रोमि 10:1 - Dhimal NT

¹ खान्धुराइ ओनेगेलाइ, काङको हृदयसोङ इच्छा हि, कि परमेस्वर काङको इस्राएललि द्‍याङगेलाइहेङ उद्दार प्याको, ओदोङ भाअ्सिङ का इम्बालाइ बान्चिलि निनाको दोअ्तेङ परमेस्वर दोफा प्रार्थाना पाखा।

रोमि 10:1 Iomraidhean Croise

लुका 13:34

ओइ यरुसेलेम, सहरको द्‍याङगेलाइ! नाअ् परमेस्वरको बक्तागेलाइहेङ सेअ्सुखेना, कालाउ परमेस्वरको दिङगिल्कालाइहेङ उन्ठुइहोइ तोअ्सुखेना। जेसाङ कियाको भुन्दि किचानगेलाइहेङ पोमावा का बुङ नाङको चान-चामिन्दिगेलाइहेङ बान्चिपालि खाङघा कालाउ नाअ् माकिन्हा।

युहन्‍ना 5:34

काङको भाअ्सिङ द्‍याङगेलाइको साक्सि हिलि गोयाङ दोअ्तेङ माको, कालाउ नेलाइको मुक्ति ज्याको दोअ्तेङ का युहान्‍ना दोङ पिका साक्सिको बारेता दोअ्का हिघा।

रोमि 10:2

का या साक्सि प्याङका, कि परमेस्वरको भाअ्सिङ इम्बालाइको जोसते हि, कालाउ इम्बालाइ हेसा ठिक तरिकासो परमेस्वरको सेवा पालि गोइका बिसोइता थाहा मान्थु।

रोमि 9:33

जेसाङ धर्मसास्तरता लेखेका हि, “खाङसु, का यरुसेलेमता एनोङ उन्ठुइ ताअ्ताङका, जेदोङता द्‍याङगेलाइ ठुनिन्चातेङ थोबिन्हावा, कालाउ एनोङ चट्टान जाइता इम्बालाइ लोनावा, कालाउ वाकोता भोरोसा ताअ्का हासु बुङ लेदेरलि मागोइयाङ।”