रोमि 2:3 - Dhimal NT

³ नाअ् इन्सिका काम पाकालाइहेङ दुसिखेना, कालाउ नाअ् बुङ ओदोङ काम पाखेना पानु, हाइ परमेस्वरको न्यायसो खाताङका दोअ्तेङ नाअ् थानिखेना?

रोमि 2:3 Iomraidhean Croise

मत्‍ति 23:33

ओइ बिस हिका पुय्याँको जामालाइ भाइका! नेलाइ नरकको न्यायसो बान्चिलि मादोस्वाना।

मत्‍ति 26:53

नासेहेङ थाहा हि, का काङको भाअ्सिङ आबा दोफा साघाइलिको भाअ्सिङ सेउपानु वा स्वर्गदुतगेलाइको तेन्हे पल्तन खान्तेङ हेन्जा एनाङ दोङ मादिगिलप्यावा रो?

लुका 12:14

कालाउ येसु वासेहेङ दोअ्हि, का नेलाइको आबाको धन-सम्पति नाअ् न्हेमिको माझाता बाखाराइपिलि गोयाङ दोअ्तेङ हासु कासेहेङ नियुक्त पाहि?

लुका 22:58

एघुरिङता आरोङ भेनेङ बेजान वासेहेङ तिङतेङ दोअ्हि, नाअ् बुङ इम्बालाइ मध्येसो एमि। कालाउ पतरुस दोअ्हि, ओइ द्‍याङ, का माको।

लुका 22:60

कालाउ पतरुस दोअ्हि, ओइ द्‍याङ नाअ् हाइ दोअ्तेङ हिना, का मागिखा, कालाउ वा काथा दोअ्काताङ पालाउ धाङगाइ किया ओहि।

रोमि 1:32

इम्बालाइ परमेस्वरको धार्मिक बिधान गिखे, इन्सिकाङ द्‍याङगेलाइ सिलि गोयाङ दोअ्का परमेस्वरको नियम इम्बालाइ गिखे। कालाउ बुङ इम्बालाइ इन्सिका मारेम्का कामगेलाइ पातेङ हिखे, इङको झोको खिनिङ माको आझाइ उल्ताङ इन्सिका काम पाकालाइहेङ तोङपाखे।

रोमि 2:1

ओदोङ भाअ्सिङ नाअ् सोचिखेना इन्सिका द्‍याङहेङ दुसिलि द्वाना, कालाउ नाअ् हाइ दोङ बाहाना पालि माद्वाना, हाइपालिपानु नाअ् जेदोङ काथाता बो गेलाइहेङ दुसिखेना इङकोता नाअ् बुङ दुसिका जेनाना। हाइपालिपानु जेदोङ कामको दुसि नाअ् बो गेलाइहेङ लागाइखेना, ओदोङ काम नाअ् बुङ पाखेना।

रोमि 2:2

जाइ-जाइ इसिका मारेम्का कामगेलाइ पाखे, ओबालाइहेङ परमेस्वर ठिकसो न्याय पाङ दोअ्का केलाइ गिनाखे।

रोमि 9:20

कालाउ नाअ् द्‍याङ जेङतेङ परमेस्वर दोफा नुइ-नुइ लागेका नाअ् हासु? हाइ भोनोइको भान्डा ताइमिहेङ बानाइकाहेङ कासेहेङ हाइ पालि इसिका बानाइन्हा दोअ्खे रो?”

1 थेस्लोनिकि 5:3

जेलाउ द्‍याङगेलाइ दोअ्तावा, केलाइहेङ सान्ति कालाउ सुरसित हि। ओदोङ बेला एक्कासि बार्का आपति ल्वाङ, या एक्कासि गान्धितेका बेबालहेङ तुनिङचाका भाइका जेनावा कालाउ इम्बालाइ इदोइ बार्का आपतिसो खाअ्लि मौका बुङ मानिनावा।

हिब्रु 12:25

चङख हिसु, जाइ नुइ धुइदोङखे वाको दोअ्का काथा हिङलिसो मानाइ मापासु, हाइपालिपानु जेसापा प्रिथिबिता चेताउनि पिका मोसाहेङ इन्कार पाका इस्राएल सारभिको द्‍याङगेलाइ परमेस्वरको दन्डसो माबान्चिहि पानु, कालाउ स्वर्गसो चेताउनि पिका परमेस्वरको दोअ्का काथा हिङलि माकिहि पानु केलाइ जातिङ भारि इङको दन्डसो बान्चिलि माद्वाङ।

हिब्रु 2:3

ओदोङ भाअ्सिङ पाक्का दोङ केलाइ बुङ साजाइ निनाङ, जेसापा इङको माहान मुक्तिहेङ वास्ता मापान्हाहि पानु। प्रभु येसु दोङ ताइमिङ लाम्फा इदोइ मुक्तिको बारेता केलाइहेङ दोअ्हि, कालाउ प्रभुहेङ हिङका चात्यागेलाइ इदोइ सत्ये हि दोअ्तेङ केलाइहेङ प्रमानित पिहि।