रोमि 11:1 - Dhimal NT

¹ ओदोङ भाअ्सिङ का हिअ्दोङखा, “हाइ परमेस्वर ताइको द्‍याङगेलाइहेङ बाथालाइगिल्हि कुनु?” मिधुलाउ बुङ माको! हाइपालिपानु का बुङ आब्राहामको हारागुटियासो जोलोम जेङका बेन्यामिन कुलको एमि इस्राएललि दोङ हिघा।

रोमि 11:1 Iomraidhean Croise

लुका 20:16

वा ताइमिङ लोतेङ उङको दुस्ट मोहिगेलाइहेङ पाक्का दोङ सेअ्तावा कालाउ ताइको आङगुरको बारि भेनेङगेलाइहेङ कामाइलि प्यावा। कालाउ न्हुसो द्‍याङगेलाइ इसिका हिङतेङ दोअ्हि, परमेस्वर इसिका मापा।”

साल्न्हाका चात्या 22:3

“का किलिकिया सहरको टार्सस सहरता जोलोमका एमि यहुदि हिघा, कालाउ का इदोङ यरुसेलेम सहरता गमलिएलको आधिनता बाराघा। कालाउ केलाइको पुर्खाको व्यवस्थाको सिक्स्या का रेम्फा निङका हिघा। का परमेस्वरता मेनाङ हाउसाइका हिघाखा जेसाङ नेलाइ एला हिसुना।”

साल्न्हाका चात्या 26:4

ताइको द्‍याङगेलाइको माझाता कालाउ यरुसेलेम सहरता जामालसोङ काङको जिबन सैलि यहुदिगेलाइहेङ थाहा हि।

रोमि 11:11

का आरोङ हिअ्दोङखा, “हाइ यहुदिगेलाइ थुनिङचातेङ जेलाउको भाअ्सिङ थोबिन्हाका कुनु?” मिधुलाउ बुङ माको! कालाउ यहुदिगेलाइ खाङधुरि मापाकानाङ गैर-यहुदिगेलाइ मुक्ति निङका हि। कालाउकि इस्राएललिगेलाइ बुङ या तिङतेङ डाहा पाको।

रोमि 3:4

मिधुलाउ बुङ माको, परमेस्वर जेलाउ बुङ सत्ये धुइखे कालाउ गोताङ द्‍याङगेलाइ धाताइखे। जेसाङ धर्मसास्तरता परमेस्वरको बारेता लेखेका हि, “नाअ् ताइको बचनता ठिक जेङपि, कालाउ न्याय जेङलाउ नाअ् जितिपि।”

रोमि 9:3

का ते काङको यहुदि दादा-ओनेगेलाइ कालाउ बाइ-ओनेगेलाइको भाअ्सिङ जाइ काङको ताइकोङ जातिगेलाइ दोङ हि, इम्बालाइको भाअ्सिङ ताइमिङ परमेस्वरसो साराप निङतेङ ख्रिस्टसो खेङन्हालि गोइलाउ बुङ का याको भाअ्सिङ तियार हिघाखा।

2 कोरिन्थि 11:22

हाइ इम्बालाइ हिब्रुगेलाइ दोङ हि, का बुङ हिब्रु दोङ हिघा, इम्बालाइ इस्राएललिगेलाइ दोङ हि, का बुङ हिघा, हाइ इम्बालाइ आब्राहामको सान्तानगेलाइ दोङ हि? का बुङ हिघा।

फिलिप्पि 3:5

जेलाउ का येए दिनाता हिघाखा परमेस्वरको आग्या पिका आन्सार काङको खाताना जेङहि। जोलोम सोङ का एमि इस्राएललि दोङ, कालाउ बेन्यामिन वङसको दोङ हिघा। काङको पुर्खागेलाइ झाराङ हिब्रु दोङ हि ओदोङ भाअ्सिङ का बुङ एमि हिब्रु हिघा। कालाउ व्यवस्था केम्नाङ का बुङ फारिसि दोङ हिघाखा।