तितस 3:3 - Dhimal NT

³ हाइपालिपानु केलाइ खान्धुराइ जेङलि खाङतेङ लाम्फा केलाइ मुर्ख, परमेस्वरको आग्या माकिका कालाउ द्‍याङगेलाइ केलाइहेङ धोका पिघाहि। कालाउ केलाइ गोताङ मारेम्का इच्छा कालाउ मारेम्का कामगेलाइको काबुता हिघान्हाहि, कालाउ केलाइ बो गेलाइहेङ डाहा, मन्दा माताघान्हाहि कालाउ एमिसो-भेनेङहेङ हेला पाघान्हाखे।

धिमाल

³ हाइदोनु केलाइ ताइमिङ बुङ ए पहर निरबुदि, हुकुममासाअ्‌का रो बिगारता वालाका हिघान्‍हाहि। केलाइ मारेम्‍का लाल्‍सासो रो गोताङ खालको भोगबिलासको बान्‍धाइगेलाइ हिघान्‍हाहि। केलाइ ताइको ज्‍यान आसाति रो डाहाता दोपाघान्‍हाखे। केलाइ आनादरि हिघान्‍हाहि रो एभेनेङहेङ आनादर पाघान्‍हाखे।

तितस 3:3 Iomraidhean Croise

मत्‍ति 21:29

वा जोबाफ पिहि, का मान्हाङका। कालाउ न्हुसो वाको जोबाफता पास्ताइहि कालाउ काम पालि हानिहि।

लुका 21:8

येसु दोअ्हि, जागितेङ हिसु, नेलाइहेङ हासु बुङ धाताइलि माद्वाको। हाइपालिपानु हेन्जा द्‍याङगेलाइ काङको मिङ ल्होतेङ ल्वावा कालाउ इम्बालाइ द्वावा का दोङ ख्रिस्ट सोमोइ चेम्ताङ लोका हि, दोअ्तेङ द्वावा इम्बालाइको लेसारा मापिताइसु।

युहन्‍ना 8:34

येसु इम्बालाइहेङ दोअ्हि, जातिङ भारि का नेलाइहेङ दोअ्खा, पाप पाकालाइ पापको खाबाराता हि।

रोमि 11:30

हाइपालिपानु जेसाङ नेलाइ बुङ एखे परमेस्वरको आग्या माकिका हिघासुखेना, कालाउ एला इस्राएललिगेलाइ आग्या माकेम्नाङ परमेस्वरको दाया नेलाइ निङका हिसुना।

रोमि 6:12

ओदोङ भाअ्सिङ नेलाइको जिउको पापि इच्छागेलाइहेङ नेलाइको जिबनहेङ काबुता पालि मापि, कालाउ ताइको पापमय इच्छा आन्सार काम मापा।

रोमि 6:17

नेलाइ लाम्फा पापको बान्धाइति हिघासुखेना, कालाउ एला नेलाइ निङका सिक्स्या किलि केम्का जेङका हिसुना। कालाउ का वाको भाअ्सिङ परमेस्वरहेङ ह्रदयसोङ धन्यबाद पिखा।

रोमि 6:22

कालाउ एला नेलाइ पापसो मुक्त जेङतेङ परमेस्वरको बान्धाइति जेङका हिसुन्हा। कालाउ नेलाइ इङको काथा पासुखेना जाइ पबित्तरोता थोङखे, कालाउ इङको को आन्त चाहि आनान्त जिबन दोङ हि।

रोमि 6:6

केलाइ गिनाखे कि, केलाइको पापमय ब्यभार ख्रिस्ट दोफा क्रुस्टा तोइन्हाहि, कालाउकि केलाइको जिउको पापमय स्वाभाब नासाताको, कालाउ एलासो केलाइ ताइमिङ पापको बान्धाइति माजेनाइने।

2 कोरिन्थि 12:20

हाइपालिपानु का लोलाउ काङको इच्छा पाका आन्सार नेलाइहेङ मानिनाङका वाला, कालाउ नेलाइ बुङ कासेहेङ ताइमि इच्छा पाका बोमजिम माभेतेस्वाना कि दोअ्का का थितेङ हिघा। सायद इन्ता फेसुका, मि तुपाका, चेरताङका, दिका, स्वार्थ, काथा भानाइका, बोमिको आखेका काथा दोअ्का, आदार मापाका कालाउ गोलमाल जेनाङ वाला।

गलाति 6:3

जेसापा हासु बुङ ताइमिङहेङ का हाइ दोङ हिघा दोअ्का सम्झिखे कालाउ बास्ताबता हाइ बुङ मान्थुखे पानु, वा ताइमिहेङ धोका पिखे।

कलस्सि 1:21

हानिका सोमोइता दुस्ट काम पातेङ नेलाइ परमेस्वरसो दुरे जेङसुन्हा कालाउ ताइको मनता बिरोधि जेङका हिघासुखेना।

कलस्सि 3:7

नेलाइ येसु ख्रिस्टता खाङधुरि पालि खाङतेङ लाम्फा इस्काङ ताइको आखेका इच्छागेलाइता जिबन जियाइ घासुखेना।

2 तिमोथि 3:13

कालाउ दुस्ट द्‍याङगेलाइ कालाउ ठगिकागेलाइ आझाइ झन मारेम्का काम पावा। इम्बालाइ द्‍याङगेलाइहेङ ठगियावा कालाउ इम्बालाइ ताइमिङ बुङ आरुगेलाइसो ठगिन्हावा।

2 तिमोथि 3:6

हाइपालिपानु इम्बालाइ मध्येसो हेथेते द्‍याङगेलाइ साअ्-साअ्गेलाइता हानिखे कालाउ आनाइ बेबालाइहेङ ताइको आधिनता पाखे, जाइको ह्रदयगेलाइ पापहोइ लादाइका हिखे कालाउ गोताङ खाल्को इच्सागेलाइसो काबुता परिका हिखे।

तितस 1:16

इङको धाताइका सिक्स्यकगेलाइ परमेस्वरहेङ नाल्का हिघा दोअ्तेङ दाबि पाखे, कालाउ इम्बालाइको कामहोइ इदोइ तिङपाखे कि इम्बालाइ परमेस्वरहेङ मानाल्खे। हाइपालिपानु इम्बालाइ सिकाका, आतेरि कालाउ हिदोइ बुङ रेम्का काम पालि सक्स्यम मान्थु।

तितस 2:12

हाइपालिपानु परमेस्वरको आनुग्रहहोइ केलाइहेङ मारेम्का जिबन जियाइलिसो रोकिखे, कालाउ वाको आनुग्रहसो केलाइ ताइमिहेङ काबुता ताअ्तेङ इदोइ सुमिङता सहि कालाउ आसल जिबन जियाइलि द्वाङ। जेदोङ चाहि परमेस्वरहेङ मन परिखे।

याकुब 1:26

जेसापा हिदोइ बुङ द्‍याङ ताइमिहेङ धर्मि सम्झिखे, कालाउ वा ताइको धुइतेङ हिका काथा काबुता माअ्ताखे, कालाउ ताइको ह्रदयहेङ धोका पिहे पानुते उङको द्‍याङको धर्म ब्यर्थ जेङखे।

1पतरुस 1:14

ताइको आबाको आग्या केम्का केलाइको जामाललाइ भाइपा परमेस्वरको आग्या केम्सु, नेलाइ परमेस्वरको सत्येताहेङ मागिका बेला कोनिङ इच्छा जेङका मारेम्का काम मापासु।

प्रकास 13:14

न्हेतेङ राक्सेस इदोइ गोताङ लाङति राक्सेसको पिका सरबुङसो पाहि। इदोङ आचाम्माका चिन्हाको कारान हेन्जा द्‍याङगेलाइहेङ आसर जेङहि कालाउ इम्बाइलाइ धोका निङहि। न्हेतेङ राक्सेस द्‍याङगेलाइहेङ आग्या पिहि कि वा लाङति राक्सेसको मुर्ति बानाइहि कालाउ वाको आराधाना पाको। हेन्जा लाम्फा, इदोइ राक्सेसहेङ वाङखाराका पेचारा तरवारहोइ जेङका हिघाहि इन्सिका जेङलाउ बुङ आरोङ सिन्हुहि।

प्रकास 18:2

वा बारका गालाहोइ दोअ्हि, “एला या नासा हि। माहान बेबिलोन सहर हेन्जा नासा हि। हाइपालिपानु गोताङ खाल्को भुत-आत्मागेलाइ, इन्ता हिलि तेङहि। इन्ता सिकाका न्हाम्का जिहाँ जुइलेङगेलाइ ताइको बासा ज्वाङ।