रोमि 7:4 - Dhimal NT

⁴ एसापा दोङ काङको खान्धुराइ ओनेगेलाइ, एला नेलाइ ख्रिस्ट दोफा सिसुन्हा, नेलाइ व्यवस्थाको भाअ्सिङ बुङ सिका हिसुना। कालाउ एला ख्रिस्टको हिसुना जाइ सिकासो सिन्चाल्का हि, कालाउकि नेलाइ परमेस्वरको भाअ्सिङ आसल जिबन जियाइलि दोसु।

रोमि 7:4 Iomraidhean Croise

मत्‍ति 26:26

चाकाताङ पालाउ येसु तोले चुम्हि। कालाउ तोलेको भाअ्सिङ परमेस्वरहेङ धन्यबाद पिहि कालाउ तोले पोङहि कालाउ चात्यागेलाइहेङ तोले पितेङ दोअ्हि, “कोसु कालाउ चासु, इदोइ काङको जिउ दोङ हि।”

मर्कुस 4:20

आधिमि द्‍याङगेलाइ रेम्का मिलिङ भाइका हि, जेता चालाइ बिन्हाका हि, जाइ इसिका द्‍याङ हि ओबालाइ परमेस्वरको बचन हिङतेङ ग्रहन पाखे कालाउ इन्सिका द्‍याङ परमेस्वरको बचनता आगा बारालि दोखे। आधिमि द्‍याङगेलाइ साइ गुना, आधिमि द्‍याङगेलाइ तुते गुना, कालाउ आधिमि द्‍याङगेलाइ सुम्ते गुना फल सेपाखे।

युहन्‍ना 15:8

जेसापा नेलाइ हेन्जा आसल काम पासुना पानु इङको काथाहोइ काङको आबाहेङ महिमा पाखे कालाउ नेलाइ काङको चात्या जेङस्वाना।

युहन्‍ना 3:29

दारा दरवाइनि दोफा बिहु पाखे, कालाउ दाराको लोकोन्दि जाअ्तेङ दाराको काथा हिङतेङ खुसि जेङखे, एसापा दोङ काङको ह्रदय आनन्दहोइ एला भरि पुर्न जेङका हि।

युहन्‍ना 6:51

स्वर्गसो खुअ्तेङ लोका जिबन पिका तोले का दोङ हिघा। हासु बुङ इदोइ तोले चानु उङको जेलाउ बुङ बान्च्याङ। कालाउ जेदोङ तोले का सुमिङता जिबनको भाअ्सिङ प्याङका, उङको चाहि काङको जिउ।”

रोमि 6:11

एन्साङ पातेङ नेलाइ बुङ ता-ताइमिहेङ पापको आधिनसो सिका, कालाउ ख्रिस्ट येसुता परमेस्वरको सेवाको भाअ्सिङ सिन्हुका दोअ्का थानिलि गोइखे।

रोमि 6:14

हाइपालिपानु पापहोइ नेलाइहेङ आधिनता पालि माद्वाङ, हाइपालिपानु नेलाइ मोसाको व्यवस्थाको आधिनता मान्थु सुन्हा, कालाउ परमेस्वरको आनुग्रहको आधिनता हिसुना।

रोमि 6:2

एन्सा माज्याको! केलाइते पापको भाअ्सिङ सिलि दोनाहोइ, ओदोङ भाअ्सिङ केलाइ एला लागातार जिबनता पाप पालि माएल।

रोमि 6:22

कालाउ एला नेलाइ पापसो मुक्त जेङतेङ परमेस्वरको बान्धाइति जेङका हिसुन्हा। कालाउ नेलाइ इङको काथा पासुखेना जाइ पबित्तरोता थोङखे, कालाउ इङको को आन्त चाहि आनान्त जिबन दोङ हि।

रोमि 7:3

कालाउ जेसापा उङको बेबाल ताइको के हिलाउ दोङ भेनेङ वाबाल दोफा बिहुपाहे पानु वा कासिबिरि जेङखे। कालाउ जेसापा वाको के सिहे पानु वा व्यवस्थाको बन्धनसो मुक्त जेङखे कालाउ ताइको के सिका न्हुसो वा भेनेङ वाबाल दोफा बिहुपाहे पानु वा कासिबिरि माजेङखे।

रोमि 7:6

एला केलाइ पुर्ना तरिकासो व्यवस्था केम्का भाइका माको, कालाउ परमेस्वरको आत्माको नावा तरिका आन्सार वाको सेवा पानाखे। हाइपालिपानु केलाइ ख्रिस्ट दोफा सिनाङ इदोइ व्यवस्थाको आधिनसो मुक्त जेङका हिनाहि।

रोमि 8:2

हाइपालिपानु पबित्तरो आत्मा नासेहेङ जिबन प्याङ, जेदोङ येसु ख्रिस्टसो लोखे कालाउ नासेहेङ पाप कालाउ आत्मिक सिकासो लाअ्पाका हि।

1 कोरिन्थि 10:16

जेलाउ केलाइ प्रभु भोजको जाम बाति चुम्तेङ केलाइ परमेस्वरहेङ धन्यबाद पिनाखे केलाइ इन्तासो आम्नाखे, केलाइ ख्रिस्टको हितिता झ्वाइनाखे। कालाउ जेलाउ केलाइ तोले पोङतेङ चानाखे, केलाइ ख्रिस्टको जिउता झ्वाइनाखे।

2 कोरिन्थि 11:2

परमेस्वर नेलाइको बारेता चिन्ता पाका कोनिङ का बुङ चिन्ता पाका हिघा, का बाचा पाखा कि नेलाइको एमि खिनिङ के ख्रिस्टहेङ प्याङका, जेसाङ बिहु जेङखे कालाउ एमि आबा ताइको धानि चामिन्दिहेङ वाको के हेङ पिका भाइका हि।

गलाति 3:13

कालाउ व्यवस्था मामानिनाङ लोका सारापसो ख्रिस्ट केलाइहेङ लाअ्पाहि। जेलाउ येसु ख्रिस्ट क्रुस्टता सिहि, कालाउ वा केलाइको पापगेलाइको स्राप ताइमि ह्रुता ह्रुहि। हाइपालिपानु धर्मसास्तरता लेखेका हि, “जेदोङ द्‍याङ क्रुस्टता सिखे उङको स्रापित दोङ हि।”

गलाति 5:18

कालाउ जेसापा नेलाइ पबित्तरो आत्माको आगुवाइ आन्सार जियाइसुन्हा पानु, नेलाइ मोसाको व्यवस्थाको आधिनता मान्थु सुन्हा।

एफिसि 2:15

वाको सिकासो, वा मोसाको व्यवस्थाता हिका गोताङ आग्यागेलाइ कालाउ नियमगेलाइ मोअ्पाहि। कालाउकि वा यहुदि कालाउ गैर-यहुदिगेलाइको माझाता सान्ति चुमालि द्वाको कालाउ एनोङ नावा समुह बानाइलि द्वाको।

फिलिप्पि 1:11

कालाउ जेसाङ एनोङ सिङ फल पिखे, एन्साङ दोङ नेलाइ परमेस्वरको महिमा कालाउ बाखिनको भाअ्सिङ येसु ख्रिस्टता ठिक काम पातेङ हानेसु।

फिलिप्पि 4:17

का नेलाइसो भेति भोका माको, कालाउ चाहिखा कि नेलाइको पाका कामको इनाम निङलि दोसु।

कलस्सि 1:10

केलाइ प्रार्थाना पानाखे, कालाउकि नेलाइ प्रभुहेङ आदार पिका कालाउ हाउसाइपाका जिबन जियाइलि दोसु, कालाउ नेलाइ लागातार आसल कामगेलाइ पासु, आरुको भाअ्सिङ भलाइ पालि दोसु। कालाउकि नेलाइ परमेस्वरहेङ आझाइ रेम्फासो गिलि दोसु।

कलस्सि 1:22

कालाउ ताइकोङ आगाता नेलाइहेङ पबित्तरो, खात्ति, कालाउ निरदुसि तिङपालि ख्रिस्ट परमेस्वरको चान द्‍याङ जेङहि कालाउ क्रुस्टता सिहि। वाको सिकासो परमेस्वर नेलाइहेङ एला मिलिसुका चुमाका हि।

कलस्सि 1:6

इङको सुसमाचार नेलाइकोता लोका हि कालाउ गोताङ सुमिङता फाइलाइका हि कालाउ हेन्जा द्‍याङगेलाइ खान्धुराइ जेङका हि, कालाउ इम्बालाइको जिबन बद्लिका हि। जेसाङ इदोइहोइ नेलाइको जिबन बदलिहि, जेलाउ नेलाइ लाङ पोल्ति नेलाइ सन्‍देस हिङका हिघासुन्हा। कालाउ इदोइ सत्ये बुझेका हिसुन्हा, कि परमेस्वर ताइको आनुग्रह पाहासो ख्रिस्टता खाङधुरि पाकालाइको पाप स्यामा पापिखे।

कलस्सि 2:14

या इसिका हिघाहि, जेसाङ परमेस्वर केलाइको पापको लेखा कातिपिहि, जेदोङता केलाइको बिरोधता आरोप लेखेका हिघाहि। जेलाउ ख्रिस्टहेङ क्रुस्टा तोइहि कालाउ वा इङको गोताङ लेखा पुराङ रुपहोइ मोअ्पापिहि।

कलस्सि 2:20

नेलाइको पापि स्वभाव ख्रिस्ट दोफाङ सिकानाङ, नेलाइ या सुमिङको नियमगेलाइ केम्लि मागोयाङ। ओदोङ भाअ्सिङ नेलाइहेङ इदोङ सुमिङ काबुता ताअ्का भाइकाङ हाइ पालि इदोइ सुमिङको नियमगेलाइ किसुखेना?

1पतरुस 2:24

जेलाउ ख्रिस्ट सिहि, वा क्रुस्टता केलाइको पापको भाअ्सिङ ताइको जिउता दन्ड भोगिहि। वा इसिका पाहि कालाउकि केलाइ पाप पालि लाअ्तेङ धर्मि जेङजेङ जिबन जियाइलि तेङलि द्वाइने। कालाउ वा सहिका चोटगेलाइ पाहासो केलाइ एल्का हिनाहि।

प्रकास 19:7

केलाइ झाराङ खुसि जेनाइने कालाउ आनान्द मानाइने कालाउ वासेहेङ बाखानाइ प्याइने। एला इदोइ सोमोइ हि जाइ येसु जाइ थुमा हि, जेलाउलाउको भाअ्सिङ ताइको द्‍याङगेलाइ दोफा मिलियावा, इङको दारा भाइपा जाइ ताइको दारइवाइनि दोफा बिहु पाखे। हाइपालिपानु वा द्‍याङगेलाइहेङ ताइमिहेङ वाको दोफा मिलिलि तियार पाखे।

प्रकास 21:9

कालाउ आरोङ न्हि लोङ स्वर्गदुतगेलाइ ताइको न्हि लोङ जाम बात्तिसो पोङघातेङ हिका न्हि लोङ आम्तिम बिपति द्‍याङ जाति ह्रुता हुपिहि, इङको मध्येसो एमि स्वर्गदुत कासेहेङ दोअ्हि, “का दाराहेङ तिङपाङका जाइ धेमाङ थुमा दोफा बिहु पाङ।”