रोमि 8:1 - Dhimal NT

¹ ओदोङ भाअ्सिङ, एला ख्रिस्ट येसु दोफा हिकालाइहेङ परमेस्वर मादुसिताङ।

रोमि 8:1 Iomraidhean Croise

युहन्‍ना 14:20

जेलाउ का सिन्हुतेङ आरोङ घुरितेङ ल्वाङका, नेलाइ बुझिस्वाना कि, का आबा दोफा हिघा, नेलाइ का दोफा हिसुना, कालाउ का नेलाइ दोफा हिघा।

युहन्‍ना 15:4

नेलाइ का दोफा हिसु कालाउ का नेलाइ दोफा ह्याङका। जेसापा डालेङ सिङता माहिनु इङको ताइमिङ फल सेपालि मादोअ्खे, एन्साङपा नेलाइ का दोफा माहिसुना पानु हाइ बुङ आसाल पालि मादोस्वाना।

युहन्‍ना 5:24

जातिङ भारि का नेलाइहेङ दोअ्खा, जाइ काङको बचन हिङखे कालाउ कासेहेङ दिङगिल्काहेङ खाङधुरि पाखे, उङको दोफा आनान्त जिबन हि। ओबालाइहेङ दन्ड माप्याङ कालाउ इम्बालाइ आनान्त कालको सिकासो बान्चियाङ कालाउ लाम्फासोङ नावा जिबनता दुल्लि दोका हि।

रोमि 16:3

प्रिस्किला ओने कालाउ वाको के आकिलास, जाइ येसु ख्रिस्टको काम का दोफा पाखे, इम्बालाइहेङ काङको सेउपाखा दोअ्पिसु।

रोमि 16:7

का दोफाङ झ्यालखानाता हिका यहुदि सानाइतिगेलाइ कालाउ एन्द्रोनिक्स कालाउ युनियसहेङ, सेउपाखा दोअ्पिसु। इम्बालाइ साल्न्हाका चात्यागेलाइ मध्ये नामि हि, कालाउ का खान्तेङ लाम्फाङ ख्रिस्टता लोका हिघाहि।

रोमि 5:1

ओदोङ भाअ्सिङ खाङधुरि पाहासो धर्मि बानाइका हिनाहि, कालाउ प्रभु येसु ख्रिस्ट केलाइको भाअ्सिङ पाका काम पाहासो परमेस्वर दोफा केलाइ मिलिका हिनाहि।

रोमि 5:16

परमेस्वर केलाइहेङ पिका दान आदमको पाप भाइका माको। हाइपालिपानु एनोङ पापहोइ दन्ड चुमाहि, कालाउ केलाइ हेन्जा पाप पालाउ बुङ, परमेस्वर केलाइहेङ इङको उपाहार पिहि, जाइसो केलाइ वाको आगाता धर्मि जेङन्हाहि।

रोमि 7:17

ओदोङ भाअ्सिङ मारेम्का पाका का माको, भरु याते काङकोता हिका पापहोइ पाका हि।

रोमि 7:20

एला का जेदोङ इच्छा मापाखा, ओदोङ काम पाखा पानु, इङको पाका का माको, भरु काङकोता हिका पापहोइ दोङ पाखे।

रोमि 8:11

कालाउ जेसापा येसुहेङ सिकासो सिन्हु पाकाको परमेस्वरको आत्मा नेलाइ दोफा हि पानु, येसु ख्रिस्टहेङ सिकासो सिन्हु पाका दोङ हि, नेलाइता हिका वाको आत्मासो नेलाइको सिलि तोम्का जिउहेङ बुङ जिबन प्याङ।

रोमि 8:14

हाइपालिपानु झाराङ जाइ परमेस्वरको आत्माहोइ थोङका हिखे, इम्बालाइ दोङ साचिकोङ परमेस्वरको सानतानगेलाइ दोङ हि।

रोमि 8:2

हाइपालिपानु पबित्तरो आत्मा नासेहेङ जिबन प्याङ, जेदोङ येसु ख्रिस्टसो लोखे कालाउ नासेहेङ पाप कालाउ आत्मिक सिकासो लाअ्पाका हि।

रोमि 8:34

हासु बुङ केलाइहेङ दुसिलि माद्वावा, हाइपालिपानु येसु ख्रिस्ट दोङ केलाइको भाअ्सिङ सिपिहि कालाउ सिकासो सिन्चाल्हि। कालाउ एला वा परमेस्वर दोफा हि, कालाउ केलाइको भाअ्सिङ मध्येस्ता बुङ पाखे।

रोमि 8:39

ना ते आकासको झाउकाहोइ, ना ते समुन्द्रको वाङखाराकाहोइ, ना ते गोताङ सिरजाइकाता हिका काथागेलाइहोइ केलाइहेङ परमेस्वरको प्रेमसो खेङलि द्वावा, हाइपालिपानु परमेस्वर केलाइहेङ प्रभु येसु ख्रिस्ट पाहासो प्रेम पाका हि।

रोमि 8:4

वा इसिका पाहि, कालाउकि व्यवस्थाता गोइका उचित काथा पुरा ज्याको, केलाइ जाइ केलाइको पाप स्वभाव आन्सार माको, भरु पबित्तरो आत्मा आन्सार काम पानाखे।

रोमि 8:9

जेसापा साचिकोङ नेलाइ दोफा पबित्तरो आत्मा हिखे पानु, नेलाइ ताइको पापमय स्वभाबको आधिनता माको, भरु पबित्तरो आत्माको आधिनता हिस्वाना। कालाउ हिदोइ बुङ द्‍याङता ख्रिस्टको आत्मा मान्थुहि पानुते वा ख्रिस्टको मिधुलाउ बुङ माको।

1 कोरिन्थि 1:30

कालाउ परमेस्वर नेलाइहेङ येसु ख्रिस्ट दोफा ए-बानाइका हि। कालाउ येसु ख्रिस्ट पाहासोङ केलाइहेङ ताइको बुद्दि पिका हि। कालाउ परमेस्वर दोङ केलाइहेङ वाको नजरता धर्मि बानाइका हि। कालाउ ख्रिस्ट पाहासो दोङ केलाइहेङ पबित्तरो बानाइका हि, कालाउ वा दोङ केलाइहेङ पापसो लाअ्पाका हि।

1 कोरिन्थि 15:22

कालाउ जेसाङ एमि द्‍याङ आदमको पापको कारन झाराङ द्‍याङ सिलि गोइखे। एन्साङ पातेङ दोङ भेनेङ द्‍याङ येसु ख्रिस्ट पाहासो झाराङ सिकालाइ आरोङ नावा जिबन सिन्चाङ।

2 कोरिन्थि 12:2

ख्रिस्टता का एमि द्‍याङहेङ नाल्खा, जाइहेङ तेद्‍या बासार लाम्फा स्वर्ग थेकापा तोल्लेतेङ चुम्पुहि, इदोइ घाटाना घाटिपालाउ वा आझाइ जिउताङ हिघाहि कि मान्थुघाहि इङको का माग्याङका, कालाउ परमेस्वर चाहि पाक्का गिखे।

2 कोरिन्थि 5:17

ओदोङ भाअ्सिङ जेसापा हासुकोङ बुङ ख्रिस्ट दोफा सम्बन्ध हि पानु वाको दोफा नावा स्वभाव हि, खाङसु पुर्ना माअ्तेङ हानिहोइ नावा स्वभाव लोका हि।

गलाति 3:13

कालाउ व्यवस्था मामानिनाङ लोका सारापसो ख्रिस्ट केलाइहेङ लाअ्पाहि। जेलाउ येसु ख्रिस्ट क्रुस्टता सिहि, कालाउ वा केलाइको पापगेलाइको स्राप ताइमि ह्रुता ह्रुहि। हाइपालिपानु धर्मसास्तरता लेखेका हि, “जेदोङ द्‍याङ क्रुस्टता सिखे उङको स्रापित दोङ हि।”

गलाति 3:26

ओदोङ भाअ्सिङ नेलाइ झाराङ झना येसु ख्रिस्टता खाङधुरि पानाङ परमेस्वरको सान्तान जेङसुन्हा।

गलाति 3:28

ओदोङ भाअ्सिङ एला येसु ख्रिस्टता यहुदि कालाउ गैर-यहुदि, बान्धाइति कालाउ लाअ्न्हाका द्‍याङको माझाता हिदोइ बुङ फरक मान्थु। कालाउ वाबाल कालाउ बेबालता बुङ हिदोइ बुङ फरक मान्थु। हाइपालिपानु येसु ख्रिस्टता केलाइ झाराङ ए-सामान हिनाहि।

गलाति 5:16

कालाउ का दोअ्खा, नेलाइ पबित्तरो आत्माको आगुवाइ आन्सार जियाइसु, कालाउ नेलाइ ताइको जिउको पापमय स्वभाबको इच्छा पुरा मापासु।

गलाति 5:25

जेसापा पबित्तरो आत्मा पाहासो केलाइ नावा जिबन निङका हिनाहि पानु, वाकोङ दोअ्का आन्सार जियाइलि गोइखे।

एफिसि 1:1

परमेस्वरको छाल्न्हाका चात्या जेङलि चुनिका का पावल, येसु ख्रिस्टता खाङधुरि पाका एफिसस सहरता हिका परमेस्वरको पबित्तरो जनगेलाइहेङ इदोइ पात्तारा लेखेदोङखा।

फिलिप्पि 3:9

कालाउकि का ख्रिस्ट दोफा ए जेङलि द्वाको, कालाउ काङको धार्मिकता व्यवस्था केम्लि पाका आधारता माको, कालाउ काङको धार्मिकता परमेस्वरसो पिका धार्मिकताको आदार दोङ हि, जाइ का ख्रिस्टता खाङधुरि पानाङ खिनिङ लोखे।