रोमि 2:12 - Dhimal NT

¹² झाराङ जाइ-जाइ व्यवस्था मान्थुतेङ पाप पाका हि, इम्बालाइको न्याय परमेस्वर व्यवस्था माकोसिङ पाङ। कालाउ व्यवस्था जेङतेङ बुङ पाप पाकालाइको न्याय परमेस्वर व्यवस्था आन्सार दोङ पावा।

रोमि 2:12 Iomraidhean Croise

1 कोरिन्थि 9:21

एसा पासोङ गैर-यहुदिगेलाइको माझाता काम पालाउ इम्बालाइ ख्रिस्टता खाङधुरि पाको दोअ्तेङ का बुङ मोसाको व्यवस्था मान्थुका गैर-यहुदिगेलाइ भाइपा जेङघा। याको मतलब या माको कि, का हेलाउ बुङ परमेस्वरको व्यवस्था मामानिखा, हाइपालिपानु का ते ख्रिस्टको व्यवस्था जेलाउ बुङ मानिखा।

गलाति 3:10

कालाउ मोसाको व्यवस्थाता लेखेका हि, कि जाइ मोसाको व्यवस्थाको गोताङ नियमगेलाइ पालि माकेम्खे, परमेस्वरको साराप वाको ह्रुता हुनाङ। ओदोङ भाअ्सिङ व्यवस्था मानितेङ परमेस्वरको आगाता धर्मि जेङलि कोसिस पाका झाराङ ह्रुता स्राप परिका हि। हाइपालिपानु हासु बुङ इङको कानुनगेलाइ जेलाउ बुङ पुरा रितिहोइ केम्लि मादोखे।

रोमि 8:3

हाइपालिपानु केलाइको पापमय स्वभाबको कारनहोइ जेदोङ काम मोसाको व्यवस्था बुङ पालि मादोहि, इङको ताइमिङ परमेस्वर दोङ पाहि। वा ताइको चानहेङ केलाइकोङ पापमय जिउको स्वरुपता भाइकाङ केलाइको पापको भाअ्सिङ भोग भाइपाङ दिङगिल्हि। कालाउ एसापा परमेस्वर ताइको चानको जिउपाहासो पापको सरबुङ नासा पाहि।

रोमि 1:32

इम्बालाइ परमेस्वरको धार्मिक बिधान गिखे, इन्सिकाङ द्‍याङगेलाइ सिलि गोयाङ दोअ्का परमेस्वरको नियम इम्बालाइ गिखे। कालाउ बुङ इम्बालाइ इन्सिका मारेम्का कामगेलाइ पातेङ हिखे, इङको झोको खिनिङ माको आझाइ उल्ताङ इन्सिका काम पाकालाइहेङ तोङपाखे।

मत्‍ति 11:24

कालाउ का नेलाइहेङ दोअ्खा, न्यायको दिनाता इम्बालाइको बेथा सोदोम सहरको खान्तेङ सहिलि दोका जेनाङ।

याकुब 2:10

हाइपालिपानु जाइ गोताङ व्यवस्था मानिखे कालाउ एनोङ व्यवस्थाहेङ मामानिहि पानु, व्यवस्थाको गोताङ काथा वा किका मान्थुखे।

रोमि 4:15

हाइपालिपानु व्यवस्था गोताङ रुपहोइ माकेम्का द्‍याङगेलाइहेङ परमेस्वर दन्ड प्याङ, कालाउ जेता व्यवस्था मान्थु इन्ता आनाग्या कारि बुङ माजेनाङ।

मत्‍ति 11:22

कालाउ का नेलाइहेङ दोअ्खा, न्यायको दिनाता इम्बालाइको बेथा टुरोस कालाउ सिदोन सहरको खान्तेङ सहिलि दोका जेनाङ।

गलाति 3:22

कालाउ धर्मसास्तर तिङपाखे, कि केलाइ झाराङ पापि हिन्हाहि, कालाउकि परमेस्वर पि दोअ्का बाचा येसु ख्रिस्टता खाङधुरि पाकालाइ निनाको।

युहन्‍ना 19:11

येसु उतारा पिहि, नासेहेङ परमेस्वरसो खाबारा मापिकानु काङको ह्रुता नाङको हाइ दोङ खाबारा माजेङधाङ। ओदोङ भाअ्सिङ जाइ कासेहेङ नाङकोता सुम्पिका हि, झन हेन्जा पापको दुसिका हि।

साल्न्हाका चात्या 2:23

परमेस्वर ताइको निस्चित योजाना कालाउ लाम्फाको ग्यान आन्सार वासेहेङ रिम्तेङ नेलाइहेङ सुम्पिका हिघाहि। कालाउ नेलाइ वासेहेङ दुस्ट द्‍याङगेलाइको साघाइ ह्रुतेङ नेलाइ येसुहेङ क्रुस्टता तोइतेङ सेअ्सुन्हा।