाइ कालाउ निसित आस पिहि।


एसापा इम्बालाइ परमेस्वर दोफा आनान्त जिबनको आस पाखे। हाइपालिपानु हेलाउ बुङ माधाताइका परमेस्वर, सुमिङ सिरजाइका खान्तेङ लाम्फा दोङ ताइको द्‍याङगेलाइहेङ आनान्त जिबन प्याङका दोअ्तेङ प्रतिग्या पाका हिघाहि।


खान्धुराइगेलाइहेङ एसापा धिरपा, हाइपालिपानु गोताङ द्‍याङगेलाइहेङ पापसो लाअ्पालि परमेस्वर ताइको आनुग्रह तिङपाका हि।


कालाउ केलाइ आस पाका दिनाको दामा खाङतेङ हिनाखे: जेदोङ दिना येसु ख्रिस्ट, जाइ केलाइको माहान परमेस्वर मुक्ति दाता हि, वा ताइको गोताङ महिमा दोफाङ इदोइ प्रिथिबिता ल्वाङ।


कालाउ स्वर्गदुतगेलाइको उदेस्य हाइ कुनु? इम्बालाइ परमेस्वरको सेवा पाका खिनिङ हि। परमेस्वर इम्बालाइहेङ मुक्ति निङलि हानिका द्‍याङगेलाइहेङ साघाइलि दिङगिल पिहि।


खाङधुरि पाहासो नुहा मिङ पाका द्‍याङ हेलाउ बुङ मातिङका बानेको बारेता परमेस्वरसो चेताउनि निङतेङ वाको आग्या केम्तेङ ताइको जाहानहेङ बान्चिपालि एनोङ बारका जाहाज बानाइहि। हाइपालिपानु नुहा खाङधुरि पाहि, वा आरु खाङधुरि मापाका द्‍याङगेलाइहेङ दुसिका थोहोरिहि, कालाउ खाङधुरि पाहासो परमेस्वर नुहाहेङ धर्मि बानाइहि।


परमेस्वर प्रतिग्या पाका थामेता आब्राहाम एमि परदेसि कोनिङ भाइपा खोपारागेलाइ बानाइतेङ हि, कालाउ आब्राहाम दोफाङ वाको चान इसाहाक कालाउ वाको चु याकुब बुङ परमेस्वरसो ओदोङ प्रतिग्या निङहि कालाउ एन्साङ पातेङ खोपारा बानाइतेङ हि।


ओदोङ भाअ्सिङ परमेस्वर बुङ केरा चाहि, कि इदोइ पाहासो वा प्रतिग्या निङका द्‍याङगेलाइहेङ झालाफालापा तिङपालि भोघाखे कि वा ताइको प्रतिग्या पुरा पाङ।


काङको आनाउ खान्धुराइ ओनेगेलाइ, हिङसु, हाइ परमेस्वर सुमिङको नजरता गरिबगेलाइहेङ खाङधुरिता धनि बानाइतेङ इङको राइजिको उत्तराधिकारि जेङलिको भाअ्सिङ मासाल्हि रो? इदोइ दोङ राइजिको उत्तराधिकारि बानाइलि वासेहेङ प्रेम पाकालाइहेङ वा प्रतिग्या पाका माको रो?


एसापा दोङ नाअ् के गेलाइ ताइको बे गेलाइदोफा बिचारसिल जेङतेङ ब्यभार पासु। कालाउ नेलाइ इदोइ फोम ताअ्लि गोइखे कि इम्बालाइ नेलाइ खान्तेङ हुइका हि, ओदोङ भाअ्सिङ नेलाइ इम्बालाइको साम्मान पालि गोइखे। हाइपालिपानु नेलाइ न्हेमि दोङ परमेस्वरको आनुग्रह दोफाङ पिका बरदानता साझे होकदार हिसुना, जेदोङ आनान्त जिबन दोङ। एसा पासु कालाउकि जेलाउ नेलाइ वासेहेङ प्रार्थाना पास्वाना परमेस्वर हिङ प्याको।


Lean sinn:

Sanasan


Sanasan