रोमि 10:3 - Dhimal NT

³ हाइपालिपानु परमेस्वरसो लोका धार्मिकताको बिसोइता मागितेङ इम्बालाइ ताइकोङ तरिकाहोइ धर्मि जेङलि भोलाउ इम्बालाइ परमेस्वर पाहासो धार्मिक जेङका काथाहेङ सुइकार मापाहि।

रोमि 10:3 Iomraidhean Croise

लुका 10:29

उङको द्‍याङ ताइमिहेङ ठिक तिङपालि येसुहेङ दोअ्हि, कुनु उङको देरागेलाइ हासु जाइहेङ का प्रेम पालि गोइखे?

लुका 16:15

येसु फारिसिगेलाइहेङ दोअ्हि, नेलाइ द्‍याङगेलाइको आगाता भालादमिको धर्मि तिङपालि खाङसुखेना। नेलाइको ह्रदयता हाइ हि परमेस्वर गिखे जेदोङ काथा द्‍याङको भाअ्सिङ महत्व पुर्न हि, कालाउ परमेस्वरको भाअ्सिङ एकदम सिकाका जेनावा।

रोमि 1:17

हाइपालिपानु सुसमाचारहोइ द्‍याङगेलाइहेङ परमेस्वर ताइको आगाता ठिक हि दोअ्का तिङपाखे, कालाउ परमेस्वर दोफा ठिक थोहोराइका काथा खाङधुरिसो सुरु जेङखे कालाउ खाङधुरिसो दोङ पुरा जेङखे। जिसिका धर्मसास्तरता बुङ लेखेका हि, “जाइ खाङधुरिसो परमेस्वर दोफा ठिक थोहोरिखे, ओदोङ द्‍याङ दोङ जिबन निनाङ।”

रोमि 10:2

का या साक्सि प्याङका, कि परमेस्वरको भाअ्सिङ इम्बालाइको जोसते हि, कालाउ इम्बालाइ हेसा ठिक तरिकासो परमेस्वरको सेवा पालि गोइका बिसोइता थाहा मान्थु।

रोमि 10:20

कालाउ यासाइया परमेस्वरको बक्ता साहासहोइ परमेस्वरको दोअ्का काथा एसापा दोअ्खे, “कासेहेङ माभोकालाइ चाहि कासेहेङ निङका हि, जाइ कासेहेङ माभोहि इम्बालाइको माझाता का ताइमिङ तिङचालाघा।”

रोमि 11:7

ओदोङ भाअ्सिङ या एसापा जेङहि: इस्राएलको द्‍याङगेलाइ परमेस्वरको आगाता धर्मि जेङलि कोसिस पाहि कालाउ इम्बालाइ सफल जेङलि मादोहि, कालाउ परमेस्वर ताइमि साल्का द्‍याङगेलाइहेङ धर्मि बानाइहि। कालाउ बाकि हिका द्‍याङगेलाइको ह्रदय परमेस्वर थाङका बानाइ पिहि कालाउ इम्बालाइ परमेस्वरको काथा हिङलि माकिहि।

रोमि 3:22

एसापा परमेस्वर ताइको आगाता येसु ख्रिस्टता खाङधुरि पाका झाराङहेङ धर्मि बानाइका हि, हाइपालिपानु परमेस्वर झाराङ दोफा सामान ब्यभार पाखे।

रोमि 3:26

परमेस्वर ताइमिङ बर्तमान सोमोइता धर्मि तिङपालि, जेलाउ वा येसुता खाङधुरि ताअ्कालाइहेङ धर्मि बानाइखे।

रोमि 5:19

हाइपालिपानु जेसाङ एमि खिनिङ द्‍याङको आनाग्याकारिताहोइ हेन्जाङ झानाहेङ पापि बानाइहि, एन्साङ पातेङ एमि द्‍याङको खिनिङ आग्याकारितासो हेन्जा झानाहेङ धर्मि बानाइयावा।

2 कोरिन्थि 5:21

ख्रिस्टता पाप दोङ मान्थुघाहि, कालाउ परमेस्वर वासेहेङ पापि भाइपा ब्यभार पाहि, कालाउ बुङ केलाइ वाको नजरता धर्मि जेङलि द्वाको दोअ्तेङ ख्रिस्ट दोङ केलाइको पापको भाअ्सिङ दन्ड ह्रुपिहि।

फिलिप्पि 3:9

कालाउकि का ख्रिस्ट दोफा ए जेङलि द्वाको, कालाउ काङको धार्मिकता व्यवस्था केम्लि पाका आधारता माको, कालाउ काङको धार्मिकता परमेस्वरसो पिका धार्मिकताको आदार दोङ हि, जाइ का ख्रिस्टता खाङधुरि पानाङ खिनिङ लोखे।

२ पत्‍रुस 1:1

का, सिमोन पतरुस नेलाइहेङ लेखेदोङखा, का येसु ख्रिस्टको सेवक कालाउ छाल्न्हाका चात्या हिघा। का नेलाइ झाराङहेङ लेखेदोङखा, जाइ केलाइ झाराङको ओदोङ झोको आनमोल खाङधुरि निङका हि, इदोइ खाङधुरि केलाइको परमेस्वर कालाउ मुक्ति दाता येसु ख्रिस्ट पाहासो केलाइहेङ पिका हि, जाइ केलाइहेङ परमेस्वर दोफा धर्मि बानाइखे।