रोमि 2:2 - Dhimal NT

² जाइ-जाइ इसिका मारेम्का कामगेलाइ पाखे, ओबालाइहेङ परमेस्वर ठिकसो न्याय पाङ दोअ्का केलाइ गिनाखे।

रोमि 2:2 Iomraidhean Croise

साल्न्हाका चात्या 17:31

हाइपालिपानु परमेस्वर सुमिङको सारा द्‍याङगेलाइहेङ ठिक दोफा न्याय पाका दिना तोकि पिका हि। याको भाअ्सिङ वा एमि द्‍याङहेङ चुनिका हि। जाइसो सुमिङको न्याय जेनाङ। वासेहेङ सिकासो सिन्हु पातेङ परमेस्वर गोताङ द्‍याङगेलाइहेङ इङको को प्रमान पिका हि।

रोमि 2:1

ओदोङ भाअ्सिङ नाअ् सोचिखेना इन्सिका द्‍याङहेङ दुसिलि द्वाना, कालाउ नाअ् हाइ दोङ बाहाना पालि माद्वाना, हाइपालिपानु नाअ् जेदोङ काथाता बो गेलाइहेङ दुसिखेना इङकोता नाअ् बुङ दुसिका जेनाना। हाइपालिपानु जेदोङ कामको दुसि नाअ् बो गेलाइहेङ लागाइखेना, ओदोङ काम नाअ् बुङ पाखेना।

रोमि 2:3

नाअ् इन्सिका काम पाकालाइहेङ दुसिखेना, कालाउ नाअ् बुङ ओदोङ काम पाखेना पानु, हाइ परमेस्वरको न्यायसो खाताङका दोअ्तेङ नाअ् थानिखेना?

रोमि 2:5

कालाउ नेलाइ ताइको ह्रदयहोइ थाङ पातेङ पाप पालि लाअ्तेङ परमेस्वर भारि घुरिलि माभोसुन्हा। ओदोङ भाअ्सिङ जेलाउ परमेस्वर द्‍याङगेलाइको न्याय पाङ, कालाउ वा ताइको चेरचुङ तिङपातेङ नेलाइहेङ आझाइ थाङका दन्ड प्याङ।

रोमि 9:14

एला केलाइ हाइ दोअ्लि कुनु? हाइ ताइमि साल्लि भोका द्‍याङहेङ छाल्तेङ परमेस्वर आन्याय पाखे? मिधुलाउ बुङ माको!

प्रकास 16:5

कालाउ इङको स्वर्गदुत जाइ दोफा गोताङ चि ह्रुता खाबारा हि, परमेस्वरसो इसिका दोअ्का हिङघा, “हे पबित्तरो परमेस्वर, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ, जेदोङ साजाइ नाअ् पिन्हा इङको सहि हि।

प्रकास 19:2

वाको बाखानाइ पासु! हाइपालिपानु वाको गोताङ न्याय सत्ये हि कालाउ ठिक हि। वा इङको बारका सहरहेङ साजाइ पिहि जाइ मिङ चलिका बेस्या भाइका हि। हाइपालिपानु वा सुमिङता हिका द्‍याङगेलाइहेङ पाप पालि उसकाइहि। परमेस्वर वासेहेङ घुरिपातेङ तिरिपिहि हाइपालिपानु वाको बान्धाइतिगेलाइहेङ सेअ्हि।”