रोमि 2:8 - Dhimal NT

⁸ कालाउ स्वार्थि कालाउ सत्येको पालन माकेम्का कालाउ दुस्ट काम पाका ह्रुता चाहि परमेस्वरको क्रोड कालाउ चेरचुङता परियाङ।

रोमि 2:8 Iomraidhean Croise

रोमि 1:18

परमेस्वरको चेर स्वर्गसो उङको द्‍याङगेलाइता देखाल जेङका हि जाइ वाको बिरोधता दुस्ट कालाउ मारेम्का कामगेलाइ पाका हि। इम्बालाइ ताइको दुस्ट काम पाहासो द्‍याङगेलाइहेङ परमेस्वरको बारेता सत्ये गिलि रोकिका हि।

रोमि 10:16

कालाउ ओबालाइ झाराङ सुसमाचार खाङधुरि मापाखे, हाइपालिपानु यासाइया परमेस्वरको बक्ता दोअ्खे, “प्रभु, आधिमि द्‍याङगेलाइ खिनिङ केलाइको सन्देसहेङ खाङधुरि पाका हि।”

रोमि 15:18

हाइपालिपानु, बचन कालाउ कामहोइ गैर-यहुदिगेलाइ परमेस्वरको आग्या किका बानाइलि ख्रिस्ट काङकोसो जेदोङ पाका हि, ओदोङ काथाको बिसोइता खिनिङ का धुइलि आट पाङका।

रोमि 6:17

नेलाइ लाम्फा पापको बान्धाइति हिघासुखेना, कालाउ एला नेलाइ निङका सिक्स्या किलि केम्का जेङका हिसुना। कालाउ का वाको भाअ्सिङ परमेस्वरहेङ ह्रदयसोङ धन्यबाद पिखा।

रोमि 9:22

एन्साङ पातेङ परमेस्वरहेङ बुङ ताइमिङ दोङ बानाइका द्‍याङगेलाइ दोफा ताइको इच्छा आन्सार पालि खाबारा हि। परमेस्वर ताइको चेरचुङ तिङपालि कालाउ नासा पालि झाराङको बिरोधता ताइको सरबुङ देखाल पालि भोखे, कालाउ वा धर्य दोफा इम्बालाइहेङ सहि पिहि।

1 कोरिन्थि 11:16

कालाउ हासु बुङ इदोइ बिसोइता काङको दोफा गालाबाजि पालि भोखे पानु, केलाइको हिदोइ बुङ इसिका मुन्धुम मान्थु ना ते परमेस्वरको मन्डलिगेलाइको दोङ हि।

2 कोरिन्थि 12:20

हाइपालिपानु का लोलाउ काङको इच्छा पाका आन्सार नेलाइहेङ मानिनाङका वाला, कालाउ नेलाइ बुङ कासेहेङ ताइमि इच्छा पाका बोमजिम माभेतेस्वाना कि दोअ्का का थितेङ हिघा। सायद इन्ता फेसुका, मि तुपाका, चेरताङका, दिका, स्वार्थ, काथा भानाइका, बोमिको आखेका काथा दोअ्का, आदार मापाका कालाउ गोलमाल जेनाङ वाला।

गलाति 5:20

मुर्ति पुजा, जादु-तुना, दुस्मनि, दानाइसुका, मि तुपाका, चेरचुङ, ताइको खिनिङ भोलो सोचिका, खेङन्हाका, मारेम्का पालि जोम्का,

फिलिप्पि 1:17

कालाउ उङको इख पाका द्‍याङगेलाइ चाहि स्वार्थको कारन ख्रिस्टको बारेता प्राचार पाखे, हाइपालिपानु इम्बालाइ इता झ्याल्खानाता काङको कस्ट थोपिलि भोखे।

फिलिप्पि 2:3

स्वार्थ कालाउ घमन्डता हाइ दोङ मापासु, कालाउ मोनोइता एमिसो-भेनेङहेङ ताइमिहेङ खान्तेङ हेन्जा महत्व पुर्न थानेसु।

2 थेस्लोनिकि 1:8

परमेस्वरहेङ इन्कार पाकालाइहेङ कालाउ केलाइको प्रभु येसुको सुसमाचार माकिकालाइहेङ वा दोङ दन्ड प्यावा।

तितस 3:9

कालाउ आनाइ जालबाजिगेलाइ, पुर्खागेलाइको माओताका सुचि, बेकारको काथागेलाइ कालाउ मोसाको व्यवस्थाको बिसोइता चेरसुका काथागेलाइसो दुरे हिसु, हाइपालिपानु इङको ब्यर्थको काम मालागिका काथागेलाइ दोङ हि।

हिब्रु 10:27

भरु इम्बालाइ थिकाताङ परमेस्वरको न्यायको भाअ्सिङ ह्रुम्तेङ हिलि गोइखे कालाउ इम्बालाइ वाको सतुरु जेङका कारन दाल्दालाइका मेता भस्म जेनावा।

हिब्रु 11:8

खाङधुरि पाहासो आब्राहाम दोअ्का द्‍याङ परमेस्वर दोङ काइका बेला वाको आग्या केम्हि कालाउ हाने दोअ्का थामे भारि हानिहि, जेदोङ थामे परमेस्वर उत्तराधिकारको रुपता वासेहेङ न्हुसो पिधावा, कालाउ हिसो हानेलि थाहा मानिङसिङ वा ताइको सारभि लाअ्तेङ हानिहि।

हिब्रु 5:9

परमेस्वर येसुहेङ मल्किसेदेक प्राधान पुजारिको लाहारिपा साम्मान पिहि। कालाउ जेलाउ येसु पुराङ सिद्द जेङहि वाको आग्या किका झाराङको भाअ्सिङ वा आनान्तको मुक्तिको मुलि जेङहि।

याकुब 3:14

कालाउ जेसापा नेलाइको हृदयता हेन्जा आरिस कालाउ स्वार्थ हि पानु घमन्ड मापासु, कालाउ सत्येको बिरोधता माधाताइसु।

याकुब 3:16

हाइपालिपानु जेता आरिस कालाउ स्वार्थ हिखे, इन्ता चेरसुका-फेसुका कालाउ गोताङ खाल्को भ्रस्ट काम जेङका हिखे।

1पतरुस 3:1

बे गेलाइ, नेलाइ बुङ ताइको के को आधिनता हिसु, कालाउकि जेसापा इम्बालाइ मध्ये हासु बुङ परमेस्वरको बचनता खाङधुरि पालिसो इन्कार पाखे पानु, नेलाइको ब्यभारहोइ इम्बालाइहेङ हाइ दोङ मादोअ्सिङ बुङ खान्धुराइ बानाइलि इम्बालाइ ख्रिस्टता खाङधुरि पावा, जेलाउ इम्बालाइ नेलाइहेङ सुद्द कालाउ भक्ति ब्यभार तिनावा।

1पतरुस 4:17

हाइपालिपानु परमेस्वरको ताइकोङ जाहान दोफा न्याय सुरु जेङका सोमोइ लोलि दोका हि। जेसापा परमेस्वर लाम्फा केलाइ खाङधुरि पाकालाइको न्याय पाङ, कालाउ वाकोसो लोका सुसमाचार माकिकालाइहेङ हिसिका हि वाला इङको काथाको बारेता सोचेसु।

प्रकास 16:19

बेबिलोनको माहान सहर सुम टुक्राता खेङनाहि, कालाउ सुमिङ भरिको गोताङ सहरगेलाइ भाअ्पाहि। हाइपालिपानु परमेस्वर इङको बेबिलोनको द्‍याङगेलाइको साजाइको बिसोइता पाका प्रतिग्याहेङ पुरा पाहि। परमेस्वर बेबिलोनहेङ थाङका साजाइ प्याङ। परमेस्वर द्‍याङगेलाइहेङ ओसारापा हेन्जा खाका गोरा आम्पावा, जेदोङता चि मिसालाइका मान्थुवावा। इङको को मतलप परमेस्वर बिना मोनोइसो इम्बालाइ दोफा मारेम्फाङ चेर ताम्पावा।