रोमि 5:3 - Dhimal NT

³ इदोइ झोको खिनिङ माको, कालाउ केलाइ ताइको सङकटता बुङ हाउसाइनाखे, इदोइ गितेङ कि सङकटहोइ सहनसिलता उब्जाइपाखे,

रोमि 5:3 Iomraidhean Croise

लुका 21:19

नेलाइको खाङधुरिको कारनहोइ इदोइ गोताङ बिपतिगेलाइसो प्रान बान्चियावा।

साल्न्हाका चात्या 5:41

कालाउ छाल्न्हाका चात्यागेलाइ येसुको भाअ्सिङ आपमानित सहिलि योग्यको जेङकाता ओबालाइ आनान्द मानिपाकाताङ इम्बालाइ माहासभासो ओल्लेतेङ हानिहि।

रोमि 5:11

इदोइ झोको खिनिङ माको, कालाउ एला केलाइको प्रभु येसु ख्रिस्ट पाहासो परमेस्वर दोफा केलाइको मिलाप जेङलि दोहोइ, ओदोङ भाअ्सिङ केलाइ परमेस्वरता आनान्दित हिनाहि।

रोमि 8:23

इदोङ सिरजाइकाहोइ खिनिङ माको, कालाउ केलाइ जाइ दोफा पबित्तरो आत्मा भबिस्यता निङका महिमाको लाङ झलकको रुपता हि। कालाउ इङको दिनाको भाअ्सिङ एला लेङचातेङ ह्रुम्तेङ हिनाहि, जेलाउ परमेस्वर केलाइहेङ धर्म जामालाइको रुपता गोताङ खाबारा प्याङ, माकुनु केलाइहेङ नावा जिउ पितेङ पुर्ना जिउहेङ मुक्त पाप्याङ।

रोमि 9:10

इदोङ झोको खिनिङ माको, रेबिका बुङ केलाइको पुर्खा इसाहाकसो जाउथ्या चानगेलाइहेङ जोलोम पिहि।

2 कोरिन्थि 4:17

केलाइको दुखगेलाइ एला आतुइसा हि कालाउ ह्रिङका सोमोइ थेकापा माहियाङ, हाइपालिपानु इङको दुखगेलाइहोइ केलाइहेङ आनान्त महिमा पिखे, जेदोङ केलाइ कल्पाना पालि दोका खान्तेङ हेन्जा हि।

2 कोरिन्थि 8:19

कालाउ इदोइ झोको खिनिङ माको, कालाउ प्रभुको महिमाको भाअ्सिङ कालाउ यरुसेलेम सहरको खान्धुराइगेलाइहेङ केलाइ साघाइलि उत्सुकता हिनाहि दोअ्तेङ तिङपालि केलाइको पाका आसल कामता केलाइ दोफा भेति ल्होपालि मन्डलि पाहासो वासेहेङ साल्का हि।

एफिसि 3:13

एन्साङ दोङ का नेलाइहेङ सेउपाखा, कि नेलाइको भाअ्सिङ का दोङ कस्ट ल्होपाका तिङतेङ नेलाइ हारेस माचासु। हाइपालिपानु इदोइ गोताङ नेलाइको फाइदाको भाअ्सिङ हि।

फिलिप्पि 1:29

हाइपालिपानु परमेस्वर नेलाइहेङ ख्रिस्टता खाङधुरि पालि खिनिङ माको, कालाउ वाको ह्रुता खाङधुरि पाकानाङ दुख भोगिलि बुङ आबसर पिका हि।

याकुब 1:12

उङको द्‍याङ धन्यको हि, जाइ जाचता स्थिर हिखे, हाइपालिपानु ताइको खाङधुरि प्रमानित पालि दोतेङ वा आनान्त जिबनको इनाम निनावा, जाइ परमेस्वर वासेहेङ प्रेम पाका झाराङहेङ पिका प्रतिग्या पाका हि।

1पतरुस 3:14

कालाउ जेसापा केलाइको धर्मि ब्यभारहोइ केलाइ दुख निङन्हाखे पानु, केलाइ बास्ताबता आसिस जेङन्हाखे। ओदोङ भाअ्सिङ, जेसापा केलाइहेङ धम्कि पिका द्‍याङगेलाइ हि पानु, इम्बालाइ दोफा माथिसु कालाउ मापिरसु।