तितस 1:11 - Dhimal NT

¹¹ इसिका धाताइका सिक्स्या द्‍याङगेलाइहेङ धिरपालि मापि। हाइपालिपानु इम्बालाइ धिरपालि मागोइका धिरपातेङ पुराङ साअ्को जाहानको खाङधुरिहेङ नासा पापिका हि। इम्बालाइ ताका कामाइलिको भाअ्सिङ इन्सिका पाखे।

धिमाल

¹¹ एबालाइको नुइता बिजाला मालागाइसिङ माज्‍याङ हाइदोनु एम्‍बालाइ ते धिरपालिङ माएल्‍का काथागेलाइ धिरपातेङ पुराङ साअ् जाहानता उपदर्‍या माचाइका हि। खालि ताकाकाउरि कामाइलिको भाअ्‌सिङ एम्‍बालाइ एसा पाका एइ।

तितस 1:11 Iomraidhean Croise

मत्‍ति 23:13

“ओइ कपटिगेलाइ मोसाको व्यवस्था धिरपाका द्‍याङगेलाइ कालाउ फारिसिगेलाइ! नेलाइको भाअ्सिङ हेथे थिलि गोइका हि! परमेस्वर नेलाइहेङ हेन्जा साजाइ प्याङ, हाइपालिपानु नेलाइ दोङ द्‍याङगेलाइहेङ परमेस्वरको सासनता दुल्लि आनुमति मापिसुखेना। नेलाइ ताइमि बुङ मादुल्सुखेना कालाउ दुल्लि खाङकालाइहेङ बुङ दुल्लि मापिसुखेना।”

लुका 20:40

कालाउ न्हुसो आरोङ हासु बुङ वासेहेङ हिदोइ बुङ प्रस्न हिअ्लि आट मापाहि।

युहन्‍ना 10:12

दोरम्हाको चाकारिया जेलाउ खुवाँहेङ लोकाताङ पाका तिङतेङ वा खाअ्तावा। वा भेडागेलाइहेङ लाअ्पियावा हाइपालिपानु वा इम्बालाइको लाखुरिया माको कालाउ भेडागेलाइ वाको माको। ओदोङ भाअ्सिङ खुवाँ भेडागेलाइको हुदा ह्रुता झामिरिखे कालाउ आउलिगिल पापिखे।

रोमि 3:19

केलाइ गिनाखे, कि जेदोङ व्यवस्था दोङ दोअ्खे, इङको व्यवस्थाकोङ आधिनता हिकालाइहेङ दोअ्खे, कालाउकि द्‍याङगेलाइ बाहाना मापाको कालाउ सुमिङता हिका गोताङ द्‍याङगेलाइ परमेस्वरको न्यायको आधिनता ह्याको।

2 कोरिन्थि 11:10

का पाक्का हिघा कि ख्रिस्टको सत्येता काङको दोफा हि, कालाउ आखैया प्रदेसको मौजागेलाइता हासुको बुङ का ताका चुम्पुका मान्थुघा, इदोइ काङको घमन्डहेङ हासु बुङ रोकिलि माद्वाङ।

1तिमोथि 5:13

इङको बाहेक इम्बालाइ कुरिया जेङतेङ साअ्-साअ्ता घुराइगिल्का जेङखे, कालाउ कुरिया खिनिङ माको, भरु आरुको काथा पोका, बोमिको कामता बिथ्थाता दख्ल पिका, धुइलि मासोबाइका काथागेलाइ धुइखे।

1तिमोथि 5:4

हिदोइ बुङ के सिका बेबालको चान-चामिन्दि वा चुगेलाइ हिहे पानु, इम्बालाइ लाम्फाङ ताइकोङ जाहानहेङ खाअ्नाको कालाउ परमेस्वरहेङ ताइको भक्ति तिङपाको। कालाउ इम्बालाइ ताइको आमाइ-आबाहेङ पोसिलि द्वाको जेसाङ ओबालाइ पाहि। हाइपालिपानु या परमेस्वरको नजरता हेन्जाङ आसल हि।

1तिमोथि 6:5

कालाउ इसिका द्‍याङगेलाइको बिबेक साङकाहोइ पोङघाका हिखे, कालाउ आरु दोफा काथा पोसुखे। कालाउ इम्बालाइ सत्ये हाइ हि रो दोअ्तेङ बुझिलि मादोअ्खे, इम्बालाइ सोचिखे, कि परमेस्वरको बारेता धिरपाका एनोङ ताका कामाइका तरिका हि।

2 तिमोथि 2:18

उङको न्हेमि द्‍याङगेलाइ सत्ये सिक्स्याहेङ लाअ्का हि, इम्बालाइ धिरपाखे कि, परमेस्वर सिका खान्धुराइगेलाइहेङ आनान्त जिबनको भाअ्सिङ लाम्फाङ दोङ सिन्चाल पाका हि। कालाउ परिनाम स्वरुप इम्बालाइ आधिमि खान्धुराइगेलाइको खाङधुरिसो खेङका हि।

2 तिमोथि 3:6

हाइपालिपानु इम्बालाइ मध्येसो हेथेते द्‍याङगेलाइ साअ्-साअ्गेलाइता हानिखे कालाउ आनाइ बेबालाइहेङ ताइको आधिनता पाखे, जाइको ह्रदयगेलाइ पापहोइ लादाइका हिखे कालाउ गोताङ खाल्को इच्सागेलाइसो काबुता परिका हिखे।

तितस 1:7

हाइपालिपानु मन्डलिको आगुवा परमेस्वरको कामको जिम्मा ह्रुका हिखे, ओदोङ भाअ्सिङ वाकोता हिदोइ बुङ दुसिका हिलि माएल। वा ताइकोङ काथाता जिद्दि पाका, धेमाङ चेर ताम्पाका, गोरा चि आमका, बल दिका कालाउ ताकाको लोभ मापाका द्‍याङ हिलि गोइखे।

तितस 1:9

वा केलाइसो येसु ख्रिस्टको बारेता धिरका सत्ये सन्देसहेङ पुर्न रितिहोइ खाङधुरि पाको। कालाउकि वा आरुहेङ इङको सहि सिक्स्या पिलि द्वाको कालाउ हासु बुङ इङको सत्ये सिक्स्याको बिरोध पाखे पानु, इम्बालाइहेङ सच्याइलि द्वाको।

तितस 3:10

जेसापा हिदोइ बुङ द्‍याङ मन्डलिता फाटो चुमाखे पानु, उङकोहेङ एखे माकुनु न्हेखे एन्सा पालि लाअ् दोअ्तेङ चेताउनि पि, कालाउ न्हुसो उङको द्‍याङ दोफा हिदोइ बुङ सामान्दा माअ्ता।