रोमि 15:3 - Dhimal NT

³ हाइपालिपानु ख्रिस्ट बुङ ताइमिहेङ खुसि माअ्ताहि। जेसाङ धर्मसास्तरता लेखेका हि, “नासेहेङ आपामान पाकालाइ काङको बुङ आपामान पाका हि।”

रोमि 15:3 Iomraidhean Croise

मत्‍ति 10:25

ओदोङ भाअ्सिङ चात्या ताइको गुरु सामान जेङकाता सोन्तोस मानियाको, चाकारिया एन्साङ पातेङ गिह्रि सामान जेङलि निङकाता सोन्तोस मानियाको। जेसापा इम्बालाइ ग्रिहिहेङ साइतान दोअ्नु मारेम्का ब्यभार पावा, इम्बालाइ झन ताइको चाकारिया दोफा मारेम्का ब्यभार पावा।

मत्‍ति 26:39

कालाउ येसु ओबालाइसो आसा दुरे हानितेङ भोनोइता तिरु थोतेङ परमेस्वरता प्रार्थाना पाघाहि, हे काङको आबा, जेङलि दोनु कासेहेङ कस्टको इदोइ बात्ति आसा दुरे जेनाको। कालाउ बुङ इदोइ काङको मनहोइ पाका भाइका माको, नाङको मनहोइ जेनाको।

मत्‍ति 26:42

आरोङ न्हुसो येसु न्हे पल्ति हानिहि, कालाउ प्रार्थाना पालि तेङहि, हे काङको आबा, जेसापा का माआम्सा माजेङनु इदोइ कस्टको बात्ति नाअ् हिसिका पालि खाङखेना इन्सिकाङ हिलि पि।

मत्‍ति 27:44

कालाउ वाको दोफा क्रुसता तोइन्हाका उङको डाकागेलाइ बुङ वासेहेङ खुजालाइहि।

युहन्‍ना 15:10

जेसापा नेलाइ काङको आग्यागेलाइ केम्सुना पानु, नेलाइ का दोफा काङको प्रेमता हितेङ हिस्वाना, जेसाङ का काङको आबाको आग्यागेलाइ केम्का हिघा, कालाउ वाको दोफा प्रेमता ह्याङका।

युहन्‍ना 15:24

जेसापा आरु हासु बुङ मापाका सरबुङसाइका चिन्हा का ओबालाइको माझाता मापाकानु ओबालाइ पापको दुसिका माजेङधावा। कालाउ का दोङ पाका सरबुङसाइका चिन्हागेलाइ तिङतेङ बुङ ओबालाइ कासेहेङ कालाउ काङको आबा न्हेमिहेङ मन्दा माताखे।

युहन्‍ना 4:34

येसु इम्बालाइहेङ दोअ्हि, काङको चाका-आम्का चाहि कासेहेङ दिङगिल्का परमेस्वरको आग्या किलि दोङ कालाउ वाको काम पुरा पालि दोङ जेदोङ वा कासेहेङ पिका हि।

युहन्‍ना 5:30

का ताइमिङ हाइ दोङ पालि माद्वाङका। जाइ आबा परमेस्वर दोअ्खे ओदोङको आधारता का न्याय पाखा, कालाउ काङको न्याय सत्ये हिखे, हाइपालिपानु का ताइको इच्छाहोइ माको कालाउ कासेहेङ दिङगिल्काको इच्छा आन्सार काम पाखा।

युहन्‍ना 6:38

ताइको इच्छा पुरा पालि का स्वर्गसो लोका माको, कालाउ कासेहेङ दिङगिल्काको इच्छा पुरा पालिको भाअ्सिङ का लोका हिघा।

युहन्‍ना 8:29

कालाउ कासेहेङ दिङगिल्का का दोफा हि, वा दोङ कासेहेङ एकालाङ लाअ्धिका मान्थु, हाइपालिपानु का जेलाउ बुङ वासेहेङ खुसि बानाइका काम खिनिङ पाखा।”

2 कोरिन्थि 8:9

हाइपालिपानु केलाइको प्रभु येसु ख्रिस्टको आनुग्रह नेलाइहेङ थाहा हि, वा धनि हिघाहि, कालाउ बुङ नेलाइको भाअ्सिङ वा गरिब जेङपिहि। कालाउकि वाको गरिबसो नेलाइ धनि जेङलि दोसु।

फिलिप्पि 2:5

नेलाइता इसिका मन ह्याको जेदोङ ख्रिस्ट येसुता बुङ हिघाहि।

फिलिप्पि 2:8

कालाउ द्‍याङको रुपता जेङतेङ ताइमिहेङ मोनोइ बानाइहि, कालाउ परमेस्वरको आग्याकारिता, वा आपाराधि कोनिङ क्रुसता सिलि बुङ तियार जेङहि।