तितस 1:9 - Dhimal NT

⁹ वा केलाइसो येसु ख्रिस्टको बारेता धिरका सत्ये सन्देसहेङ पुर्न रितिहोइ खाङधुरि पाको। कालाउकि वा आरुहेङ इङको सहि सिक्स्या पिलि द्वाको कालाउ हासु बुङ इङको सत्ये सिक्स्याको बिरोध पाखे पानु, इम्बालाइहेङ सच्याइलि द्वाको।

धिमाल

⁹ ताइमिको निङका जातिङको बिद्‍याता लागेतेङ हिका रो बोमिहेङ बुङ इदोइ बिद्‍या पितेङ बल पिलि दोका जेङलिगोयाङ। एसापा इदोइ बिद्‌या धिरपाका माफिक हिलिगोयाङ कालाउ याको खिलाप पाकालाइको बिरामहेङ तिम्‍पापिलि द्‍वाना।

तितस 1:9 Iomraidhean Croise

साल्न्हाका चात्या 18:28

हाइपालिपानु आपोल्लोस ताइको सरबुङ कालाउ सिप पाहासो यहुदिगेलाइहेङ झाराङको आगाता काथा पोसुलि मादोअ्का बानाइहि कालाउ धर्मसास्तरको बचन पाहासो येसु दोङ ख्रिस्ट हि दोअ्का काथा प्रमान पाहि।

1 कोरिन्थि 14:24

कालाउ झाराङ आगमबानि पाकाताङ हिका बेला आधिमि खाङधुरि मापाका माकुनु नावा द्‍याङगेलाइ इन्ता दुल्हि पानु, इम्बालाइ नेलाइको दोअ्का काथा हिङतेङ ताइको पुर्ना स्वभाबहेङ परिबतन पालि भोकावा।

1 थेस्लोनिकि 5:21

गोताङ सन्‍देस जाचे कि इङको परमेस्वरसो लोका हि कि माको, कालाउ रेम्का सन्देसगेलाइहेङ सुइकार पातेङ केम्सु।

2 थेस्लोनिकि 2:15

ओदोङ भाअ्सिङ खान्धुराइ ओनेगेलाइ, बल्लियाका जेङसु, कालाउ केलाइको दोअ्का माकुनु पात्तारा पाहासो निङका सिक्स्याता लागातार खाङधुरि पातेङ हिसु।

1तिमोथि 1:10

कासिबिरिगेलाइको भाअ्सिङ, वाबालसो-वाबालहेङ कुसुमि पाकागेलाइको भाअ्सिङ, द्‍याङगेलाइहेङ बान्धाइतिको रुपता पिइकालाइको भाअ्सिङ, धाताइका काथा पाकागेलाइको भाअ्सिङ, कालाउ धाताइका केरा चाकालाइको भाअ्सिङ, कालाउ सत्ये सिक्स्याको बिरोधता काम पाकालाइको भाअ्सिङ जेङका हि।

1तिमोथि 1:15

इदोइ भनाइ सत्ये हि, कालाउ यासेहेङ खाङधुरि पालि द्वाङ, कि केलाइ पापिगेलाइहेङ उद्दार पालि येसु ख्रिस्ट सुमिङता लोहि, कालाउ पापिगेलाइता का झाराङ खान्तेङ हेन्जा पापि हिघा।

1तिमोथि 1:19

नाअ् ख्रिस्टता लागातार खाङधुरि पातेङ हिलि गोइखे कालाउ आसल बिचार पातेङ हिलि गोइखे आधिमि द्‍याङगेलाइ ताइको आसल बिचार इन्कार पाका हि, कालाउ इम्बालाइ ख्रिस्टता खाङधुरि पालि लाअ्का हि।

1तिमोथि 4:9

इदोइ भनाइ सत्ये हि, कालाउ यासेहेङ खाङधुरि पालि द्वाङ,

1तिमोथि 6:3

जेसापा हासु बुङ धाताइका सिक्स्यागेलाइ धिरपाखे पानु, केलाइको प्रभु येसु ख्रिस्टको सत्ये सिक्स्या कालाउ परमेस्वरहेङ भक्ति पाका सिक्स्या दोफा सहमत माजेङखे।

2 तिमोथि 1:13

का नासेहेङ पिका गोताङ सत्ये सिक्स्यागेलाइ नमुना भाइपाङ जोगाइतेङ ताअ्सु। खाङधुरि कालाउ प्रेम दोफा या पासु, हाइपालिपानु नेलाइ येसु ख्रिस्ट दोफा ए जेङतेङ हिसुन्हा।

2 तिमोथि 2:2

का हेन्जा साक्सिगेलाइको आगाता ख्रिस्टको बारेता दोअ्का सन्‍देस नाअ् हिङका हिघाखेना। एला का चाहिखा कि नाअ् बुङ ओदोङ सन्‍देस आरु खान्धुराइगेलाइहेङ हिङपा जाइहेङ नाअ् खाङधुरि योग्य थानिखेना, कालाउकि इम्बालाइ बुङ ओदोङ सन्‍देस आरु द्‍याङगेलाइहेङ हिङपालि द्वाको।

2 तिमोथि 2:25

कालाउ ताइमि दोफा सहमत माजेङका द्‍याङगेलाइहेङ वा मोनोइ जेङतेङ सुधार्लि दोका हिलि गोइखे। जेङलि दोनु परमेस्वर ओबालाइहेङ पाप पालि लाअ्पातेङ कालाउ येसु ख्रिस्टको बारेता सत्ये गिलि साघाइयाङ।

2 तिमोथि 3:14

कालाउ नाअ् केलाइसो निङका सिक्स्याहेङ लागातार खाङधुरि पाअ्सु कालाउ निसित जेङसु, कि इदोइ सत्ये हि हाइपालिपानु नासेहेङ थाहा हि, कि इङको हासुसो धिर्ना।

2 तिमोथि 4:3

हाइपालिपानु इसिका सोमोइ लोदोङखे जेलाउ द्‍याङगेलाइ सत्ये सिक्स्याहेङ हिङलि माकितावा, कालाउ इम्बालाइ हेन्जा धाताइका सिक्स्यकसो ताइमिहेङ मन्दा ताअ्का काथा खिनिङ हिङलि भोखे।

तितस 1:11

इसिका धाताइका सिक्स्या द्‍याङगेलाइहेङ धिरपालि मापि। हाइपालिपानु इम्बालाइ धिरपालि मागोइका धिरपातेङ पुराङ साअ्को जाहानको खाङधुरिहेङ नासा पापिका हि। इम्बालाइ ताका कामाइलिको भाअ्सिङ इन्सिका पाखे।

तितस 2:1

कालाउ तितस नाअ् चाहि खान्धुराइगेलाइहेङ सहि सिक्स्यागेलाइ खिनिङ धिरपा।

यहुदा 1:3

काङको आनाउ सानाइतिगेलाइ, नेलाइ झाराङ झ्वाइनाका येसु ख्रिस्ट पाहासो लोका केलाइको मुक्ति कालाउ नावा जिबनको बारेता लेखेलि का दोका थेकापा गोताङ कोसिस पादोङघाखा। कालाउ एला का इदोइ पात्ताराको माध्यामसो नेलाइहेङ हाउसाइलि आनुरोध पाखा, कालाउकि नेलाइ ख्रिस्टियन खाङधुरिहेङ ताअ्तेङ ताअ्लि आझाइ थाङका परिस्रोम पालि दोसु। परमेस्वर ताइको द्‍याङगेलाइहेङ इदोइ खाङधुरि एखेताङ पिका हि, कालाउ इङकोहेङ फेरिलि मादोखे।

प्रकास 3:11

का धेमाङ लोदोङखा, कालाउ नाअ् बल्लियाका खाङधुरि ताअ्तेङ ताअ्लि गोइयाना, कालाउकि हासु बुङ नाङको बिजोइको इनाम घिङलि माद्वाको।

प्रकास 3:3

नाअ् लाम्फा हिङका कालाउ खाङधुरि पाका सिक्स्याहेङ फोम पाअ्‌, नाअ् जेदोङ धिरपाका हिघाखेना इङको को आनुसरन पाअ्‌, पाप पालि लाअ् कालाउ परमेस्वर भारि घुरे। जेसापा नेलाइ मारेम्का काम पालि मालाअ्सुन्हा पानु, नाअ् इङको सोमोइ थाहा मानिनाना जेलाउ का नासेहेङ साजाइ पिलि ल्वाङका, हाइपालिपानु का चोर भाइपा आचानाक ल्वाङका।