रोमि 3:8 - Dhimal NT

⁸ केलाइको दोअ्का इदोइ काथागेलाइसो आधिमि द्‍याङगेलाइ केलाइहेङ दुसिलि द्वाङ, “केलाइ मारेम्का काम पाङ कालाउकि इदोइ पाहासो आधे रेम्का जेङलि द्वाको।” जेदोङ द्‍याङगेलाइ काङको बारेता इसिका काथागेलाइ पाखे इम्बालाइ दन्ड निङलि योग्यको हि।

रोमि 3:8 Iomraidhean Croise

मत्‍ति 5:11

धन्य नेलाइ, जेलाउ द्‍याङगेलाइ दोङ काङको भाअ्सिङ नेलाइहेङ मन्दा-माताकावा, कालाउ साताइयावा, कालाउ नेलाइको बिरोधता मारेम्का काथागेलाइ दोअ्तावा, हाइपालिपानु नेलाइ काङको चात्या दोङ।

रोमि 5:20

मोसा व्यवस्था पिहि, कालाउकि झाराङ द्‍याङगेलाइ ताइमि हेथे पापि हिघा दोअ्तेङ जाचिलि द्वाको, कालाउ जेलाउ द्‍याङगेलाइ झन हेन्जा पाप पाहि, कालाउ परमेस्वरको आनुग्रह झन हेन्जा बाढेहि,

रोमि 6:1

एला केलाइ हाइ दोअ्लि? परमेस्वर ताइको आनुग्रहसो केलाइको पाप स्यामा पापिखे। कालाउ केलाइ एसापा दोअ्लि माएल कि आनुग्रह हेन्जा ह्याको दोअ्तेङ केलाइ पाप पातेङ ह्याइने।

रोमि 6:15

हाइपालिपानु केलाइ व्यवस्थाको आधिनता मान्थुन्हाहि कालाउ परमेस्वरको आनुग्रहको आधिनता हिनाहि, ओदोङ भाअ्सिङ केलाइ पाप पालि माएल।

रोमि 7:7

केलाइ हाइ दोअ्लि कुनु? व्यवस्था दोङ पाप चुमाहि? मिधुलाउ बुङ माको! जेसापा व्यवस्था मान्थुनु का पाप हाइ वाला दोअ्तेङ थाहा मागिधाङका, हाइपालिपानु “नाअ् चिचा माजेङ” दोअ्तेङ व्यवस्था दोङ मादोअ्नु चिचा जेङलि माएल दोअ्तेङ थाहा मागिधाङका।

2 कोरिन्थि 11:15

ओदोङ भाअ्सिङ इदोइ हिदोइ बुङ भारभुसाइका काथा माको, कि वाको बान्धाइतिगेलाइ बुङ धार्मिकताको बान्धाइतिगेलाइको भेस ताइको भेस भाङगाइखे। इम्बालाइको आन्तय इम्बालाइको काम आन्सारको जेनावा।

2 कोरिन्थि 6:8

द्‍याङगेलाइ केलाइको बाखिन पालाउ माकुनु इम्बालाइ केलाइहेङ सिकालाउ, द्‍याङगेलाइ बो गेलाइहेङ केलाइ मारेम्का हिनाहि दोअ्लाउ, माकुनु रेम्का हिनाहि दोअ्नु, केलाइ इमान्दार हिनाहि, कालाउ इम्बालाइ दोअ्खे कि केलाइ धातुवा हिनाहि।

यहुदा 1:4

का इदोइ लेखेदोङखा हाइपालिपानु आधिमि द्‍याङगेलाइ नेलाइको मन्डलिता नेलाइ दोफा झ्वाइनाका हि, जाइ येसु ख्रिस्टता खान्धुराइ जेङका तिङपाखे। इम्बालाइ परमेस्वरको आदार मापाखे कालाउ इम्बालाइ गलत धिरपाखे कि, हाइपालिपानु परमेस्वर ताइको आनुग्रह पाहासो केलाइको पाप स्यामा पाखे। केलाइ आनाइतिक जिबन बितिपालि द्वाङ। इम्बालाइ येसु ख्रिस्टहेङ इन्कार पाखे, जाइ केलाइको एमि खिनिङ ग्रिहि कालाउ प्रभु हि, हेन्जा सोमोइ लाम्फा, धर्मसास्तर दोअ्खे कि परमेस्वर इन्सिका द्‍याङगेलाइहेङ साजाइ प्याङ।