रोमि 9:2 - Dhimal NT

² का काङको द्‍याङगेलाइको भाअ्सिङ ओसारापाङ दुखि हिघा, कालाउ काङको ह्रदयता इम्बालाइको भाअ्सिङ जेलाउ बुङ तुका मोहसुस पाखा।

रोमि 9:2 Iomraidhean Croise

फिलिप्पि 3:18

का हेन्जा पोल्ति दोअ्का हिघा, एला बुङ द्‍याङगेलाइको बारेता आरोङ बुङ का नेलाइहेङ खार्कताङ दोअ्खा, कि हेन्जा द्‍याङगेलाइको व्यवभारहोइ तिङपाखे कि इम्बालाइ येसु ख्रिस्ट क्रुस्टता सिकाता बिरोधि हि।

रोमि 10:1

खान्धुराइ ओनेगेलाइ, काङको हृदयसोङ इच्छा हि, कि परमेस्वर काङको इस्राएललि द्‍याङगेलाइहेङ उद्दार प्याको, ओदोङ भाअ्सिङ का इम्बालाइ बान्चिलि निनाको दोअ्तेङ परमेस्वर दोफा प्रार्थाना पाखा।

प्रकास 11:3

इङको बेला, का काङको न्हेमि वाबाल दिङगिल्याङका जाइ काङको सत्ये सन्‍देस घोसाना पावा। कालाउ इम्बालाइ दा:का रङको धुसा होनावा कालाउ इङको ए-हाजार न्हे साइ सुम कुरि दिना थेकापा इङको द्‍याङ काङको सन्‍देस घोसाना पावा।”

रोमि 9:1

का ख्रिस्टहेङ साक्सि मानितेङ सत्ये काथा धुइतेङ हिघा, पबित्तरो आत्मा कालाउ काङको बुद्दिहोइ बुङ या साक्सि पिखे कि का धाताइका मान्थुघा।

रोमि 9:3

का ते काङको यहुदि दादा-ओनेगेलाइ कालाउ बाइ-ओनेगेलाइको भाअ्सिङ जाइ काङको ताइकोङ जातिगेलाइ दोङ हि, इम्बालाइको भाअ्सिङ ताइमिङ परमेस्वरसो साराप निङतेङ ख्रिस्टसो खेङन्हालि गोइलाउ बुङ का याको भाअ्सिङ तियार हिघाखा।