रोमि 3:9 - Dhimal NT

⁹ एन्सा पानु हाइ केलाइ यहुदिगेलाइ गैर-यहुदिगेलाइ खाङतेङ हेन्जा आसल हिनाहि कुनु? माको, मिधुलाउ बुङ मान्थुन्हाहि, हाइपालिपानु झाराङ द्‍याङ, यहुदिगेलाइ कालाउ गैर-यहुदिगेलाइ गोताङ इङकोङ पापको सरबुङको आधिनता हि दोअ्तेङ का दुसिका हिघा।

रोमि 3:9 Iomraidhean Croise

गलाति 3:22

कालाउ धर्मसास्तर तिङपाखे, कि केलाइ झाराङ पापि हिन्हाहि, कालाउकि परमेस्वर पि दोअ्का बाचा येसु ख्रिस्टता खाङधुरि पाकालाइ निनाको।

रोमि 6:15

हाइपालिपानु केलाइ व्यवस्थाको आधिनता मान्थुन्हाहि कालाउ परमेस्वरको आनुग्रहको आधिनता हिनाहि, ओदोङ भाअ्सिङ केलाइ पाप पालि माएल।

रोमि 11:32

हाइपालिपानु परमेस्वर झाराङ द्‍याङगेलाइहेङ आना आग्याकारि जेङलि पिहि, कालाउकि वा झाराङ द्‍याङगेलाइहेङ ताइको दाया तिङपालि द्वाको।

रोमि 3:19

केलाइ गिनाखे, कि जेदोङ व्यवस्था दोङ दोअ्खे, इङको व्यवस्थाकोङ आधिनता हिकालाइहेङ दोअ्खे, कालाउकि द्‍याङगेलाइ बाहाना मापाको कालाउ सुमिङता हिका गोताङ द्‍याङगेलाइ परमेस्वरको न्यायको आधिनता ह्याको।

फिलिप्पि 1:18

हाइ दोङ ज्याको, मुल काथा चाहि इदोइ दोङ हि, कि गोताङ प्रकारसो चाहे मारेम्का कारनहोइ, चाहे सत्येता, ख्रिस्टको बारेता सुसमाचारको प्राचार जेनाको, का इदोइताङ लेङचाङका।

गलाति 3:10

कालाउ मोसाको व्यवस्थाता लेखेका हि, कि जाइ मोसाको व्यवस्थाको गोताङ नियमगेलाइ पालि माकेम्खे, परमेस्वरको साराप वाको ह्रुता हुनाङ। ओदोङ भाअ्सिङ व्यवस्था मानितेङ परमेस्वरको आगाता धर्मि जेङलि कोसिस पाका झाराङ ह्रुता स्राप परिका हि। हाइपालिपानु हासु बुङ इङको कानुनगेलाइ जेलाउ बुङ पुरा रितिहोइ केम्लि मादोखे।

1 कोरिन्थि 14:15

ओदोङ भाअ्सिङ का पबित्तरो आत्माको आगुवाइसो प्रार्थाना पालि भोखा। कालाउ का हाइ दोअ्तेङ हिघा आरु बुङ बुझिका का भोखा। कालाउ जेलाउ का मनता ले लेखा, का भोखा कि इङको ले पबित्तरो आत्मासो ह्याको। कालाउ या बुङ आवस्यक हि कि, का हाइ लेदोङखा इङको आरुगेलाइ बुङ बुझियाको।

1 कोरिन्थि 10:19

काङको दोअ्लि खाङका इदोइ माको? हाइ मुर्तिता चाढाइका आमेने हाइ दोङ दाम हि रो? हाइ मुर्तिगेलाइ दोङ जातिङको परमेस्वर हि रो? माको।

1 कोरिन्थि 4:7

हाइपालिपानु हासु बुङ नेलाइहेङ आरु खान्तेङ बार्का बानाइका मान्थु। हाइपालिपानु नेलाइ दोफा हिका गोताङ काथा परमेस्वर दोङ नेलाइहेङ पिका हि। जेसापा नाङको दोफा हिका गोताङ काथा परमेस्वरको हि पानु, नाङको दोफा घमन्ड पाका कारन मान्थु।

रोमि 11:7

ओदोङ भाअ्सिङ या एसापा जेङहि: इस्राएलको द्‍याङगेलाइ परमेस्वरको आगाता धर्मि जेङलि कोसिस पाहि कालाउ इम्बालाइ सफल जेङलि मादोहि, कालाउ परमेस्वर ताइमि साल्का द्‍याङगेलाइहेङ धर्मि बानाइहि। कालाउ बाकि हिका द्‍याङगेलाइको ह्रदय परमेस्वर थाङका बानाइ पिहि कालाउ इम्बालाइ परमेस्वरको काथा हिङलि माकिहि।

रोमि 3:5

कालाउ केलाइको दुस्ट कामहोइ परमेस्वरको धार्मिकताहेङ आझाइ रेम्फा तिङपाखे पानु, केलाइ हाइ दोअ्लि? हाइ परमेस्वर केलाइ दोफा चेरताङपालि कालाउ दन्ड पिलि गलत हि रो? या तेका द्‍याङको भाइपा धुइखा।

रोमि 1:18

परमेस्वरको चेर स्वर्गसो उङको द्‍याङगेलाइता देखाल जेङका हि जाइ वाको बिरोधता दुस्ट कालाउ मारेम्का कामगेलाइ पाका हि। इम्बालाइ ताइको दुस्ट काम पाहासो द्‍याङगेलाइहेङ परमेस्वरको बारेता सत्ये गिलि रोकिका हि।

लुका 7:39

येसुहेङ नेउता पाका फारिसि इङको तिङतेङ मन मनता एसा दोअ्लि तेङहि, जेसापा येसु परमेस्वरको बक्ता हिनुते वासेहेङ साइका बेलाल हासु कालाउ हाइखालको बेजान दोअ्तेङ वा गिधावा, हाइपालिपानु इदोइ ते पापिनि बेजान कि वा।

रोमि 2:1

ओदोङ भाअ्सिङ नाअ् सोचिखेना इन्सिका द्‍याङहेङ दुसिलि द्वाना, कालाउ नाअ् हाइ दोङ बाहाना पालि माद्वाना, हाइपालिपानु नाअ् जेदोङ काथाता बो गेलाइहेङ दुसिखेना इङकोता नाअ् बुङ दुसिका जेनाना। हाइपालिपानु जेदोङ कामको दुसि नाअ् बो गेलाइहेङ लागाइखेना, ओदोङ काम नाअ् बुङ पाखेना।

रोमि 3:1

हासु बुङ हिअ्लि द्वाङ, हाइ यहुदिगेलाइहेङ गैर-यहुदिगेलाइ खान्तेङ फाइदा हि? माकुनु हाइ खाताना जेङकाता फाइदा हि रो?

रोमि 7:14

हाइपालिपानु केलाइ गिनाखे, कि व्यवस्था आत्मिक हि, कालाउ का चाहि जिउको स्वभाव आन्सार हिगिल्खा कालाउ का पापको बन्धनता हिघा।