तितस 2:4 - Dhimal NT

⁴ कालाउकि इम्बालाइ एनोङ आसल उधाहरन जेङतेङ धानिगेलाइ हेसा ताइको के कालाउ जामाललाइहेङ मायारु पालि गोइखे दोअ्तेङ साल्हा पिलि द्वाको।

धिमाल

⁴ कालाउ खिनिङ इङको बेराङगेलाइ धानि बेबालाइहेङ एम्‍बालाइको केअ् रो जामालाइहेङ दाया पालि धिरपालि द्‍वावा,

तितस 2:4 Iomraidhean Croise

1तिमोथि 5:11

कालाउ म्हुइका उमेरको के सिकालाइको मिङ चाहि के सिका बेबालको सुचिता मालेखेसु, हाइपालिपानु जेलाउ इम्बालाइको जिउको इच्छा ख्रिस्टको सेवा पाका इच्छा खान्तेङ हेन्जा हिखे, इम्बालाइ ख्रिस्टको कामहेङ लाअ्तेङ आरोङ बिहु पालि इच्छा पाखे।

1तिमोथि 5:14

ओदोङ भाअ्सिङ का साल्लाहा पिखा, कि म्हुइका उमेरको के सिकालाइ बिहु पाको, चान-चामिन्दिगेलाइ जोलोम पाको, ताइको साअ् सामाराइयाको, कालाउ बिरोधिगेलाइ इम्बालाइको बादनाम पाका मौका मानिनाङ।

1तिमोथि 5:2

ताइमि खान्तेङ बार्का उमेरको बेबालाइहेङ ताइको आमाइ भाइपाङ कालाउ ताइमि खान्तेङ म्हुइका बेजान ओने दोफा चाहि सुद्द मनहोइ ताइकोङ बेजान ओने भाइपाङ ब्यभाहार पासु।

तितस 2:3

एन्साङ पातेङ बेराङ बेबालाइ गोताङ काथाता परमेस्वरहेङ मन्दा ताअ्का जिबन जियाइयाको, बोमिको काथा पाका कालाउ हेन्जा गोरा-चि आम्का बानि माह्याको। कालाउ इम्बालाइ बो गेलाइहेङ रेम्का काथा पालि धिरपाको दोअ्तेङ इम्बालाइहेङ धिरपा।

तितस 2:5

कालाउ इम्बालाइ ताइमिहेङ काबुता ताअ्का, ताइको के दोफा खाङधुरि योग्य जेङलि, दायाका, रेम्फा साअ् पातेङ चाका कालाउ के को आधिनता हिलि धिरपाको, कालाउकि परमेस्वरको बचनको निन्दा जेङलि मानिनाको।