तितस 1:10 - Dhimal NT

¹⁰ का इदोइ काथा दोअ्ताङका, हाइपालिपानु हेन्जा द्‍याङगेलाइ ठिक सिक्स्याको बिरोध पावा, इम्बालाइ काम मालागेका काथागेलाइ धिरपाखे कालाउ आरुहेङ धोका पिखे। उङको द्‍याङगेलाइ इङको दलको हि, जाइ गोताङ खान्धुराइगेलाइ यहुदिगेलाइको व्यवस्था किताको दोअ्तेङ चाहिखे, बिसेस पातेङ खाताना पाका भोखे।

धिमाल

¹⁰ हाइदोनु हेन्‍जाङ द्‍याङगेलाइ छलपाका, बिथाको काथा पाका, धाताइकाइ हिखे। इसिकालाइता ते खास पातेङ खाताना पालिगोयाङ दोअ्‌कालाइ दोङ हि।

तितस 1:10 Iomraidhean Croise

मत्‍ति 23:14

नेलाइको भाअ्सिङ हेथे थिलि गोइका हि! मोसाको व्यवस्था धिरपाका द्‍याङगेलाइ कालाउ फारिसिगेलाइ, नेलाइते कपटि हिसुना! नेलाइ के सिकालाइको साअ् घिङसुखेना, कालाउ आरोङ तिङपालिको भाअ्सिङ सार्बाजानिक रुपता ह्रिङ-ह्रिङका प्रार्थाना पाका भाइपा खिनिङ पासुखेना। ओदोङ भाअ्सिङ नेलाइ बार्का दन्ड निङस्वाना।

साल्न्हाका चात्या 11:2

जेलाउ पतरुस यरुसेलेम सहरता लोहि, यहुदि खान्धुराइगेलाइ पतरुसहेङ एसा दोअ्काताङ दुसिलि तेङहि,

साल्न्हाका चात्या 15:1

कालाउ आधिमि यहुदि खान्धुराइगेलाइ यहुदिया जिल्लासो एन्टिओक सहरता लोहि, कालाउ इम्बालाइ खाङधुराइगेलाइहेङ सिक्स्या पिलि तेङहि, जेसापा नेलाइ मोसाको व्यवस्था आन्सार खाताना माजेङनुते नेलाइको मुक्ति माजेनाङ।

साल्न्हाका चात्या 15:24

केलाइ हिङका हिनाहि, कि केलाइको माझाता हेथेते आधेमि केलाइको आदेस माकोसिङ नेलाइको मन आउलि पापितेङ नेलाइहेङ इस्तुङ काथाहोइ दुख पिका हि।

साल्न्हाका चात्या 20:29

हाइपालिपानु कासेहेङ थाहा हि, कि का हानिलि दोतेङ न्हुसो धातुवा सिक्स्यकगेलाइ नेलाइको माझाता ल्वावा कालाउ खान्धुराइगेलाइहेङ बार्का हान्ति पावा। कालाउ इम्बालाइको भेडागेलाइहेङ सेअ्का थिलि गोइका स्याइलेगेलाइ भाइका जेनावा।

गलाति 2:4

इदोइ तितसको खाताना माजेङका काथा बाराहि, जेलाउ आधिमि धातुवा ओनेगेलाइ केलाइको दल लिता सिकापा दुल्तेङ केलाइको येसु ख्रिस्टता हिका स्वतन्तरोताहेङ नासा पालि भोघाखे, कालाउकि इम्बालाइ केलाइहेङ आरोङ यहुदि व्यवस्थाको बान्धाइति बानाइलि द्वाको।

गलाति 3:1

नेलाइ गलातिको खान्धुराइगेलाइ, हाइ नेलाइ ताइको बुद्दि राम्पासुन्हा, हासु नेलाइहेङ थोगिहि? येसु ख्रिस्ट हेसा क्रुस्टता सिहि, का नेलाइहेङ इङको गोताङ काथा झालाफालापा दोअ्काङ हिघाखा।

एफिसि 4:14

ओदोङ भाअ्सिङ केलाइ जामाललाइ भाइपा माभायाङ, एला केलाइ नाउ भाइपा माजेनाङ जाइहेङ भेरमाहोइ कालाउ चिको उलाउ उलाउको छाल्काहोइ जेसो ओसोङ थुगिल्खे। जाइको माने या कि एला चङख, कालाउ कपटि द्‍याङगेलाइ ताइको धाताइका सिक्स्याहोइ केलाइहेङ दोका मापियाङ।

1तिमोथि 1:4

का आरोङ बुङ नेलाइहेङ आनुरोध पातेङ दोअ्खा, कि नेलाइ इम्बालाइको दन्ते काथागेलाइ कालाउ पुर्खागेलाइको माओताका सुचिको काथागेलाइता सोमोइ खेर माथाइगिल्सु। इन्सिका काथा पोसुकालाइहोइ परमेस्वरको काम पालि मासाघाइखे, हाइपालिपानु परमेस्वरको काम वाकोता खाङधुरि पानाङ जेङखे।

1तिमोथि 1:6

हाइपालिपानु हेथेते धाताइका सिक्स्यकगेलाइ इङको गोताङ काथागेलाइ पालि लाअ्तेङ काम ब्यर्थको काथागेलाइ दोअ्लि तेङका हि।

1तिमोथि 1:9

केलाइ या बुङ गिन्हाखे, कि मोसाको व्यवस्था आसल काम पाका द्‍याङको भाअ्सिङ पिका माको, भरु परमेस्वरको व्यवस्था माकिकालाइहेङ कालाउ आनाग्या कारिगेलाइको भाअ्सिङ हि, जाइ परमेस्वरको आराधाना मापाखे कालाउ जाइ लागातार पाप पातेङ हिखे, दुस्ट द्‍याङगेलाइ कालाउ परमेस्वरको आदार मापाकालाइ कालाउ ताइको आमाइ-आबागेलाइहेङ कालाउ आरु द्‍याङगेलाइहेङ सेअ्कालाइको भाअ्सिङ,

2 तिमोथि 3:13

कालाउ दुस्ट द्‍याङगेलाइ कालाउ ठगिकागेलाइ आझाइ झन मारेम्का काम पावा। इम्बालाइ द्‍याङगेलाइहेङ ठगियावा कालाउ इम्बालाइ ताइमिङ बुङ आरुगेलाइसो ठगिन्हावा।

2 तिमोथि 4:4

इम्बालाइ सत्ये काथा माहिङखे कालाउ दन्त्य काथागेलाइ चाहि हिङलि मन्दा ताअ्खे।

तितस 1:6

मन्डलिको आगुवाको एमि खिनिङ बे ह्याको, कालाउ मादुसिका हिलि गोइखे, कालाउ वाको जामाललाइ खान्धुराइ हिलि गोइखे, कालाउ इम्बालाइको मारेम्का बानि बेउरा कालाउ आग्या माकिका माह्याको।

याकुब 1:26

जेसापा हिदोइ बुङ द्‍याङ ताइमिहेङ धर्मि सम्झिखे, कालाउ वा ताइको धुइतेङ हिका काथा काबुता माअ्ताखे, कालाउ ताइको ह्रदयहेङ धोका पिहे पानुते उङको द्‍याङको धर्म ब्यर्थ जेङखे।

१ युहन्‍ना 2:18

नेलाइ जाइ काङको भाअ्सिङ जामाललाइ भाइकाङ हिसुना, का नेलाइहेङ दोअ्खा कि, इदोइ सुमिङको आम्तिम दिनागेलाइ हि। ख्रिस्ट बिरोधि लोतेङ हि दोअ्का नेलाइ हिङकाङ हिसुना। एला हेन्जाङ ख्रिस्ट बिरोधि लोका हि। ओदोङ भाअ्सिङ केलाइ गिनाखे, कि सुमिङको आम्तिम दिनागेलाइ इदोइ दोङ हि।

१ युहन्‍ना 2:4

जाइ का परमेस्वरहेङ नाल्खा दोअ्खे, कालाउ वाको आग्यागेलाइ उलङगन पाखे, उङको धाताइका हि, उङकोता सत्ये मान्थु।

१ युहन्‍ना 4:1

आनाउ खान्धुराइ ओनेगेलाइ, ताइमि दोफा पबित्तरो आत्मा हि दोअ्का झाराङहेङ खाङधुरि मापासु। कालाउ आत्मागेलाइ परमेस्वरसो लोका हि, कि माको दोअ्तेङ वाको जाच पासु, हाइपालिपानु हेन्जा धाताइका आगमबक्तागेलाइ इदोङ सुमिङता हि।

प्रकास 2:14

कालाउ कासेहेङ नेलाइको बारेता हाइ दोङ गुनासो हि, हाइपालिपानु धाताइका सिक्स्या पिकालाइहेङ नेलाइ बिरोध मापास्वाना जिसिका परमेस्वरको बक्ता बालाम लाम्फाको सोमोइता जेदोङ धिरपाहि। बालाम बालाक राजाहेङ धिरपाहि कि इस्राएललिको द्‍याङगेलाइहेङ हेसा लोभता फासेपातेङ पाप पापालि, वा मुर्तिगेलाइहेङ भोग पिका आमेने चालि-आम्लि कालाउ आनैतिक जिबन बितिपालि धिरपाहि।

प्रकास 2:6

कालाउ का नेलाइसो हेन्जा खुसि जेङका हिघा, हाइपालिपानु नेलाइ निकोलाइटसको मारेम्का कामगेलाइहेङ सिकाका भाइपाङ का बुङ इम्बालाइको कामगेलाइहेङ सिकाताङका।