रोमि 4:10 - Dhimal NT

¹⁰ या हेसा जेङहि? हाइ परमेस्वर आब्राहामहेङ वा खाताना जेङलि खाङतेङ लाम्फा ताइको आगाता धर्मि बानाइहि? माको, कालाउ परमेस्वर वासेहेङ खाताना पालि लाम्फा दोङ ताइको आगाता धर्मि बानाइहि।

रोमि 4:10 Iomraidhean Croise

रोमि 4:11

परमेस्वर आब्राहामहेङ वाको खाङधुरि पाहासो दोङ खाताना मापालाउ बुङ वाको आगाता धर्मि बानाइहि। कालाउ खातानाको चिना चाहि सुइकारका छाप दोङ हि। ओदोङ भाअ्सिङ आब्राहाम खाताना मापाका कालाउ परमेस्वरहेङ खाङधुरि पाका झाराङको आत्मिक आबा जेङका हि। कालाउ इम्बालाइको खाङधुरिको कारनहोइ धर्मि बानाइका हि।

रोमि 4:9

हाइ या आसिस खातानागेलाइको भाअ्सिङ खिनिङ हि, कि या खाताना मापाकालाइको भाअ्सिङ बुङ हि? हाइपालिपानु केलाइ धर्मसास्तरता दोअ्का काथा दोअ्काताङ लोका हिनाहि, कि आब्राहाम परमेस्वरको काथाता खाङधुरि पानाङ परमेस्वर वासेहेङ ताइको आगाता धर्मि बानाइहि।

गलाति 5:6

जेसापा नेलाइ येसु ख्रिस्टको खान्धुराइगेलाइनु खाताना पालाउ बुङ मापालाउ बुङ हिदोइ बुङ फरक माजेङखे। कालाउ मुलि काथा या कि केलाइ ख्रिस्टता खाङधुरि पान्हाखे, कालाउ परमेस्वर कालाउ आरु द्‍याङहेङ बुङ प्रेम पान्हाखे।

गलाति 6:15

हाइपालिपानु ना ते खातानाको हाइ दोङ महत्व पुर्न हि, ना ते खाताना माजेङका कालाउ परमेस्वर पबित्तरो आत्मासो नेलाइहेङ नावा द्‍याङ बानाइका हि इङको चाहि महत्व पुर्न हि।