तितस 2:2 - Dhimal NT

² कालाउ वाराङ द्‍याङगेलाइहेङ ताइमिहेङ काबुता ताअ्लि, आदारको योग्य, समझदारिता जियाइलि, खाङधुरिता पाक्का, प्रेम कालाउ धर्यता बल्लियाका जेङलि धिरपा।

धिमाल

² वाराङ द्‍याङगेलाइहेङ ताइको मनहेङ आधिनता ताअ्‌का, इजत मान हिका, रेम्‍फा बिचार पाका, खान्‍धुरता बोल्‍याका, मायारो पाका रो गोताङ काथा सहेलि दोका हिलि गोयाङ दोअ्‌तेङ धिरपा।

तितस 2:2 Iomraidhean Croise

मर्कुस 5:15

कालाउ इम्बालाइ येसुकोता लोहि, इम्बालाइ उङको द्‍याङहेङ खाङहि जाइ एनोङ सोमोइता भुत-आत्माहोइ पोङघाका हिघाहि, वा एल्तेङ लोखोन होङतेङ योम्तेङ हिका तिङतेङ इम्बालाइ आवाइतुहि।

लुका 8:35

हेन्जाङ द्‍याङगेलाइ हाइ जेङहि दोअ्तेङ खाङलि बाहार ओल्लेतेङ लोहि, जाइ एनोङ सोमोइता भुत-आत्माहोइ पोङघाका हिघाहि। इम्बालाइ येसुकोता लोहि एला वा लोखन होङतेङ एल्का जेङतेङ येसुको खोकोइ भेरपा योम्तेङ हिका तिङनाङ इम्बालाइ आवाइतुहि।

साल्न्हाका चात्या 24:25

जेलाउ पावल परमेस्वरको आगाता ठिक काम पाका कालाउ इच्छाहेङ काबुता ताअ्लि कालाउ परमेस्वर न्याय पाका दिना लोदोङखे दोअ्का काथा हिङपाहि कालाउ फेलिक्स थितेङ दोअ्हि, “एलाङ जेङहोइ हानेसु, सोमोइ निङका बेलाता का नासेहेङ कायाङका।”

रोमि 12:3

परमेस्वर कासेहेङ पिका आनुग्रह पाहासो नेलाइ मध्ये झाराङहेङ का आग्राह पाखा, कि ताइमि जिसिका हिनाहि इङको खान्तेङ हेन्जा ताइमिहेङ मासम्झ्याको। कालाउ परमेस्वर झाराङहेङ पिका खाङधुरिको जोखेकाहोइ ताइमि जिसिका हि, इन्सिकाङ थानियाको।

1 कोरिन्थि 15:34

जेदोङ काथा रेम्का हि इङकोता ध्यान पिसु कालाउ एला उसो पाप मापासु, हाइपालिपानु नेलाइ मध्ये हेथेहेङ ते परमेस्वरहेङ रेम्फासो मानाल्खे। नेलाइहेङ लेदेरपालिको भाअ्सिङ का या दोअ्का हिघा।

1 कोरिन्थि 9:25

धाअ्काता भाग ह्रुलि गोइका खेलाडिगेलाइ जिउहेङ काबुता पालि आभ्यास पाखे। इम्बालाइते जितिलि कालाउ साम्मान निङलि एन्सा पाखे, इम्बालाइते चुतेङ हानिका ल्हाफाको माला निङखे जेदोङ हेन्जा सोमोइ थेकापा माहिखे। कालाउ केलाइ चाहि साम्मान कालाउ जेलाउ बुङ हिका आसिसको भाअ्सिङ इसिका पानाखे।

2 कोरिन्थि 5:13

जेसापा केलाइहेङ हासु बुङ पागाला दोअ्खे पानु इङको परमेस्वरको भाअ्सिङ हि, कालाउ जेसापा केलाइ पागाला मान्थु दोअ्तेङ बो द्‍याङगेलाइ दोअ्खे पानु, इङको नेलाइको भाअ्सिङ दोङ हि।

गलाति 5:23

मोनोइ कालाउ ताइमिहेङ काबुता ताअ्लि। इसिका काथागेलाइको बिरोधता पाका हिदोइ बुङ व्यवस्थाता मान्थु।

फिलिप्पि 4:8

आम्तिमता खान्धुराइ ओनेगेलाइ, जेदोङ काथा सत्ये हि, जेदोङ काथा आदारनिय हि, जेदोङ काथा ठिक हि, जेदोङ काथा सुद्द हि, जेदोङ काथा झालाफालापा हि, जेदोङ काथा क्रिपामय हि, जेसापा हाइ दोङ स्रेस्थता, कालाउ बाखिन योग्य हाइ दोङ हि पानु इदोइ दोङ काथागेलाइता मन लागाइसु।

1 थेस्लोनिकि 5:6

ओदोङ भाअ्सिङ केलाइ आरु द्‍याङगेलाइ भाइपा माजिमाइने, जाइहेङ प्रभु लोका दिनाको बारेता थाहा मान्थु, भरु जागितेङ ह्याइने कालाउ चङख ह्याइने कालाउ आत्मा काबुता हिलि गोइखे।

1 थेस्लोनिकि 5:8

कालाउ केलाइ चाहि दिनाको हिनाङ खाङधुरि कालाउ प्रेमको तुम्ताको पाता लागाइने जेदोङहोइ केलाइहेङ बान्चिपाखे, जेसाङ तुम्ताको पाताहोइ सिपालाइहेङ जोगे पाखे। कालाउ आस पाइने, कि केलाइ आनान्त साजाइसो बान्चिका हिनाहि, जेसाङ टोपहोइ सिपाइहेङ बान्चिपाखे।

1तिमोथि 1:10

कासिबिरिगेलाइको भाअ्सिङ, वाबालसो-वाबालहेङ कुसुमि पाकागेलाइको भाअ्सिङ, द्‍याङगेलाइहेङ बान्धाइतिको रुपता पिइकालाइको भाअ्सिङ, धाताइका काथा पाकागेलाइको भाअ्सिङ, कालाउ धाताइका केरा चाकालाइको भाअ्सिङ, कालाउ सत्ये सिक्स्याको बिरोधता काम पाकालाइको भाअ्सिङ जेङका हि।

1तिमोथि 1:14

कालाउ केलाइको प्रभु कासेहेङ वाको आसिम आनुग्रह लागातार तिङपाहि। वा दोङ कासेहेङ वा ह्रुता खाङधुरि पाका बानाइहि, कालाउ आरुहेङ प्रेम पालि धिरपाहि, हाइपालिपानु का येसु ख्रिस्ट दोफा ए जेङतेङ हिघाखा।

1तिमोथि 1:2

का इदोइ पात्तारा तिमोथिहेङ लेखेदोङखा, नाअ् काङको ताइकोङ चान भाइका हिना हाइपालिपानु नाअ् बुङ येसु ख्रिस्टता खाङधुरि पाखेना। का प्रार्थाना पाखा, कि केलाइको आबा परमेस्वर कालाउ येसु ख्रिस्ट नासेहेङ आनुग्रह, क्रिपा कालाउ सान्ति प्याको।

1तिमोथि 1:5

का नेलाइहेङ आदेस पिका उदेस्य इदोइ हि, कि नेलाइ एमिसो-भेनेङहेङ पुरा ह्रदयहोइ, प्रेम पासु, जेदोङ चाहि सुद्द मन, आसल बिबेक, कालाउ सत्ये खाङधुरिसो लोखे।

1तिमोथि 3:11

मन्डलि साघाइकालाइको बे गेलाइ बुङ आदार पालिको योग्य हिलि गोइखे, बोमिको बिसोइता आखेका काथा मापोका हिलि गोइखे। कालाउ ताइमिहेङ काबुता ताअ्तेङ गोताङ काथाता खाङधुरि योग्य हिलि गोइखे।

1तिमोथि 3:2

ओदोङ भाअ्सिङ इदोइ आव्यस्यक हि, कि आगुवागेलाइ चाहि दुसिका मान्थुका हिलि गोइखे। वाको एमि खिनिङ बे ह्याको। ताइमिहेङ काबुता ताअ्लि दोका, साम्मान निङका, समझदार, कालाउ ताइको साअ्ता लोकालाइहेङ सेवा सात्कार पाका कालाउ परमेस्वरको बचन रेम्फासो धिरपाका द्‍याङ हिलि गोइखे।

1तिमोथि 3:4

वा ताइको जाहान रेम्फासो चालाइलि दोका कालाउ ताइको चान-चामिन्दिगेलाइहेङ गोताङ काथाता आदार दोफा आग्या केम्लि धिरपालि गोइखे।

1तिमोथि 3:8

एन्सा पातेङ मन्डिलिहेङ साघाइकालाइ बुङ भलादमि हिलि गोइखे, इमान्दार, हेन्जा गोरा चि-माआम्का कालाउ ताकाको लोभ मापाका ह्याको।

1तिमोथि 5:1

ताइमि खान्तेङ बार्का उमेरको वाबालाइहेङ मानाइ, कालाउ वासेहेङ आबाहेङ भाइपाङ आदार पातेङ सम्झाइ। ताइमि खान्तेङ म्हुइकालाइ दोफा ताइको खान्धुराइ ओने भाइपा ब्यभाहार पाअ्‌।

तितस 1:13

ग्यानि द्‍याङको इदोइ काथागेलाइ आझाइ बुङ क्रेट टापुको द्‍याङगेलाइको बिसोइता सत्ये हि। ओदोङ भाअ्सिङ इम्बालाइहेङ बेसरि हाप्काइ, कालाउकि इम्बालाइ येसु ख्रिस्टको सत्ये सिक्स्या साक्सि पिलि द्वाको।

तितस 1:8

कालाउ मन्डलिको आगुवा ताइको साअ्ता लोका बान्सालाइहेङ सेवा सात्कार पाका, आरुको भलाइ पाका, ताइमिहेङ काबुता ताअ्का, आसाल काम पाका, परमेस्वर दोफा समरपित हिका कालाउ आनुसासनता हिका हिलि गोइखे।

तितस 2:7

नाअ् गोताङ काथाता जेलाउ बुङ आसल काम पाअ्‌ कालाउ आरुको भाअ्सिङ नामुना जेङतेङ तिङपा। जेलाउ नाअ् खान्धुराइगेलाइहेङ धिरपाना रेम्का मनसायहोइ धिरपा। कालाउकि इम्बालाइ नासेहेङ आदार पाको।

1पतरुस 1:13

ओदोङ भाअ्सिङ, नेलाइ हाइ पादोङ सुखेना दोअ्का बारे रेम्फा सोचिसु कालाउ आत्माहेङ तहता ताअ्सु मुक्ति निङका आस पासु, जेदोङ आनुग्रहसो लोखे, जाइ नेलाइहेङ येसु ख्रिस्ट इदोइ सुमिङता धुरितेङ लोका दिनाता प्यावा।

1पतरुस 4:7

गोताङ काथाको आन्तय भेरपाङ लोका हि। ओदोङ भाअ्सिङ नेलाइ झालाफालापा सोचेसु कालाउ ताइमिहेङ काबुता ताअ्सु, कालाउकि नेलाइ प्रार्थाना पालि दोसु।

1पतरुस 5:8

नेलाइ ताइमिहेङ काबुता ताअ्सु कालाउ जागितेङ हिसु, हाइपालिपानु नेलाइको सतुरु साइतान द्‍याङगेलाइहेङ नासा पालिको भाअ्सिङ द्‍यापाहाङ घुराइगिल्तेङ हि। वा गुन्जिरका खुवाँ भाइका हासुहेङ बुङ दुसुतेङ चाङका दोअ्तेङ दाउता घुराइगिल्तेङ हिगिल्तेङ हि।

२ पत्‍रुस 1:6

नेलाइ ग्यानि जेङतेङ खिनिङ जिबन जियाइलि माको, कालाउ नेलाइ ताइमिङ सयमि जेङलि गोइखे, नेलाइ ताइमि खिनिङ सयमि जेङलि माको, कालाउ नेलाइ दुखता बुङ धर्य जेङतेङ हिलि गोइखे। नेलाइ धर्य जेङतेङ हिलि खिनिङ माको, कालाउ नेलाइ परमेस्वरहेङ लेङचापाका जिबन बुङ जियाइलि गोइखे।