तितस 2:10 - Dhimal NT

¹⁰ इम्बालाइ माखुवाको, भरु ताइमिहेङ खाङधुरि योग्य तिङपाको। कालाउकि द्‍याङगेलाइ इम्बालाइको रेम्का ब्यभार तिनाको, कालाउ इम्बालाइको पाका रेम्का कामसो द्‍याङगेलाइ केलाइको मुक्ति दाता परमेस्वरको सन्‍देस हिङलि मन परियाको।

धिमाल

¹⁰ एम्‍बालाइ हिदिङ थोक माख्‍वाको, कालाउ दिनाङ रेम्‍का रो खान्‍धुरि जेङतेङ ह्‍याको। एसापा एम्‍बालाइ हिदिमाजेङ काथाता बुङ केलाइहेङ छुटकारा पिका परमेस्‍वरकोङ बिद्‌याको सोबाइ बार्‍हेपाको।

तितस 2:10 Iomraidhean Croise

मत्‍ति 24:45

एनोङ इमान्दार कालाउ बुद्दिमान चाकारिया इसिका हिखे: जाइहेङ साअ्को गिह्रि आरु चाकारियागेलाइहेङ खाङलि नियुक्त पाखे। गिह्रि वासेहेङ दोअ्खे इम्बालाइहेङ ठिक-ठिक सोमोइता चालि-आम्लि प्यावाको।

मत्‍ति 5:16

नेलाइको फाइसालामका द्‍याङगेलाइको आगाता एसा थाअ्साइताको, कालाउ ओबालाइ नेलाइको रेम्का काम तिनाको, कालाउ स्वर्गता हिका नेलाइको परमेस्वर आबाको महिमा जेनाको।

लुका 1:47

काङको परमेस्वर कासेहेङ मुक्ति पिकाता का आनान्दित हिघा।

लुका 1:80

कालाउ एसाङ दोङ उङको जामाल युहान्‍ना बाराकाताङ हानिहि कालाउ आत्माता बलियाकाताङ हानिहि। जेलाउ थेकापा इस्राएल सारभिको द्‍याङगेलाइहेङ प्रचार पालि माअ्लोहि, ओदोङ बेला थेकापा युहान्‍ना चाका-मान्दा थामेता हितेङदोङ हि।

लुका 16:10

येसु आरोङ दोअ्हि, हिदोइ बुङ द्‍याङ म्हुइका काथाता इमान्दार हिखे, कालाउ बार्का काथाता बुङ इमान्दार हिखे, जेसापा हिदोइ बुङ द्‍याङ म्हुइका काथाता बेइमान हि पानु, बार्का काथाता बुङ बेइमान हिखे।

युहन्‍ना 12:6

कालाउ वा गरिबगेलाइको ख्याल पातेङ इदोइ दोअ्का मान्थुघाहि, हाइपालिपानु उङको चोर हिघाहि, कालाउ ताकाको सिपि वा ताअ्घाहि कालाउ इन्तासो खुघाहि।

1 कोरिन्थि 4:2

सेवक चाहि वाको ग्रिहिको पिका काम प्रति खाङधुरि योग्य हिलि गोइखे।

एफिसि 4:1

प्रभुको सेवा पानाङ का एमि कैदि जेङका हिघा, कालाउ का नेलाइहेङ बिन्ति पाखा, परमेस्वर ताइको सान्तान जेङलि काइका को योग्यता आन्सार ताइको जिबन जियाइसु।

फिलिप्पि 1:27

कालाउ मुख्य काथा इदोङ हि कि नेलाइको जिबनको चाल-चलन ख्रिस्टको सुसमाचारको भाअ्सिङ योग्य जेनाको। का चाहे लोतेङ नेलाइहेङ तिनाको, चाहे लोलि मादाको, कालाउ बुङ का नेलाइको बारेता इदोइ दोङ काथा हिङलि भोखा, कि नेलाइ एनोङ दोङ उधेस्यता बल्लियाका जेङतेङ हिसुना, कालाउ ए दोफाङ मिलितेङ सुसमाचारको खाङधुरिको भाअ्सिङ परिस्रोम पासुखेना,

फिलिप्पि 4:8

आम्तिमता खान्धुराइ ओनेगेलाइ, जेदोङ काथा सत्ये हि, जेदोङ काथा आदारनिय हि, जेदोङ काथा ठिक हि, जेदोङ काथा सुद्द हि, जेदोङ काथा झालाफालापा हि, जेदोङ काथा क्रिपामय हि, जेसापा हाइ दोङ स्रेस्थता, कालाउ बाखिन योग्य हाइ दोङ हि पानु इदोइ दोङ काथागेलाइता मन लागाइसु।

1तिमोथि 1:1

का पावल इदोइ पात्तारा लेखेदोङखा। का केलाइको मुक्ति दाता परमेस्वर कालाउ येसु ख्रिस्ट जाइता केलाइ आस ताअ्नाखे, का वाको छाल्न्हाका चात्या हिघा।

1तिमोथि 5:17

मन्डलि रेम्फासो सामाराइलि दोका आगुवागेलाइ दोब्बल आदार हिलि गोइखे, बिसेस पातेङ जाइ परमेस्वरको बचनको प्राचार कालाउ धिरपालि परिस्रोम पाखे।

1तिमोथि 6:1

हिदोइ बुङ खान्धुराइ बान्धाइति हि पानु, वा गोताङ काथाता ताइको गिह्रिको आदार पाको कालाउकि हिदोइ बुङ द्‍याङ परमेस्वरको मिङ कालाउ केलाइको धिरपाका सिक्स्याको निन्दा मापाको।

1तिमोथि 6:3

जेसापा हासु बुङ धाताइका सिक्स्यागेलाइ धिरपाखे पानु, केलाइको प्रभु येसु ख्रिस्टको सत्ये सिक्स्या कालाउ परमेस्वरहेङ भक्ति पाका सिक्स्या दोफा सहमत माजेङखे।

तितस 1:3

कालाउ एला ठिक सोमोइता परमेस्वर दोङ कासेहेङ इदोइ सुसमाचार देखाल पिहि। कालाउ केलाइको मुक्ति दाता परमेस्वर कासेहेङ इदोइ सुसमाचार हिङपालि आग्या पिका हि।

तितस 3:4

कालाउ केलाइ इन्सिका ब्यभार पालाउ बुङ मुक्ति दाता केलाइको परमेस्वर केलाइहेङ वाको दाया कालाउ प्रेम तिङपाहि।

1पतरुस 2:12

परमेस्वरता खाङधुरि मापाका द्‍याङगेलाइ नेलाइको द्‍यापाहाङ हिखे कालाउ नेलाइ गलत पातेङ हिसुना दोअ्लि द्वावा। इसिका रेम्का जिबन बितिपासु कि इम्बालाइ नेलाइहेङ पाका आसल कामगेलाइ तिनावा कालाउ ख्रिस्ट घुरितेङ लोका दिना परमेस्वरहेङ महिमा प्यावा।

1पतरुस 3:16

कालाउ इदोइ मोनोइ कालाउ आदार पुर्न तरिकाहोइ पासु। जेलाउ बुङ जेदोङ ठिक हि इङकोङ पासु। कालाउ जेसापा द्‍याङगेलाइ नेलाइको बिरोधता खाराका काथा पाखे पानु, इम्बालाइ लेदेरता परियावा जेलाउ इम्बालाइ नेलाइको ख्रिस्ट दोफाको सम्बन्धको कारन नेलाइको आसल ब्यभार तिनावा।

२ युहन्‍ना 1:9

जेसापा हिदोइ बुङ द्‍याङ ख्रिस्टको सिक्स्याहेङ लागातार आनुसरन मापाखे, कालाउ इङको सिमासो बाहार हानिका द्‍याङ परमेस्वर दोफा वाको सामान्दा माहिखे, कालाउ ख्रिस्टको सिक्स्याहेङ लागातार केम्का द्‍याङको सामान्दा न्हेमि दोङ आबा परमेस्वर कालाउ वाको चान येसु ख्रिस्ट दोफा हिखे।