तितस 1:4 - Dhimal NT

⁴ का इदोइ पात्तारा तितसहेङ लेखेदोङखा, नाअ् काङको ताइकोङ चान भाइका हिना, हाइपालिपानु नाअ् बुङ येसु ख्रिस्टता खाङधुरि पाखेना। आबा परमेस्वर कालाउ केलाइहेङ मुक्ति पिका येसु ख्रिस्ट नासेहेङ आनुग्रह कालाउ सान्ति प्याको।

धिमाल

⁴ कादोफा एलोङदोङ खाल्‍को खान्‍धुरता हिका काङको जातिङको चान तितसहेङ इदोइ चिथि लेखेदोङखा। परमेस्‍वर आबा रो केलाइहेङ छुटकारा पिका ख्रिस्‍ट इसु नासेहेङ निगाहा रो सान्‍ति प्‍याको।

तितस 1:4 Iomraidhean Croise

लुका 2:11

हाइपालिपानु नानि दोङ राजा दाउदको सहर बेथेलेहेमता नेलाइको भाअ्सिङ एमि मुक्ति दाताको जोलोम जेङका हि, वा दोङ ख्रिस्ट प्रभु हि।

युहन्‍ना 4:42

उङको बेबालहेङ इम्बालाइ दोअ्हि, “एला नाङको दोअ्का काथाता खिनिङ माको, कालाउ केलाइ ताइमि दोङ वाको सन्‍देस हिङका कारनसो केलाइ खाङधुरि पाङ। जातिङकोङ वा दोङ सुमिङको मुक्ति दाता दोअ्तेङ केलाइ गिका हिनाहि।”

रोमि 1:12

का दोअ्लि खाङका हाइ पानु, नेलाइको खाङधुरिहोइ एमिसो-भेनेङहेङ हाउसाइपाको। माकुनु नेलाइको खाङधुरिहोइ कासेहेङ कालाउ काङको खाङधुरिहोइ नेलाइहेङ हाउसाइपाको।

रोमि 1:7

का या पात्तारा रोम सहरता हिका गोताङ खान्धुराइगेलाइहेङ लेखेदोङखा, जाइहेङ परमेस्वर प्रेम पाखे कालाउ ताइको पबित्तरो जन जेङलि काइका हि। नेलाइहेङ केलाइको आबा परमेस्वर कालाउ प्रभु येसु ख्रिस्ट आनुग्रह कालाउ सान्ति प्याको।

2 कोरिन्थि 12:18

का तितसहेङ हानेलि दोअ्तेङ आनुरोध पाघा, कालाउ उङको खान्धुराइ ओनेहेङ वाको दोफा दिङगिल्घा। हाइ तितस नेलाइसो हाइ दोङ आर्थिक साघाइ निङहि? माको, नेलाइ गिसुखेना कि तितस कालाउ काङको एनोङ दोङ मन कालाउ एनोङ ब्यभार हिघाहि।

2 कोरिन्थि 2:13

कालाउ इन्ता काङको खान्धुराइ ओने तितसहेङ नेलाइसो बानाल चुमाका मादुसुलाउ काङको मनता सान्ति माजेङहि, ओदोङ भाअ्सिङ तरोआस सहरको खान्धुराइगेलाइसो बिदा ह्रुतेङ का म्यासिडोनिया प्रदेसता तितसहेङ भेतिलि घुरितेङ लोघा।

2 कोरिन्थि 4:13

कालाउ केलाइ प्राचार पाकाताङ ह्याङ, हाइपालिपानु केलाइ बुङ भजन लेखेका भाइकाङ खाङधुरि ताअ्का हिनाहि। भजन लेखेका द्‍याङ दोअ्का हि, “का परमेस्वरता खाङधुरि पाङका, ओदोङ भाअ्सिङ का नुइ धुइघा।”

2 कोरिन्थि 7:6

कालाउ मनता मुइतेङ हिकालाइहेङ सान्तावाना पिका परमेस्वर तितसको लोकासो केलाइहेङ सान्तावाना पिहि।

2 कोरिन्थि 8:16

कालाउ का परमेस्वरहेङ धन्यबाद प्याङका, जाइ तितसको ह्रदयता नेलाइको भाअ्सिङ इङकोङ फिक्रि ताअ्पिहि, जिसिका का पाखा।

2 कोरिन्थि 8:23

तितस चाहि काङको दोफा झ्वाइनाका कालाउ नेलाइको सेवाता काङको साघाइका सानाइति जेङका हि, कालाउ खान्धुराइ ओनेगेलाइ चाहि मन्डलिगेलाइको दुतगेलाइ दोङ हि, कालाउ इम्बालाइको जिबन ख्रिस्टको आदारको भाअ्सिङ हि।

2 कोरिन्थि 8:6

ओदोङ भाअ्सिङ तितस आन्चासोङ नेलाइको माझाता इदोइ दान ल्होपाका काम सुरु पानाङ इङको पुरा बुङ पाको दोअ्तेङ केलाइ तितसहेङ बिन्ति पानाहि।

गलाति 2:3

कालाउ का दोफा हिका तितस एमि ग्रिक हिघाहि कालाउ वाको खाताना जेङका मान्थुघाहि। कालाउ बुङ यरुसेलेम मन्डलिको आगुवागेलाइ वासेहेङ सुइकार पाहि, कालाउ वासेहेङ खाताना पालि गोयाङ दोअ्तेङ कर मापाहि।

गलाति 3:26

ओदोङ भाअ्सिङ नेलाइ झाराङ झना येसु ख्रिस्टता खाङधुरि पानाङ परमेस्वरको सान्तान जेङसुन्हा।

गलाति 3:28

ओदोङ भाअ्सिङ एला येसु ख्रिस्टता यहुदि कालाउ गैर-यहुदि, बान्धाइति कालाउ लाअ्न्हाका द्‍याङको माझाता हिदोइ बुङ फरक मान्थु। कालाउ वाबाल कालाउ बेबालता बुङ हिदोइ बुङ फरक मान्थु। हाइपालिपानु येसु ख्रिस्टता केलाइ झाराङ ए-सामान हिनाहि।

एफिसि 1:2

का प्रार्थाना पाखा, कि केलाइको आबा परमेस्वर कालाउ प्रभु येसु ख्रिस्ट नेलाइ झाराङहेङ आनुग्रह कालाउ सान्ति प्याको।

कलस्सि 1:2

ख्रिस्टता हिका कलस्सि सहरको परमेस्वरको जनगेलाइ कालाउ खाङधुरि योग्य ओनेगेलाइ केलाइको आबा परमेस्वर दोङ नेलाइहेङ आनुग्रह कालाउ सान्ति प्याको।

1तिमोथि 1:12

कासेहेङ सरबुङ पिका ख्रिस्ट येसु केलाइको प्रभुहेङ का धन्यबाद पिखा, हाइपालिपानु ताइको सेवाको कामको भाअ्सिङ वा दोङ कासेहेङ खाङधुरि योग्य थानिहि।

2 तिमोथि 1:1

का पावल इदोइ पात्तारा लेखेदोङखा। परमेस्वर कासेहेङ ख्रिस्ट येसुको एमि छाल्न्हाका चात्याको रुपता चुनिहि, कालाउकि का येसु ख्रिस्टता खाङधुरिको माध्यामसो लोका आनान्त जिबन पिका प्रतिग्या परमेस्वर पाका सन्देसहेङ प्राचार पालि द्वाको।

2 तिमोथि 1:2

का इदोइ पात्तारा तिमोथिहेङ लेखेदोङखा नाअ् काङको ताइकोङ चान भाइका हिना का प्रार्थाना पाखा, कि आबा परमेस्वर कालाउ केलाइको प्रभु येसु ख्रिस्ट नासेहेङ आनुग्रह, क्रिपा कालाउ सान्ति प्याको।

2 तिमोथि 4:10

हाइपालिपानु डेमास इदोइ सुमिङको काथागेलाइहेङ मन्दा ताअ्खे कालाउ वा कासेहेङ लाअ्तेङ थेसलोनिकि सहरता हानेका हि। कालाउ खान्धुराइ ओने क्रेसेनस चाहि गलातिया इलाका हानिका हि, कालाउ तितस चाहि दालमितिया प्रदेसता हानिका हि।

तितस 1:3

कालाउ एला ठिक सोमोइता परमेस्वर दोङ कासेहेङ इदोइ सुसमाचार देखाल पिहि। कालाउ केलाइको मुक्ति दाता परमेस्वर कासेहेङ इदोइ सुसमाचार हिङपालि आग्या पिका हि।

तितस 2:13

कालाउ केलाइ आस पाका दिनाको दामा खाङतेङ हिनाखे: जेदोङ दिना येसु ख्रिस्ट, जाइ केलाइको माहान परमेस्वर मुक्ति दाता हि, वा ताइको गोताङ महिमा दोफाङ इदोइ प्रिथिबिता ल्वाङ।

२ पत्‍रुस 1:1

का, सिमोन पतरुस नेलाइहेङ लेखेदोङखा, का येसु ख्रिस्टको सेवक कालाउ छाल्न्हाका चात्या हिघा। का नेलाइ झाराङहेङ लेखेदोङखा, जाइ केलाइ झाराङको ओदोङ झोको आनमोल खाङधुरि निङका हि, इदोइ खाङधुरि केलाइको परमेस्वर कालाउ मुक्ति दाता येसु ख्रिस्ट पाहासो केलाइहेङ पिका हि, जाइ केलाइहेङ परमेस्वर दोफा धर्मि बानाइखे।

२ पत्‍रुस 1:11

कालाउ दोफाङ परमेस्वर नेलाइहेङ येसु ख्रिस्ट हिका राइजिता भब्य स्‍वागत पाङ, जाइ केलाइको प्रभु कालाउ मुक्ति दाता हिका हि, वा इन्ता जेलाउलाउको भाअ्सिङ राजा जेङतेङ राइजि पाङ।

२ पत्‍रुस 2:20

जेलाउ द्‍याङगेलाइ येसु ख्रिस्टहेङ ताइको प्रभु कालाउ मुक्ति दाता दोअ्तेङ नाल्तेङ सुमिङको दुस्टसो खाअ्खे। कालाउ एला इम्बालाइ आरोङ मारेम्का काम पालि झ्वाइन्हाका हि कालाउ इङको मारेम्का काथागेलाइहोइ एला इम्बालाइ ख्रिस्टहेङ आसुइकार पाका इम्बालाइको न्हुसोको आबास्था खान्धुराइ जेङलि लाम्फाको खान्तेङ आझाइ झन खाराब जेङखे।

२ पत्‍रुस 3:18

कालाउ नेलाइ लागातार केलाइको प्रभु कालाउ मुक्ति दाता येसु ख्रिस्टको आनुग्रह हेन्जा खान्तेङ हेन्जा आनुभब पातेङ हिलि गोइखे, कालाउ वाको बारेता नेलाइको बुझिकाता बाराकाताङ हानिलि गोइखे। वासेहेङ एला कालाउ जेलाउलाउ बुङ बाखिन ह्याको। आमेन।

२ पत्‍रुस 3:2

का एसा पाखा, हाइपालिपानु परमेस्वरको पबित्तरो बक्तागेलाइ हेन्जा सोमोइ लाम्फा धुइका बचन कालाउ केलाइको प्रभु येसु ख्रिस्ट, केलाइको मुक्ति दाताको सिक्स्याहेङ नेलाइ फोम पासुना दोअ्का का चाहिखा, जेदोङ नेलाइकोता लोका साल्न्हाका चात्यागेलाइ नेलाइहेङ धिरपाका हिघाहि।

१ युहन्‍ना 5:14

परमेस्वरता केलाइको पुरा भरोसा हि, कि परमेस्वरको इच्छा बमोजिम केलाइ जेदोङ ह्रेलाउ बुङ वा केलाइको प्रार्थाना हिङपिखे।

यहुदा 1:3

काङको आनाउ सानाइतिगेलाइ, नेलाइ झाराङ झ्वाइनाका येसु ख्रिस्ट पाहासो लोका केलाइको मुक्ति कालाउ नावा जिबनको बारेता लेखेलि का दोका थेकापा गोताङ कोसिस पादोङघाखा। कालाउ एला का इदोइ पात्ताराको माध्यामसो नेलाइहेङ हाउसाइलि आनुरोध पाखा, कालाउकि नेलाइ ख्रिस्टियन खाङधुरिहेङ ताअ्तेङ ताअ्लि आझाइ थाङका परिस्रोम पालि दोसु। परमेस्वर ताइको द्‍याङगेलाइहेङ इदोइ खाङधुरि एखेताङ पिका हि, कालाउ इङकोहेङ फेरिलि मादोखे।