रोमि 1:8 - Dhimal NT

⁸ झाराङ खान्तेङ लाम्फा का काङको परमेस्वर येसु ख्रिस्ट पाहासो दोङ नेलाइ झाराङको भाअ्सिङ धन्यबाद पिखा, हाइपालिपानु नेलाइ येसु ख्रिस्टता खाङधुरि पाका काथा गोताङ थामेता द्‍याङगेलाइ काथा पातेङ हि।

रोमि 1:8 Iomraidhean Croise

मत्‍ति 24:14

सुमिङ भरि दोङ परमेस्वरको सासनको बारेता सुसमाचार हिम्पाङ, कालाउकि गोताङ सारभिको द्‍याङगेलाइ इङको सुसमाचार खाङधुरि पालि द्वाको। कालाउ सुमिङको आन्त जेनावा।

लुका 2:1

इङको दिनाता रोमि साम्रात आगसतस दोङ ताइको गोताङ रोमि राइजि भरि झाराङ द्‍याङगेलाइको जनगरना पालि हुकुम पिहि।

साल्न्हाका चात्या 11:28

ओबालाइ मध्येसो आगाबास मिङ हिका एमि परमेस्वरको बक्ता जाअ्तेङ सारा सुमिङ भरि दोङ बारका आनिकाल जेङलि तोम्का हि दोअ्तेङ पबित्तरो आत्मासो आगमबानि पाहि। इङको आनिकाल रोमि साम्रात क्लौदियसको सासनकालता जेङहि।

साल्न्हाका चात्या 28:22

कालाउ केलाइ नाङको बिचारगेलाइ हिङलि भोअ्नाखे। हाइपालिपानु केलाइहेङ थाहा हि कि इदोङ प्रभुको दामाको बिरोधता द्‍याङगेलाइ द्‍यापाहाङ मारेम्का खिनिङ दोअ्तेङ हि।”

रोमि 10:18

कालाउ का दोअ्खा कि, यहुदि द्‍याङगेलाइ पाक्का दोङ येसु ख्रिस्टको बिसोइता बचन हिङका हि। हाइपालिपानु इदोइ धर्मसास्तरता लेखेका हि, “इम्बालाइको बचन सारा प्रिथिबि भरि थुकाका हि, कालाउ इम्बालाइको दोअ्का काथा सुमिङको गोताङ थामेगेलाइता थुकाका हि।”

रोमि 16:19

नेलाइको आग्याकारिता झाराङ द्‍याङगेलाइ हिङका हि, कालाउ नेलाइको कारनहोइ का आनान्द पाखा। कालाउ का चाहिखा, कि नेलाइ जेदोङ आसल हि इङको को भाअ्सिङ बुद्दिमान जेङसु, कालाउ जेदोङ आखेका हि इन्तासो दुसिका माजेङसिङ हिसु।

रोमि 6:17

नेलाइ लाम्फा पापको बान्धाइति हिघासुखेना, कालाउ एला नेलाइ निङका सिक्स्या किलि केम्का जेङका हिसुना। कालाउ का वाको भाअ्सिङ परमेस्वरहेङ ह्रदयसोङ धन्यबाद पिखा।

1 कोरिन्थि 1:4

का परमेस्वरहेङ जेलाउ बुङ धन्यबाद प्याङका हाइपालिपानु वाको नुगामारि आनुग्रह पाहासो नेलाइहेङ हेन्जा आसिस पिहि। जेलाउसो नेलाइ येसु ख्रिस्टता खाङधुरि पासुन्हा।

2 कोरिन्थि 2:14

कालाउ परमेस्वरहेङ धन्यबाद ज्याको, हाइपालिपानु केलाइको ख्रिस्ट दोफाको सामान्दा, परमेस्वर जेलाउ बुङ केलाइहेङ ख्रिस्ट दोफाङ थोङखे कालाउ बिजोइ जेङखे, याको माने या हि कि, केलाइ हिसो बुङ हानिन्हाखे, केलाइ सुसमाचार प्राचार पानाखे कालाउकि झाराङ द्‍याङगेलाइ परमेस्वरको बारेता हिनाको कालाउ ग्याको।

एफिसि 1:15

इदोइ गोताङको कारन जेलाउ का नेलाइको प्रभु येसुता खाङधुरि कालाउ गोताङ परमेस्वरको जनगेलाइको भाअ्सिङ नेलाइको प्रेमको बिसोइता हिङखा,

एफिसि 1:16

का जेलाउ बुङ नेलाइको भाअ्सिङ परमेस्वरहेङ धन्यबाद पितेङ ह्याङका, कालाउ काङको प्रार्थानाता का नेलाइहेङ फोम पातेङ हिखा।

एफिसि 3:21

केलाइको येसु ख्रिस्ट दोफाको सम्बन्धको कारन मन्डलिता परमेस्वरहेङ पुस्तासो पुस्ताङ थेकापा जेलाउलाउ बुङ महिमा मिलियाको। आमेन।

एफिसि 5:20

केलाइको परमप्रभु येसु ख्रिस्ट पाका गोताङ कामको भाअ्सिङ जेलाउलाउ बुङ केलाइको आबा परमेस्वरहेङ धन्यबाद पिसु।

फिलिप्पि 1:11

कालाउ जेसाङ एनोङ सिङ फल पिखे, एन्साङ दोङ नेलाइ परमेस्वरको महिमा कालाउ बाखिनको भाअ्सिङ येसु ख्रिस्टता ठिक काम पातेङ हानेसु।

फिलिप्पि 1:3

का जेलाउ बुङ नेलाइको बारेता सोचिखा कालाउ परमेस्वरहेङ धन्यबाद पिखा।

कलस्सि 1:3

जेलाउ केलाइ नेलाइको भाअ्सिङ प्रार्थाना पानाखे, परमेस्वर जाइ केलाइको प्रभु येसु ख्रिस्टको आबा हि, वासेहेङ दिनाङ धन्यबाद पिनाखे।

1 थेस्लोनिकि 1:2

केलाइ प्रार्थाना पालाउ जेलाउ बुङ नेलाइ झाराङहेङ फोम पानाखे कालाउ नेलाइको भाअ्सिङ परमेस्वरहेङ धन्यबाद पिनाखे।

1 थेस्लोनिकि 2:13

ओदोङ भाअ्सिङ केलाइ बुङ परमेस्वरहेङ धन्यबाद पिनाखे, कि नेलाइ केलाइसो हिङका बचन जातिङकोङ परमेस्वरसो लोका बचन दोङ हि, इङको नेलाइ द्‍याङगेलाइसो लोका बचन भाइका माको, कालाउ परमेस्वरसो लोका बचन कोनिङ ग्रहन पासुन्हा, कालाउ इङको परमेस्वरको बचन एला नेलाइ ख्रिस्टता खाङधुरि पाकालाइता काम पातेङ हि।

2 थेस्लोनिकि 1:3

खान्धुराइ ओनेगेलाइ, नेलाइको भाअ्सिङ परमेस्वरहेङ जेलाउ बुङ धन्यबाद पिनाखे। एन्सा पालि केलाइहेङ ठिक हि, हाइपालिपानु नेलाइको खाङधुरि येसु ख्रिस्टता बाढेतेङ हानिका हि। कालाउ नेलाइको प्रेम बुङ एमिसो-भेनेङ दोफा झन बाढेतेङ हि।

2 तिमोथि 1:3

जेलाउ बुङ का परमेस्वर दोफा प्रार्थाना पाखा दिनाङ नासेहेङ फोम पाखा, का परमेस्वरहेङ धन्यबाद चढाइखा, जाइको सेवा काङको पुर्खागेलाइ पाका भाइपाङ का बुङ सुद्द बिबेकहोइ पाखा।

फिलेमोन 1:4

जेलाउ बुङ का नाङको भाअ्सिङ प्रार्थाना पाखा, का जेलाउ बुङ नाङको भाअ्सिङ परमेस्वरहेङ धन्यबाद पिखा।

हिब्रु 13:15

ओदोङ भाअ्सिङ परमेस्वरकोता येसु पाहासो लोसु, कालाउ केलाइ लागातार केलाइको परमेस्वरको मिङको महिमाको भाअ्सिङ घोसाना पाकाताङ बाखिनको भोग चढाइने। हाइपालिपानु इदोइ बाखानाइ केलाइको वाकोता खाङधुरि पालि सुइकारलि दोङ हि।

1पतरुस 4:11

उधारनको भाअ्सिङ, जेसापा नेलाइ दोफा प्राचार पाका बरदान हि पानु, नेलाइ परमेस्वरको बचन प्राचार पालि गोइखे। जेसापा नेलाइ दोफा आरु द्‍याङगेलाइहेङ साघाइका बरदान हि पानु, इङकोहेङ परमेस्वर नेलाइहेङ पिका तागतहोइ पासु। कालाउ येसु ख्रिस्ट पाहासो नेलाइहेङ परमेस्वर महिमाता चुमावा। गोताङ महिमा कालाउ सरबुङ जेलाउलाउ बुङ वाको दोङ हि! आमेन।