रोमि 3:5 - Dhimal NT

⁵ कालाउ केलाइको दुस्ट कामहोइ परमेस्वरको धार्मिकताहेङ आझाइ रेम्फा तिङपाखे पानु, केलाइ हाइ दोअ्लि? हाइ परमेस्वर केलाइ दोफा चेरताङपालि कालाउ दन्ड पिलि गलत हि रो? या तेका द्‍याङको भाइपा धुइखा।

रोमि 3:5 Iomraidhean Croise

रोमि 12:19

ओइ काङको आनाउगेलाइ, ताइमि दोङ हेलाउ बुङ बदला माह्रुसु, भरु परमेस्वर दोङ वासेहेङ साजाइ प्याको। हाइपालिपानु धर्मसास्तरता लेखेका हि, “बदला ह्रुका काम काङको दोङ हि, का दोङ बदला ह्रुकाङका” प्रभु दोअ्खे।

रोमि 2:5

कालाउ नेलाइ ताइको ह्रदयहोइ थाङ पातेङ पाप पालि लाअ्तेङ परमेस्वर भारि घुरिलि माभोसुन्हा। ओदोङ भाअ्सिङ जेलाउ परमेस्वर द्‍याङगेलाइको न्याय पाङ, कालाउ वा ताइको चेरचुङ तिङपातेङ नेलाइहेङ आझाइ थाङका दन्ड प्याङ।

रोमि 3:19

केलाइ गिनाखे, कि जेदोङ व्यवस्था दोङ दोअ्खे, इङको व्यवस्थाकोङ आधिनता हिकालाइहेङ दोअ्खे, कालाउकि द्‍याङगेलाइ बाहाना मापाको कालाउ सुमिङता हिका गोताङ द्‍याङगेलाइ परमेस्वरको न्यायको आधिनता ह्याको।

रोमि 3:7

कालाउ हासु बुङ दोअ्लि द्वाङ, जेसापा काङको धाताइकाहोइ परमेस्वरको सत्येता कालाउ नुगामारि महिमा तिङपाखे पानु हेसा परमेस्वर कासेहेङ पापिको रुपता न्याय पाङ, कालाउ दन्ड प्याङ कालाउ वासेहेङ हेन्जा महिमा जेङखे?

रोमि 4:1

एन्सा पानु, केलाइ यहुदिगेलाइ केलाइको पुर्खा आब्राहामको बारेता हाइ दोअ्लि? वा हेसा धर्मि जेङहि?

रोमि 5:8

कालाउ परमेस्वर केलाइको भाअ्सिङ वाको प्रेम इदोइताङ तिङपाखे, कि केलाइ पापि हिलाउ दोङ ख्रिस्ट केलाइको भाअ्सिङ सिपिहि।

रोमि 6:1

एला केलाइ हाइ दोअ्लि? परमेस्वर ताइको आनुग्रहसो केलाइको पाप स्यामा पापिखे। कालाउ केलाइ एसापा दोअ्लि माएल कि आनुग्रह हेन्जा ह्याको दोअ्तेङ केलाइ पाप पातेङ ह्याइने।

रोमि 6:19

का केलाइको दिनाङको जिबनसो नेलाइहेङ रेम्फासो बुझिपालि दोअ्तेङ उधाहरन पितेङ दोअ्दोङखा, हाइपालिपानु जेसाङ नेलाइ एखेप ताइको जिउको आङगगेलाइहेङ आसुद्द कालाउ मारेम्का काम पालिको भाअ्सिङ सुम्पिसुन्हा, एला एन्साङ दोङ ताइको जिउको आङगगेलाइहेङ पबित्तरो कालाउ धार्मिक जिबन जियाइलिको भाअ्सिङ सुम्पिसु।

रोमि 7:7

केलाइ हाइ दोअ्लि कुनु? व्यवस्था दोङ पाप चुमाहि? मिधुलाउ बुङ माको! जेसापा व्यवस्था मान्थुनु का पाप हाइ वाला दोअ्तेङ थाहा मागिधाङका, हाइपालिपानु “नाअ् चिचा माजेङ” दोअ्तेङ व्यवस्था दोङ मादोअ्नु चिचा जेङलि माएल दोअ्तेङ थाहा मागिधाङका।

रोमि 8:31

इदोइ गोताङ काथागेलाइहेङ ध्यानता ताअ्तेङ केलाइ या निस्करसता पुगिलि द्वाङ, कि जेसापा परमेस्वर केलाइ दोफा हि पानु, हासु बुङ केलाइहेङ हारिपालि माद्वावा।

रोमि 9:30

का दोअ्लि खाङका काथा इदोइ दोङ हि, इङको गैर-यहुदिगेलाइ ताइमिहेङ परमेस्वरको आगाता धर्मि बानाइलि कोसिस मापाहि, कालाउ इम्बालाइकोङ खाङधुरिको कारनहोइ परमेस्वर इम्बालाइहेङ धर्मि बानाइहि।

1 कोरिन्थि 15:32

इता एफिसस सहरता काङको सतुरुगेलाइ झारभारिको गपुसगेलाइ भाइका हि जाइ कासेहेङ हान्ति पालि भोखे। का आझाइ हाइ पालि इसिका सहिलि जेसापा काङको इनाम इदोइ सुमिङता खिनिङ हि। जेसापा या सत्ये हि कि का आरोङ आम्तिम दिनाता सिन्चालाङका, या काथा रेम्कानुते का आनान्द पालि गोयाङ जेसाङ भनाइ हि, “केलाइ चानाहि कालाउ आम्न्हाहि, हाइपालिपानु जुम्निते केलाइ सियाङ।”

1 कोरिन्थि 9:8

या गोताङ काथागेलाइ का द्‍याङको बिचारहोइ खिनिङ दोअ्का माको, कालाउ मोसाको व्यवस्था बुङ इन्सिकाङ दोअ्खे।

2 कोरिन्थि 6:4

भरु इदोङ गोताङ काथागेलाइ केलाइ परमेस्वरको सत्ये सेवकगेलाइ हि दोअ्तेङ तिङपानाखे: सहनसिलता, कस्टता, आप्थारोता, आपत-बिपतता,

2 कोरिन्थि 7:11

खाङसु, इदोइ परमेस्वरको इच्छा आन्सारको दुखहोइ नेलाइता हिसिका-हिसिका बदलाब लोका हि: इसिका हाउसाहोइ पोङघातेङ उसुक्ता, कालाउ ताइमिहेङ निरदुसि बानाइलि इदोइ झोको बार्का इच्छा, आन्याय ह्रुता इसिका चेर, समस्या ह्रुता इसिका चङख, कासेहेङ भेतिलि इसिका बार्का इच्छा, सेवा प्रति इसिका हाउसा, कालाउ मारेम्का काम पाकालाइहेङ दन्ड पिलि। इसिका पातेङ नेलाइ इदोइ साबित पाका हिसुना कि गोताङ काथा रेम्फासो पालि हाइ दोङ कमि लाअ्का मान्थु सुन्हा।

गलाति 2:18

कालाउ जेसापा का मोसाको व्यवस्था पालि केम्तेङ परमेस्वर पाहासो धर्मि जेनाङका दोअ्तेङ सुइकार पाखा पानु का जातिङको पाप पाखा।

गलाति 3:15

खान्धुराइ ओनेगेलाइ, का दिनाङको जिबनसो एनोङ उधाहरन द्वाङका, जेलाउ न्हेमि द्‍याङगेलाइ मिलितेङ पाका हिदोइ बुङ काथाता छाप दागाइखे पानु, हासु बुङ इङकोता आधे ना ते थोपिलि दोखे ना ते घातिपालि दोखे।

प्रकास 15:3

इम्बालाइ ले लेतेङ हिघाहि जेसाङ परमेस्वरको सेवक मोसा हेन्जाङ लाम्फा लेका हिघाहि। इम्बालाइ येसुको बाखानाइको ले लेहि, जाइ थुमा भाइकाङ हि: “हे परमप्रभु परमेस्वर सरबुङसाइका, जेदोङ नाअ् पान्हा इङको माहान कालाउ आचाम्माका हि। नाअ् दोङ गोताङ राइजिको राजा हिना। नाङको गोताङ काम सहि कालाउ धार्मिक हि।”

प्रकास 18:20

नेलाइ झाराङ जाइ स्वर्गता हिसुखेना, परमेस्वरको गोताङ द्‍याङगेलाइ, छाल्न्हाका चात्यागेलाइ, कालाउ परमेस्वरको बक्तागेलाइ, नेलाइ बेबिलोन सहरता जेदोङ जेङहि इङको भाअ्सिङ झाराङ हेन्जा खुसि मानाइसु। हाइपालिपानु परमेस्वर बेबिलोन सहरहेङ साजाइ प्याङ जेदोङ दुस्ट काम नेलाइ दोफा पाहि।”