Biblia Todo Logo
Bìoball air-loidhne

- Sanasan -




रोमि 12:3 - Dhimal NT

3 परमेस्वर कासेहेङ पिका आनुग्रह पाहासो नेलाइ मध्ये झाराङहेङ का आग्राह पाखा, कि ताइमि जिसिका हिनाहि इङको खान्तेङ हेन्जा ताइमिहेङ मासम्झ्याको। कालाउ परमेस्वर झाराङहेङ पिका खाङधुरिको जोखेकाहोइ ताइमि जिसिका हि, इन्सिकाङ थानियाको।

Faic an caibideil Dèan lethbhreac




रोमि 12:3
47 Iomraidhean Croise  

फारिसि जाअ्तेङ मन मनता कालाउ एसापा प्रार्थाना पाहि, हे परमेस्वर, का नासेहेङ धन्यबाद प्याङका, का आरु द्‍याङगेलाइ भाइका धाताइका, आन्यायि, कासिबिरि, माकुनु इदोइ पोत ल्होपाका भाइका मान्थुघा।


हाइपालिपानु जाइहेङ परमेस्वर दिङगिल्हि, वा दोङ परमेस्वरको काथा धुइखे, हाइपालिपानु वासेहेङ परमेस्वर पबित्तरो आत्मा भरि पुर्न पिका हि।


कालाउ प्रभु येसु ख्रिस्टसो परमेस्वर कासेहेङ आनुग्रह पातेङ साल्न्हाका चात्याको काम पिहि, कालाउकि का ख्रिस्टको काम पालि द्वाको कालाउ गोताङ गैर-यहुदिगेलाइ येसु ख्रिस्टको मिङता खाङधुरि पाको कालाउ वाको आग्या किताको।


इङको सत्ये दोङ हि, इम्बालाइ खाङधुरि मापानाङ दालेङगेलाइ कोनिङ थुर्तेङ हानिहि, कालाउ नेलाइ चाहि इम्बालाइको थामेता खाङधुरि पासुन्हा कालाउ कलमि जिङसुन्हा। ओदोङ भाअ्सिङ नेलाइ इदोइ काथाता घमन्ड मापासु कालाउ थिसु।


खान्धुराइ ओनेगेलाइ, का नाअ् गैर-यहुदिगेलाइहेङ घमन्डि जेङका का माचाहिखा। ओदोङ भाअ्सिङ का इस्राएललिगेलाइहेङ हाइ जेङहि दोअ्का रहस्यको ब्याख्या पाङका, कालाउ इङको काथा नेलाइहेङ थाहा जेङहि पानु नेलाइ घमन्ड मापास्वाना। इदोइ रहस्य इसिका हि, गोताङ गैर-यहुदिगेलाइ ख्रिस्टता खाङधुरि मापाका धाउ इस्राएललिगेलाइको ह्रदय राङका जेनावा।


झाराङ दोफा सान्तिसो मिलितेङ हिसु, कालाउ आभिमानि माजेङसु, कालाउ मोनोइहोइ द्‍याङगेलाइ दोफा सङगत पाअ्सु, कालाउ ताइमिङ हेन्जा गिका माथेनेसु।


कालाउ का परमेस्वरको आनुग्रहहोइ छाल्न्हाका चात्या हिघा, कालाउ वाको आनुग्रह काङको जिबनता प्रभाबकारि हिघाहि। भरु का ते छाल्का चात्यागेलाइ खान्तेङ इस्तु परिस्रोम पाघा। कालाउ बुङ का माको, कालाउ परमेस्वरको आनुग्रहहोइ कासेहेङ साघाइहि।


परमेस्वर पिका बरदान आन्सार साअ् धाम्का सिपालु मिस्तिरि भाइपाङ का साअ्को जग योम्पाघा, कालाउ बोगेलाइ चाहि इङको ह्रुता साअ् धाम्काताङ हानिखे। इङको ह्रुता साअ् धाम्का गोताङ द्‍याङ हेसा धाम्लि गोइका हि दोअ्तेङ रेम्फा बिचार पाको।


का दोअ्तेङ हिका काथागेलाइको निचोड इदोइ दोङ हि कि, परमेस्वर झाराङहेङ जिसकाङ आवस्थाता काइका हिघाहि, इम्बालाइ उसकाङ आवस्थाता जिबन जियाइयाको। का गोताङ मन्डलिगेलाइता धिरपाका सिक्स्या इदोइ दोङ हि।


परमेस्वर पिका काम खान्तेङ बाहारको कामहेङ केलाइ गर्ब मापाङ। कालाउ नेलाइ दोफाको कामको भाअ्सिङ परमेस्वर केलाइहेङ तोकि पिका सिमा लिता खिनिङ ह्याङ।


एनोङ काथा का नेलाइको मन्डलिता मापाघा जेदोङ आरु मन्डलिता पाघा, इङको इदोइ हि कि का हेलाउ बुङ नेलाइको भाअ्सिङ आर्थिक रुपता ल्हिका माजेङघा, इन्सिका गोल्ति पाका हिघा पानु कासेहेङ स्यामा पासु।


कालाउ परमेस्वरको तिङपाका भारभुसाइका काथागेलाइको बारेता घमन्डहोइ का हेन्जाङ माफुल्याङका दोअ्तेङ कासेहेङ साताइलि कालाउ घमण्डसो रोकिलि साइतानको दुत हेन्जाङ आपथ्यारो समस्या माकुनु एनोङ चुइ काङको जिउता पिहि।


जेसापा हासु बुङ ताइमिङहेङ का हाइ दोङ हिघा दोअ्का सम्झिखे कालाउ बास्ताबता हाइ बुङ मान्थुखे पानु, वा ताइमिहेङ धोका पिखे।


निसित दोङ नेलाइ गिसुखेना, कि परमेस्वर कासेहेङ वाको आनुग्रहहोइ नेलाइहेङ सुसमाचार प्राचार पालि जिम्मा पिका हि।


जेलाउ नेलाइ काङको लेखेका इङको काथागेलाइ पढेसुना पानु ख्रिस्टको बारेता म्होनाका सत्ये काथा का बुझिका हिघा दोअ्तेङ नेलाइ गिलि दोस्वाना।


केलाइ झाराङ ख्रिस्टता खाङधुरि पाकालाइ वाकोङ जिउको आङगगेलाइ भाइका हिनाहि, जेसाङ एमि द्‍याङको जिउको गोताङ आङगगेलाइ जोर्नि पाहासो तेअ्का हिखे, कालाउ जेलाउ जिउको गोताङ आङग एनोङ दोङ बानाइका आङग ठिकसो काम पाखे। कालाउ जिउ बाराखे कालाउ बल्लियाका जेङखे। एन्सा पातेङ केलाइ झाराङ मिलितेङ ख्रिस्टको काम पानाखे, कालाउ केलाइ बल्लियाका कालाउ परिपक्क जेङन्हाखे कालाउ एमिसो भेनेङहेङ हेन्जा प्रेम पानाखे।


हाइपालिपानु परमेस्वर नेलाइकोता काम पादोङखे, जेदोङ कामहोइ वासेहेङ लेङचापाखे इङको काम पाका इच्छा कालाउ सरबुङ नेलाइहेङ वा दोङ पिखे।


ओदोङ भाअ्सिङ का थाङका परिस्रोम पाखा, इङको चाहि ख्रिस्टको पिका का लिता पाका बार्का सरबुङ आन्सार का पाखा।


नेलाइ खाङधुरि पाका खान्तेङ लाम्फा आत्माता सिका हिघासुन्हा, हाइपालिपानु नेलाइ ताइको आपाराध कालाउ ताइको पापमय स्वभाबसो स्वतन्तरो जेङका मान्थु घासुन्हा, कालाउ परमेस्वर केलाइको गोताङ आपाराध स्यामा पापिहि कालाउ ख्रिस्ट दोफाङ सिन्हु पाहि।


कालाउ केलाइको प्रभु कासेहेङ वाको आसिम आनुग्रह लागातार तिङपाहि। वा दोङ कासेहेङ वा ह्रुता खाङधुरि पाका बानाइहि, कालाउ आरुहेङ प्रेम पालि धिरपाहि, हाइपालिपानु का येसु ख्रिस्ट दोफा ए जेङतेङ हिघाखा।


कालाउ जेलाउ थेकापा इम्बालाइ ख्रिस्टता खाङधुरि पातेङ हिहे पानु, आरुहेङ बुङ प्रेम पावा, कालाउ सुद्द कालाउ मोनोइ तरिकासो ब्याभार पाहे पानु परमेस्वर बेबालाइहेङ जामालको जोलोम पिकासो बान्चि पावा।


एसाङ पातेङ का चाहिखा, कि खान्धुराइ बेबालाइ सोबाइका सुइकार योग्य कालाउ आदार योग्य लोखोन धाबा लागाइयाको। पुसुङहेङ हेन्जा साजाइतेङ, सोना, मोति कालाउ हेन्जा जाङका लोखोन धाबागेलाइ लागाइतेङ माको,


हाइपालिपानु परमेस्वरको आनुग्रहहोइ केलाइहेङ मारेम्का जिबन जियाइलिसो रोकिखे, कालाउ वाको आनुग्रहसो केलाइ ताइमिहेङ काबुता ताअ्तेङ इदोइ सुमिङता सहि कालाउ आसल जिबन जियाइलि द्वाङ। जेदोङ चाहि परमेस्वरहेङ मन परिखे।


कालाउ वाराङ द्‍याङगेलाइहेङ ताइमिहेङ काबुता ताअ्लि, आदारको योग्य, समझदारिता जियाइलि, खाङधुरिता पाक्का, प्रेम कालाउ धर्यता बल्लियाका जेङलि धिरपा।


कालाउकि इम्बालाइ एनोङ आसल उधाहरन जेङतेङ धानिगेलाइ हेसा ताइको के कालाउ जामाललाइहेङ मायारु पालि गोइखे दोअ्तेङ साल्हा पिलि द्वाको।


एन्साङ पातेङ धानागेलाइहेङ बुङ बुद्दिमानसो ब्यभार पाका आर्ति पि।


कालाउ वा झन हेन्जाङ आनुग्रह पिखे ओदोङ भाअ्सिङ पबित्तरो धर्मसास्तरता एसा लेखेका हि, “परमेस्वर घमन्डिगेलाइको बिरोध पाखे, कालाउ मोनोइगेलाइहेङ आनुग्रह पाखे।”


ओदोङ भाअ्सिङ, नेलाइ हाइ पादोङ सुखेना दोअ्का बारे रेम्फा सोचिसु कालाउ आत्माहेङ तहता ताअ्सु मुक्ति निङका आस पासु, जेदोङ आनुग्रहसो लोखे, जाइ नेलाइहेङ येसु ख्रिस्ट इदोइ सुमिङता धुरितेङ लोका दिनाता प्यावा।


उधारनको भाअ्सिङ, जेसापा नेलाइ दोफा प्राचार पाका बरदान हि पानु, नेलाइ परमेस्वरको बचन प्राचार पालि गोइखे। जेसापा नेलाइ दोफा आरु द्‍याङगेलाइहेङ साघाइका बरदान हि पानु, इङकोहेङ परमेस्वर नेलाइहेङ पिका तागतहोइ पासु। कालाउ येसु ख्रिस्ट पाहासो नेलाइहेङ परमेस्वर महिमाता चुमावा। गोताङ महिमा कालाउ सरबुङ जेलाउलाउ बुङ वाको दोङ हि! आमेन।


गोताङ काथाको आन्तय भेरपाङ लोका हि। ओदोङ भाअ्सिङ नेलाइ झालाफालापा सोचेसु कालाउ ताइमिहेङ काबुता ताअ्सु, कालाउकि नेलाइ प्रार्थाना पालि दोसु।


एन्साङ पातेङ धानागेलाइ, कालाउ वाराङ द्‍याङगेलाइको आधिनता हिसु। नेलाइ झाराङ मोमोइसोङ एमिसो भेनेङहेङ साघाइलि गोइखे। हाइपालिपानु धर्मसास्तरता लेखेका हि, “परमेस्वर घमन्डिगेलाइको बिरोध पाखे, कालाउ मोनोइगेलाइहेङ आनुग्रह पाखे।”


नेलाइ ताइमिहेङ काबुता ताअ्सु कालाउ जागितेङ हिसु, हाइपालिपानु नेलाइको सतुरु साइतान द्‍याङगेलाइहेङ नासा पालिको भाअ्सिङ द्‍यापाहाङ घुराइगिल्तेङ हि। वा गुन्जिरका खुवाँ भाइका हासुहेङ बुङ दुसुतेङ चाङका दोअ्तेङ दाउता घुराइगिल्तेङ हिगिल्तेङ हि।


का लाम्फाङ नाङको मन्डलिको खान्धुराइगेलाइहेङ एनोङ पात्तारा लेखेका हिघाखा, कालाउ दियोतिरिफस काङको सुझाब ग्रहन पालि माकिका हि, हाइपालिपानु वा ताइमिङ जेलाउ बुङ मन्डलिको आगुवा जेङलि भोखे।


Lean sinn:

Sanasan


Sanasan