रोमि 11:2 - Dhimal NT

² परमेस्वर लाम्फासोङ चुनिका ताइको द्‍याङगेलाइहेङ लाअ्का मान्थु। नेलाइ गिसुखेना, कि धर्मसास्तरता परमेस्वरको बक्ता एलियाको बिसोइता हाइ लेखेका हि, एलिया दोङ परमेस्वर दोफा इस्राएलको द्‍याङगेलाइको बिसोइता दुसिहि।

रोमि 11:2 Iomraidhean Croise

मर्कुस 12:26

सिकालाइसो सिन्हुकाको बारेता आरोङ दोअ्नुते मोसाको कितापता दोअ्का काथा हाइ नेलाइ पढेका मान्थु सुन्हा? इदोइ काथाता दाल-दालाइतेङ हिका झुन्झिता हाइ जेङहि, परमेस्वर वाको दोअ्का काथा पातेङ दोअ्हि, का परमेस्वर दोङ जाइको आराधाना आब्राहाम, इसाहाक कालाउ याकुब पाखे।

लुका 4:1

येसु यर्दन झोरासो घुरिहि वा पबित्तरो आत्मासो पोङघातेङ हिघाहि, वासेहेङ चाका-मान्दा थामे भारि चुम्पुहि।

युहन्‍ना 4:11

उङको बेबाल वासेहेङ दोअ्हि, “नेउ, नाङको दोफा इका दोल बुङ मान्थु, कालाउ चुवा बुङ हेन्जाङ चिल्वाङवाङका हि। कालाउ नाअ् हितासो इङको जिबन पिका चि चुमाना?

साल्न्हाका चात्या 13:48

जेलाउ गैर-यहुदिगेलाइ इन्सिका दोअ्का काथा हिङहि, इम्बालाइ लेङचाहि, कालाउ परमेस्वरको बचनको बाखिन पाहि। कालाउ आनान्त जिबनको भाअ्सिङ चुनिकालाइ येसु ख्रिस्ट ह्रुता खाङधुरि पाहि।

साल्न्हाका चात्या 15:18

इदोइ काथागेलाइ प्रभु लाम्फासोङ गिका हिघाहि, जेलाउसो सुमिङ सिरजाइन्हाहि।

साल्न्हाका चात्या 3:17

ओइ एला काङको खान्धुराइ ओनेगेलाइ, कासेहेङ थाहा हि, कि नेलाइ कालाउ नेलाइको आगुवागेलाइ येसुहेङ सेअ्हि हाइपालिपानु वा ख्रिस्ट हि दोअ्का नेलाइहेङ थाहा मान्थुघाखे।

साल्न्हाका चात्या 7:40

इम्बालाइ मोसाको दादा हारुनहेङ एसा दोअ्हि, “केलाइहेङ मिस्रो सारभिता घुरितेङ हानिका आधे देउतागेलाइ केलाइको भाअ्सिङ बानाइपि। हाइपालिपानु केलाइहेङ मिस्रो सारभिसो ओल्ला पातेङ चुमाका मोसाहेङ हाइ जेङहि माजेङहि केलाइहेङ थाहा मान्थु।

रोमि 6:16

नेलाइ गिसुखेना कि, जेलाउ नाअ् ताइमिहेङ हासुको बुङ बान्धाइति जेङलि प्याना, कालाउ इङको द्‍याङ नाङको ग्रिहि जेङखे कालाउ वाको दोअ्का काथा नाअ् दोङ पालि गोयाना। कालाउ नाअ् पापको बुङ बान्धाइति जेङलि द्वाना जाइ नासेहेङ सिका भारि चुम्पुखे माकुनु नाअ् परमेस्वरको आग्या केम्लि बुङ दोसु, जाइ नासेहेङ धार्मिक जिबन भारि चुम्पुवावा।

रोमि 9:23

परमेस्वर एसा पाहि, हाइपालिपानु वा ताइमिङ छाल्का द्‍याङगेलाइहेङ दाया पातेङ ताइको गेनेगेल्का महिमा इम्बालाइ दोफा बाखाराइलि भोघाखे।

रोमि 9:6

कालाउ परमेस्वर ताइको बचन पुरा पालि आसफल जेङका मान्थु। हाइपालिपानु इस्राएलको हारागुटियासो जोलोम जेङका झाराङ बास्ताबता परमेस्वरको द्‍याङ माको।

1 कोरिन्थि 6:2

नेलाइहेङ थाहा दोङ हि कि भबिस्यता परमेस्वरको जनगेलाइ दोङ इदोइ सुमिङको द्‍याङगेलाइको न्याय पावा। ओदोङ भाअ्सिङ इसिका म्हुइका फेसुका मिलि पालि ते नेलाइ ताइमिङ दोस्वाना।

1 कोरिन्थि 8:3

कालाउ हासु बुङ परमेस्वरहेङ प्रेम पाखा दोअ्खे पानु, उङको द्‍याङहेङ परमेस्वर नाल्खे।

फिलिप्पि 1:22

जेसापा का जिउता दोङ बान्चिलि गोइनु बुङ का ख्रिस्टको भाअ्सिङ काम लागिका जेनाङका। कालाउ बुङ का सिलि माकुनु बान्चिलि हिदोइ चाहि छाल्लि गोइका हि, इङको का दोअ्लि माद्वाङका।

हिब्रु 1:1

प्राचिन सोमोइसोङ केलाइको पुर्खागेलाइ दोफा परमेस्वर ताइको बक्तागेलाइ पाहासो हेन्जाङखे भेनेङ-भेनेङ तरिकाहोइ परमेस्वर नुइ धुइहि।

1पतरुस 1:2

आबा परमेस्वर लाम्फाङ नेलाइहेङ वाको द्‍याङ जेङलि कालाउ पबित्तरो आत्माको काम पाहासो नेलाइहेङ पबित्तरो बानाइलि चुनिलि निर्नय पाका हिघाहि। वा इसिका पाहि कालाउकि नेलाइ येसु ख्रिस्टको आग्या केम्सु कालाउ वाको हिति पाहासो सुद्द जेङलि दोसु। का प्रार्थाना पाखा कि परमेस्वर नेलाइहेङ नुगामारि थेकापा आनुग्रह कालाउ सान्ति प्याको।