रोमि 2:5 - Dhimal NT

⁵ कालाउ नेलाइ ताइको ह्रदयहोइ थाङ पातेङ पाप पालि लाअ्तेङ परमेस्वर भारि घुरिलि माभोसुन्हा। ओदोङ भाअ्सिङ जेलाउ परमेस्वर द्‍याङगेलाइको न्याय पाङ, कालाउ वा ताइको चेरचुङ तिङपातेङ नेलाइहेङ आझाइ थाङका दन्ड प्याङ।

रोमि 2:5 Iomraidhean Croise

रोमि 1:18

परमेस्वरको चेर स्वर्गसो उङको द्‍याङगेलाइता देखाल जेङका हि जाइ वाको बिरोधता दुस्ट कालाउ मारेम्का कामगेलाइ पाका हि। इम्बालाइ ताइको दुस्ट काम पाहासो द्‍याङगेलाइहेङ परमेस्वरको बारेता सत्ये गिलि रोकिका हि।

रोमि 11:25

खान्धुराइ ओनेगेलाइ, का नाअ् गैर-यहुदिगेलाइहेङ घमन्डि जेङका का माचाहिखा। ओदोङ भाअ्सिङ का इस्राएललिगेलाइहेङ हाइ जेङहि दोअ्का रहस्यको ब्याख्या पाङका, कालाउ इङको काथा नेलाइहेङ थाहा जेङहि पानु नेलाइ घमन्ड मापास्वाना। इदोइ रहस्य इसिका हि, गोताङ गैर-यहुदिगेलाइ ख्रिस्टता खाङधुरि मापाका धाउ इस्राएललिगेलाइको ह्रदय राङका जेनावा।

रोमि 9:22

एन्साङ पातेङ परमेस्वरहेङ बुङ ताइमिङ दोङ बानाइका द्‍याङगेलाइ दोफा ताइको इच्छा आन्सार पालि खाबारा हि। परमेस्वर ताइको चेरचुङ तिङपालि कालाउ नासा पालि झाराङको बिरोधता ताइको सरबुङ देखाल पालि भोखे, कालाउ वा धर्य दोफा इम्बालाइहेङ सहि पिहि।

2 कोरिन्थि 5:10

हाइपालिपानु केलाइ झाराङ ख्रिस्टको न्याय-आसनको आगाता जाअ्लि गोयाङ, एसापा केलाइ जिउता हिलाउ ताइमि पाका रेम्का-मारेम्का काम आन्सारको प्रतिफल निनाङ।

2 थेस्लोनिकि 1:5

कालाउ परमेस्वर इदोइ सान्ताइन्हाका को प्रयोग ताइको न्याय तिङपालि कालाउ नेलाइहेङ परमेस्वरको सासनको भाअ्सिङ योग्य बानाइलि प्रयोग पावा, जाइको भाअ्सिङ नेलाइ दुख भोगितेङ हिसुना।

हिब्रु 3:13

हाइपालिपानु नेलाइ जेलाउ बुङ धर्मसास्तरता एसा दोअ्का हिङसुखेना, “नानिको दिनासो”, नेलाइ एमिसो-भेनेङहेङ रेम्का तरिकासो ताइको जिबन जियाइलि हाउसाइ पासु। माकुनुते नेलाइ पापको छलिता परिस्वाना, कालाउ नेलाइको ह्रदय राङका जेनावा।

हिब्रु 3:15

जेसाङ धर्मसास्तरता इसिका लेखेका हि, “नानिङ नेलाइ परमेस्वरको गाला हिङस्वाना पानु, कालाउ नेलाइको पुर्खागेलाइ परमेस्वरको बिरोध पाका भाइपा वाको आग्या केम्लि इन्कार मापासु।”

हिब्रु 4:7

ओदोङ भाअ्सिङ परमेस्वर वाको माइसाका थामेता दुल्लिको भाअ्सिङ आरोङ भेनेङ बिसेस सोमोइ तोकिहि, कालाउ इङको सोमोइ चाहि “नानि” दोङ हि। हेन्जाङ बासार न्हुसो केलाइको पुर्खागेलाइ परमेस्वरको बिरोध पाहि, वा लाम्फाङ लेखेका काथा राजा दाउदहेङ दोअ्लि लागाइहि, “नानि नेलाइ परमेस्वरको गाला हिङसुन्हा पानु वाको आग्या किलि नेलाइ इन्कार मापासु।”

याकुब 5:3

नेलाइको सोना चान्दिता कासि लागिका हि, कालाउ इङकोङ कासि नेलाइको बिरोधता साक्सि जेनावा, कालाउ इङकोङ कासिहोइ नेलाइको जिउ मेहोइ भाइपा ओपावा। कालाउ नेलाइ न्हुसोको भाअ्सिङ धन सम्पति थुबाराइतेङ ताअ्का हिसुना।

२ पत्‍रुस 2:9

प्रभु इदोइ गोताङ कामगेलाइ पाकानाङ, या होइ इदोइ तिङपाखे कि वा धर्मि द्‍याङगेलाइहेङ ओबालाइको कस्टसो जोगाइलि कालाउ न्यायको दिना थेकापा दुस्ट द्‍याङगेलाइहेङ लागातार साजाइ पिलि गिखे।

२ पत्‍रुस 3:7

जेसाङ परमेस्वर प्रिथिबिहेङ सिरजिलि आग्या पाहि, एन्साङ दोङ वा आकास कालाउ प्रिथिबिहेङ मेता माओपा थेकापा इङकोहेङ हिलि आग्या पाका हिघाहि। वाको आग्या माकिका द्‍याङगेलाइहेङ वा न्याय कालाउ नासा पालिको भाअ्सिङ जोगाइतेङ ताअ्का हि।

यहुदा 1:6

नेलाइ उङको स्वर्गदुतगेलाइको बारेता बुङ सोचिलि गोइखे जाइ परमेस्वर इम्बालाइहेङ पिका खाबाराता सन्तुस्ति मान्थुघाखे, कालाउ स्वर्गता हिका थामेहेङ इम्बालाइ लाअ्हि। परमेस्वर इङको दुतगेलाइहेङ आनान्तको झिन्झिरिहोइ धेउतेङ कितिकितिकाता ताअ्का हि, जेता वा इम्बालाइहेङ इङको माहान दिनाको भाअसिङ ताअ्का हि, जेलाउ वा इम्बालाइहेङ आनान्त दन्ड प्याङ।

प्रकास 2:21

का वासेहेङ ताइको पाप पालि लाअ्तेङ परमेस्वर भारि घुरिसु दोअ्तेङ आबसर पिका हिघा, कालाउ वा इङको मारेम्का कामगेलाइ पालिसो रोकिलि इन्कार पाखे।

प्रकास 6:17

हाइपालिपानु, इङको थिलि गोइका दिना लोलि दोहोइ जेलाउ परमेस्वर कालाउ थुमा झाराङहेङ साजाइ प्याङ कालाउ हासु बुङ इङको दन्डसो बान्चिलि माद्वाङ।