रोमि 8:3 - Dhimal NT

³ हाइपालिपानु केलाइको पापमय स्वभाबको कारनहोइ जेदोङ काम मोसाको व्यवस्था बुङ पालि मादोहि, इङको ताइमिङ परमेस्वर दोङ पाहि। वा ताइको चानहेङ केलाइकोङ पापमय जिउको स्वरुपता भाइकाङ केलाइको पापको भाअ्सिङ भोग भाइपाङ दिङगिल्हि। कालाउ एसापा परमेस्वर ताइको चानको जिउपाहासो पापको सरबुङ नासा पाहि।

रोमि 8:3 Iomraidhean Croise

मर्कुस 15:27

येसुहेङ क्रुस्टा तोइलाउ इम्बालाइ न्हेमि डाकागेलाइहेङ बुङ क्रुस्टा येसुको दाम्पाहा कालाउ केपाहा तोइहि।

युहन्‍ना 1:14

कालाउ एमि हिघाहि जाइहेङ बचन दोअ्न्हाहि वा द्‍याङ जेङहि, कालाउ केलाइको माझाता बासा हि। केलाइ दोङ वाको महिमा तिङन्हाहि, वा इसिका हिघाहि जेसाङ आबासो लोका एमि खिनिङ चानको महिमा जेङखे, वा सत्ये कालाउ आनुग्रहहोइ भरि पुर्न हिघाहि।

युहन्‍ना 9:24

कालाउ यहुदि आगुवागेलाइ उङको कान्हाँ द्‍याङहेङ आरोङ बुङ काइतेङ दोअ्हि, “नाअ् परमेस्वरको आगाता बाचा पाअ्‌ कि नाअ् सत्ये धुइयाना, हाइपालिपानु केलाइ गिनाखे कि जाइ नासेहेङ एल्पाहि उङको द्‍याङ पापिहि।”

साल्न्हाका चात्या 13:39

कालाउ खाङधुरि पाकालाइ झाराङ येसु पाहासो दोङ गोताङ काथागेलाइसो निरदुसि थाराइहि, जेदोङ मोसाको व्यवस्थाता पाहासो नेलाइको भाअ्सिङ सम्भब मान्थुघाहि।

रोमि 3:20

ओदोङ भाअ्सिङ व्यवस्था केम्तेङ आधिमि द्‍याङ परमेस्वरको आगाता धर्मि जेङलि माद्वाङ, हाइपालिपानु मोसाको व्यवस्थाहोइ तिङपाखे कि केलाइ पापि हिनाहि।

रोमि 6:6

केलाइ गिनाखे कि, केलाइको पापमय ब्यभार ख्रिस्ट दोफा क्रुस्टा तोइन्हाहि, कालाउकि केलाइको जिउको पापमय स्वाभाब नासाताको, कालाउ एलासो केलाइ ताइमिङ पापको बान्धाइति माजेनाइने।

रोमि 7:18

हाइपालिपानु कासेहेङ थाहा हि, कि काङको पापमय स्वभाबता हाइ दोङ आसल काथा मान्थु, हाइपालिपानु जेदोङ रेम्का हि, इङको पालि इच्छा का दोफा हि, कालाउ का इङको पालि माद्वाङका।

रोमि 8:32

परमेस्वर ताइको चानहेङ बुङ ताइको भाअ्सिङ बाकि माअ्ताहि, कालाउ केलाइ झाराङको भाअ्सिङ वासेहेङ सतुरुगेलाइहेङ सुम्पिपिहि, ओदोङ भाअ्सिङ वा निसित दोङ केलाइहेङ प्रतिग्या पाका गोताङ आमेने एन्साङ प्याङ।

रोमि 9:3

का ते काङको यहुदि दादा-ओनेगेलाइ कालाउ बाइ-ओनेगेलाइको भाअ्सिङ जाइ काङको ताइकोङ जातिगेलाइ दोङ हि, इम्बालाइको भाअ्सिङ ताइमिङ परमेस्वरसो साराप निङतेङ ख्रिस्टसो खेङन्हालि गोइलाउ बुङ का याको भाअ्सिङ तियार हिघाखा।

2 कोरिन्थि 5:21

ख्रिस्टता पाप दोङ मान्थुघाहि, कालाउ परमेस्वर वासेहेङ पापि भाइपा ब्यभार पाहि, कालाउ बुङ केलाइ वाको नजरता धर्मि जेङलि द्वाको दोअ्तेङ ख्रिस्ट दोङ केलाइको पापको भाअ्सिङ दन्ड ह्रुपिहि।

गलाति 3:13

कालाउ व्यवस्था मामानिनाङ लोका सारापसो ख्रिस्ट केलाइहेङ लाअ्पाहि। जेलाउ येसु ख्रिस्ट क्रुस्टता सिहि, कालाउ वा केलाइको पापगेलाइको स्राप ताइमि ह्रुता ह्रुहि। हाइपालिपानु धर्मसास्तरता लेखेका हि, “जेदोङ द्‍याङ क्रुस्टता सिखे उङको स्रापित दोङ हि।”

गलाति 3:21

एन्सा पानु, हाइ व्यवस्था परमेस्वर पाका बाचाको बिरोधता हि? मिधुलाउ बुङ मान्थु। हाइपालिपानु जेसापा व्यवस्था केलाइहेङ आनान्त जिबन पिलि दोनुते, केलाइ व्यवस्था केम्तेङ परमेस्वर दोफा धर्मि जेङलि द्वाङ।

फिलिप्पि 2:7

कालाउ वा दोङ गोताङ आमेने लाअ्हि, कालाउ बान्धाइति स्वभाव भाङघाइहि, कालाउ वा द्‍याङ जेङतेङ जोलोमहि।

हिब्रु 10:12

कालाउ ख्रिस्ट ताइमिङहेङ जेलाउबुङको भाअ्सिङ थेम्का पाप स्यामाको भाअ्सिङ एनोङ खिनिङ भोग चढाइहि, कालाउ न्हुसो वा परमेस्वरको दाम्पाहा खुर भारि झाउका साम्मानको थामेता योम्हि।

हिब्रु 2:14

हाइपालिपानु परमेस्वर जाइहेङ चान-चामिन्दिगेलाइ दोअ्हि, इम्बालाइ द्‍याङगेलाइ हि, येसु ख्रिस्ट गोताङ खाल्कोहोइ केलाइ भाइकाङ द्‍याङ जेङतेङ लोहि। कालाउकि वाको सिका पाहासो, सिका ह्रुता खाबारा हिका साइतानहेङ नासा पालि द्वाको।

हिब्रु 2:17

ओदोङ भाअ्सिङ वा गोताङ काथाता बो द्‍याङगेलाइ भाइपा जेङलि गोइहि, कालाउकि वा परमेस्वरको आगाता केलाइको दायालु कालाउ भर परिका प्राधान पुजारि जेङलि द्वाको। कालाउ द्‍याङगेलाइको पाप ल्होपालिको भाअ्सिङ वा दोङ ताइमिहेङ बलिको रुपता आर्पन पालि द्वाको।

हिब्रु 4:15

केलाइ खाङधुरिहेङ थामितेङ ताअ्ताइने हाइपालिपानु केलाइको प्राधान पुजारि जाइ येसु ख्रिस्ट हि, वा केलाइको गोताङ कमजोरिगेलाइ बुझिपिखे, केलाइहेङ भाइपा साइतान येसुहेङ गोताङ काथाता जाचिहि, कालाउ बुङ वा हिदोइ बुङ पाप मापाहि।

1पतरुस 2:24

जेलाउ ख्रिस्ट सिहि, वा क्रुस्टता केलाइको पापको भाअ्सिङ ताइको जिउता दन्ड भोगिहि। वा इसिका पाहि कालाउकि केलाइ पाप पालि लाअ्तेङ धर्मि जेङजेङ जिबन जियाइलि तेङलि द्वाइने। कालाउ वा सहिका चोटगेलाइ पाहासो केलाइ एल्का हिनाहि।