रोमि 4:12 - Dhimal NT

¹² कालाउ आब्राहाम इङको खाताना पाकालाइको बुङ आबा पुर्खा जेङहि। कालाउ इम्बालाइको खातानाहोइ खिनिङ आब्राहाम ओबालाइको पुर्खा जेङका माको। कालाउ ओबालाइ बुङ आब्राहाम भाइपाङ खाङधुरिको आनुसरन पाकानाङ आब्राहाम उङको द्‍याङगेलाइको बुङ आबा पुर्खा जेङहि।

रोमि 4:12 Iomraidhean Croise

मत्‍ति 3:9

केलाइको आबा आब्राहाम दोङ दोअ्तेङ ता-ताइमिता मादोअ्सु, हाइपालिपानु का नेलाइहेङ दोअ्खा, परमेस्वर इङको उन्ठुइगेलाइसो आब्राहामको भाअ्सिङ चान-चामिन्दि, बानाइपिलि द्वावा।

रोमि 4:11

परमेस्वर आब्राहामहेङ वाको खाङधुरि पाहासो दोङ खाताना मापालाउ बुङ वाको आगाता धर्मि बानाइहि। कालाउ खातानाको चिना चाहि सुइकारका छाप दोङ हि। ओदोङ भाअ्सिङ आब्राहाम खाताना मापाका कालाउ परमेस्वरहेङ खाङधुरि पाका झाराङको आत्मिक आबा जेङका हि। कालाउ इम्बालाइको खाङधुरिको कारनहोइ धर्मि बानाइका हि।

रोमि 4:13

आब्राहाम मोसाको व्यवस्था केम्नाङ माको, भरु वाको खाङधुरि पाहासो परमेस्वर वासेहेङ धर्मि बानाइहि। कालाउ परमेस्वर वासेहेङ कालाउ वाको हारागुटियाहेङ सुमिङको उत्ताराधिकारि बानाइलि प्रतिग्या पाहि।

2 कोरिन्थि 12:18

का तितसहेङ हानेलि दोअ्तेङ आनुरोध पाघा, कालाउ उङको खान्धुराइ ओनेहेङ वाको दोफा दिङगिल्घा। हाइ तितस नेलाइसो हाइ दोङ आर्थिक साघाइ निङहि? माको, नेलाइ गिसुखेना कि तितस कालाउ काङको एनोङ दोङ मन कालाउ एनोङ ब्यभार हिघाहि।

1पतरुस 2:21

परमेस्वर नेलाइहेङ काइका को कारन एनोङ कारन इदोइ हि कि नेलाइ वाको भाअ्सिङ कस्ट भोगिलि गोइस्वाना। ख्रिस्ट, जाइ नेलाइको भाअ्सिङ कस्ट भोगिहि। वा नेलाइको उधारन हि। ओदोङ भाअ्सिङ नेलाइ वाको पाका काम आनुकरन पालि गोइखे।