तितस 2:8 - Dhimal NT

⁸ कालाउ नाङको सिक्स्या जेलाउ बुङ सहि कालाउ हासु बुङ निन्दा पालि मादोअ्का ह्याको, कालाउकि नाअ् येसुको भाअ्सिङ पाका कामको बिरोध पालाउ, इम्बालाइ लेदेरलि गोयाको, कालाउ इम्बालाइ केलाइको बारेता हाइ दोङ मारेम्का काथा दोअ्लि मानिनाङ।

धिमाल

⁸ बिद्‍या पिलाउ जातिङको रो ल्‍हिका, हासुङ पोलि मादोका बिद्‌यागेलाइ पि। एन्‍सा जेङनु दुस्‍मनगेलाइ बुङ हाइदोङ दोअ्‌लि मादोतेङ ताइमिङ लेदेरता पर्‍यावा।

तितस 2:8 Iomraidhean Croise

मर्कुस 12:17

येसु इम्बालाइहेङ दोअ्हि, “एन्सा पानु या रोमि साम्रातको रोमि साम्रातहेङ पि कालाउ जेदोङ परमेस्वरको हि परमेस्वरहेङ पि।” येसुको इसिका काथा हिङतेङ इम्बालाइ आवाइतुहि।

मर्कुस 12:28

एमि व्यवस्था धिरपाका द्‍याङगेलाइ मध्येसो एमि इन्ता हिका गोताङ काथा हिङतेङ हिघाहि। येसु सादुकिगेलाइहेङ रेम्फा जोबाफ पिका तिङतेङ वा बुङ येसुहेङ हिअ्हि, हे प्रभु, परमेस्वर “जेथे बुङ आग्यागेलाइ पिका हि, इङको झाराङ खान्तेङ महत्व पुर्न बार्का आग्या चाहि हिदोइ वाला।”

मर्कुस 12:32

व्यवस्था धिरपाका द्‍याङ येसुहेङ दोअ्हि, “प्रभु, जातिङको नाअ् ठिक दोअ्ना! नाअ् सत्ये दोअ्ना कि परमेस्वर एमि खिनिङ हि कालाउ आरोङ हिदोइ बुङ न्हेतेङ परमेस्वर मान्थु।”

मर्कुस 12:34

वाको बुद्दिमानि जोबाफ हिङतेङ येसु वासेहेङ दोअ्हि, “नाअ् परमेस्वरको सासनसो दुरे मान्थुन्हा।” कालाउ न्हुसो हासु बुङ येसुहेङ प्रस्नगेलाइ हिअ्लि मादोहि।

लुका 13:17

जेलाउ येसु एसापा दोअ्हि, वाको बिरोधिगेलाइ लेदेरहि। कालाउ द्‍याङगेलाइको जेरसो येसु माहान काम पाका तिङतेङ हाउसाइहि।

2 थेस्लोनिकि 3:14

इदोङ पात्ताराता केलाइको दोअ्का सन्‍देस जेसापा हासु बुङ किलि माकिखे पानु उङको द्‍याङहेङ झाराङ नाल्तेङ ताअ्सु, कालाउ वा दोफा हाइ दोङ सङगत मापासु, कालाउ उङको ताइमिङ लेदेरयावा।

1तिमोथि 5:14

ओदोङ भाअ्सिङ का साल्लाहा पिखा, कि म्हुइका उमेरको के सिकालाइ बिहु पाको, चान-चामिन्दिगेलाइ जोलोम पाको, ताइको साअ् सामाराइयाको, कालाउ बिरोधिगेलाइ इम्बालाइको बादनाम पाका मौका मानिनाङ।

1तिमोथि 6:3

जेसापा हासु बुङ धाताइका सिक्स्यागेलाइ धिरपाखे पानु, केलाइको प्रभु येसु ख्रिस्टको सत्ये सिक्स्या कालाउ परमेस्वरहेङ भक्ति पाका सिक्स्या दोफा सहमत माजेङखे।

तितस 3:14

इङको खिनिङ माको, कालाउ खान्धुराइगेलाइहेङ रेम्का काम पातेङ हि दोअ्तेङ धिरपा, कालाउकि इम्बालाइ खाचोता परिका द्‍याङगेलाइहेङ साघाइलि द्वाको, कालाउ इदोइ कामसो खान्धुराइगेलाइ जिबनको उदेस्य हाइ दोअ्तेङ गिलि द्वाको।

1पतरुस 2:12

परमेस्वरता खाङधुरि मापाका द्‍याङगेलाइ नेलाइको द्‍यापाहाङ हिखे कालाउ नेलाइ गलत पातेङ हिसुना दोअ्लि द्वावा। इसिका रेम्का जिबन बितिपासु कि इम्बालाइ नेलाइहेङ पाका आसल कामगेलाइ तिनावा कालाउ ख्रिस्ट घुरितेङ लोका दिना परमेस्वरहेङ महिमा प्यावा।

1पतरुस 2:15

हाइपालिपानु इदोइ परमेस्वरको इच्छा दोङ हि, कि ब्यभारहोइ परमेस्वरहेङ मानाल्का द्‍याङगेलाइ एला केलाइहेङ धाताइका आरोप लागाइलि हिम्मत मापाङ, हाइपालिपानु इदोइ झालाझालापा हि कि इम्बालाइको धाताइका आरोप सत्ये मान्थु।

1पतरुस 3:16

कालाउ इदोइ मोनोइ कालाउ आदार पुर्न तरिकाहोइ पासु। जेलाउ बुङ जेदोङ ठिक हि इङकोङ पासु। कालाउ जेसापा द्‍याङगेलाइ नेलाइको बिरोधता खाराका काथा पाखे पानु, इम्बालाइ लेदेरता परियावा जेलाउ इम्बालाइ नेलाइको ख्रिस्ट दोफाको सम्बन्धको कारन नेलाइको आसल ब्यभार तिनावा।