रोमि 2:4 - Dhimal NT

⁴ परमेस्वरको क्रिपा नासेहेङ पाप पालिसो लाअ्पावा कालाउ परमेस्वर भारि घुरिपावा दोअ्का थाहा निङतेङ, हाइ नाअ् वाको दाया, सहनसिलता कालाउ धैर्यताहेङ तुच्छ थानिखेना?

रोमि 2:4 Iomraidhean Croise

रोमि 10:12

हाइपालिपानु यहुदि कालाउ गैर-यहुदिता हाइ दोङ फरक मान्थु। वा एनोङ दोङ प्रभु झाराङको प्रभु हि, कालाउ वासेहेङ साघाइलिको भाअ्सिङ काइका झाराङहेङ बान्चि पावा।

रोमि 11:22

ओदोङ भाअ्सिङ परमेस्वर दायालु कालाउ थाङका बुङ हि, ध्यानता ताअ्सु, कालाउ परमेस्वर खाङधुरि मापाकालाइको भाअ्सिङ थाङका हि। कालाउ नेलाइ वाको दायाता हितेङ हिसुना पानु, नेलाइहेङ परमेस्वर जेलाउ बुङ दाया तिङपावा, माकुनुते नेलाइ बुङ डालेङ कोनिङ पोन्हास्वाना।

रोमि 11:33

आहा! परमेस्वरको बैभब कालाउ बुद्दि कालाउ वाको ग्यान हेथे माहान हि! वाको निर्नयगेलाइ हासु बुङ बयान पालि मादोखे, कालाउ हासु बुङ परमेस्वरको दामागेलाइ बुझिलि मादोखे!

रोमि 3:25

परमेस्वर येसु ख्रिस्टहेङ वाको हितिसो पाप स्यामाको भाअ्सिङ बलिदान भाइपाङ पिगिल्हि, कालाउकि येसु ख्रिस्ट ह्रुता खाङधुरि पाकालाइको पाप स्यामा जेनाको, इदोइ काम परमेस्वर ताइको धार्मिकता तिङपालि पाहि, हाइपालिपानु परमेस्वर हानिका सोमोइता ताइको धर्यता तिङपातेङ द्‍याङगेलाइहेङ इम्बालाइको पापको दन्ड मापिहि।

रोमि 6:1

एला केलाइ हाइ दोअ्लि? परमेस्वर ताइको आनुग्रहसो केलाइको पाप स्यामा पापिखे। कालाउ केलाइ एसापा दोअ्लि माएल कि आनुग्रह हेन्जा ह्याको दोअ्तेङ केलाइ पाप पातेङ ह्याइने।

रोमि 6:15

हाइपालिपानु केलाइ व्यवस्थाको आधिनता मान्थुन्हाहि कालाउ परमेस्वरको आनुग्रहको आधिनता हिनाहि, ओदोङ भाअ्सिङ केलाइ पाप पालि माएल।

2 कोरिन्थि 8:2

जेलाउ इम्बालाइ हेन्जा कस्ट पाहासो जाचता परिहि, इम्बालाइ इस्तुङ आनान्द जेङहि कालाउ इम्बालाइ ओसारापाङ गरिब हिलाउ बुङ इम्बालाइ उद्दार-मनहोइ आरु खान्धुराइगेलाइहेङ साघाइलि दान पिहि।

एफिसि 1:18

का या बुङ प्रार्थाना पाखा कि, वा नेलाइको ह्रदय हेअ्प्याको, कि हिदोइ आसको भाअ्सिङ वा नेलाइहेङ काइका हि, कालाउ परमेस्वरको जनगेलाइ निङलि गोइका आसिस हेथे बारका कालाउ महिमामय हि दोअ्तेङ नेलाइ गिलि दोसु।

एफिसि 1:7

ख्रिस्ट केलाइको भाअ्सिङ ताइको हिति होपातेङ सिकानाङ केलाइको पाप स्यामा जेङका हि कालाउ केलाइ स्वतन्तरो जेङका हिनाहि। ओह, परमेस्वरको आनुग्रह हेथे माहान हि, जाइ वा केलाइहेङ प्रसस्त पिका हि।

एफिसि 2:4

कालाउ परमेस्वर ओसारापाङ दायालु हिका हि, कालाउ केलाइहेङ हेन्जा प्रेम पाखे।

एफिसि 2:7

परमेस्वर इसिका पाहि, कालाउकि लोका सोमोइता सुमिङको द्‍याङगेलाइ तिनाको कि वाको आनुग्रह हेथे माहान हि। इदोइ आनुग्रह वा केलाइको भाअ्सिङ पाका गोताङ काम पाहासो केलाइ येसु ख्रिस्ट दोफाको सम्बन्ध हिकालाइहेङ तिङपाका हि।

एफिसि 3:16

का प्रार्थाना पाङका कि परमेस्वर ताइको महिमाको आसिम मुलसो नेलाइहेङ ताइको आत्मासो सरबुङ प्याको कालाउकि नेलाइ आत्माता बल्लियाका जेङलि दोसु।

एफिसि 3:8

परमेस्वरको जनगेलाइ मध्येसो का झाराङ खान्तेङ तुच्स हिघा, परमेस्वर ताइको आनुग्रह पाहासो गैर-यहुदिगेलाइहेङ प्राचार पालि इदोइ माउका कासेहेङ पिहि, कि ख्रिस्टसो केलाइ निङका आसिस केलाइको सोच कालाउ बुझिका खान्तेङ बार्का हि।

फिलिप्पि 4:19

काङको परमेस्वर ताइको महिमाता वाको सम्पति आन्सार नेलाइको गोताङ खाचो येसु ख्रिस्टता पुरा पापियाङ।

कलस्सि 1:27

परमेस्वर ताइको द्‍याङगेलाइहेङ इदोइ सम्पति कालाउ महिमामय रहस्यको काथा बाताइलि निर्नय पाहि, जेदोङ वाको दोफा सुमिङको गोताङ द्‍याङगेलाइको भाअ्सिङ हि। कालाउ या रहस्य ख्रिस्ट ताइमिङ हि, वा नेलाइ दोफा हि। जाइ महिमाको भाअ्सिङ केलाइको एमि खिनिङ आस हि।

कलस्सि 2:2

का थाङका परिस्रोम पाखा हाइपालिपानु का इम्बालाइहेङ खाङधुरिता बल्लियाका बानाइलि भोखा, कालाउ इम्बालाइ ता-ताइमिको प्रेमहोइ इम्बालाइता एकता ता चुमावा। का चाहिखा कि इम्बालाइता पुर्न समझ ह्याको कालाउ परमेस्वरको रहस्यमय योजानाको पुरा जानकारि ह्याको, जाइ ख्रिस्ट ताइमिङ दोङ हि।

1तिमोथि 1:16

कालाउ येसु ख्रिस्ट कासेहेङ क्रिपा तिङपाहि, कि का पापिगेलाइ मध्येसो हेन्जा पापि हिलाउ बुङ स्यामा पितेङ तिङपाहि कि, वा ओसारापाङ सहनसिल हि। कालाउकि का न्हुसो वाको ह्रुता खाङधुरि पातेङ आनान्त जिबन निङकागेलाइको भाअ्सिङ का एनोङ उधाहरन जेङलि द्वाको।

1तिमोथि 6:17

इदोइ सुमिङको धनिगेलाइहेङ घमन्ड माजेङलि आदेस पिसु, कालाउ इम्बालाइ ताइको आसथाइ सम्पतिता भोरोसा माताताको, कालाउ केलाइको सुखको भाअ्सिङ गेनेगेल्पा पिका परमेस्वर ह्रुता इम्बालाइ आस पाको, कालाउकि केलाइ आनान्द पालि द्वाको

1पतरुस 3:20

इदोइ ते इङको आत्मागेलाइ हिघाहि, जाइ हेन्जाङ सोमोइ लाम्फा परमेस्वरको आग्या माकेम्हि। जेलाउ नुहा ताइको जाहाज बानाइदोङघाहि, कालाउ द्‍याङगेलाइ पक्स्य पात पाङ कि दोअ्तेङ परमेस्वर धर्य पातेङ ह्रुतेङ हिघाहि। कालाउ येए झनाहेङ खिनिङ थिलि गोइका बानेसो बान्चिपाहि।

२ पत्‍रुस 1:11

कालाउ दोफाङ परमेस्वर नेलाइहेङ येसु ख्रिस्ट हिका राइजिता भब्य स्‍वागत पाङ, जाइ केलाइको प्रभु कालाउ मुक्ति दाता हिका हि, वा इन्ता जेलाउलाउको भाअ्सिङ राजा जेङतेङ राइजि पाङ।

२ पत्‍रुस 3:15

इदोइ बारेता सोचिसु, केलाइको प्रभु धर्य हि, हाइपालिपानु वा नेलाइहेङ लोका न्यायसो बान्चिलि कालाउ खाअ्लि माउका पिदोङखे। केलाइको आनाउ खान्धुराइ ओने पावलहेङ बुङ परमेस्वरसो पिका बुद्दिहेङ प्रयोग पातेङ इदोइ काथा नेलाइहेङ एनोङ पात्ताराता लेखेका हिघाहि।

२ पत्‍रुस 3:3

झाराङ खान्तेङ महत्य पुर्न काथा या हि कि नेलाइ या बुझिलि गोइखे कि आम्तिम दिना खान्तेङ ठिक लाम्फाको दिनागेलाइता आधिमि द्‍याङगेलाइ देखाल जेनावा, जाइको जिबन ताइकोङ लान्सा पाहासो काबुता हिखे। इम्बालाइ ख्रिस्ट धुरितेङ लोका काथाहेङ खुजालाइतेङ उडाइपावा।

२ पत्‍रुस 3:9

आधिमि द्‍याङगेलाइ सोचिखे कि प्रभु ताइको धुरितेङ लोका प्रतिग्या पुरा लेद्रा पादोङखे। कालाउ प्रभु इङको तरिकाहोइ लेद्रा मापाखे। भरु वा नेलाइ दोफा धैर्य जेङतेङ हि। हाइपालिपानु वा हासुहेङ बुङ नासा पालि माचाहिखे। कालाउ झाराङ ताइको मनता बदिलिका कालाउ परमेस्वरता घुरितेङ लोका चाहिखे।

प्रकास 2:21

का वासेहेङ ताइको पाप पालि लाअ्तेङ परमेस्वर भारि घुरिसु दोअ्तेङ आबसर पिका हिघा, कालाउ वा इङको मारेम्का कामगेलाइ पालिसो रोकिलि इन्कार पाखे।

प्रकास 3:20

हिङसु, नाङको ह्रदय लिता दुल्लिको भाअ्सिङ, का साअ्को बाहार जाअ्तेङ हिका फिनु ढकढककाइतेङ हिका द्‍याङ भाइका हिघा। जेसापा नाअ् काङको गाला हिङना कालाउ काङको भाअ्सिङ ताइको ह्रदय हेअ्ना पानु, का लिता ल्वाङका कालाउ केलाइ दोफाङ सङगति पाङका।