रोमि 1:4 - Dhimal NT

⁴ कालाउ येसु ख्रिस्ट पबित्तरो आत्माको सरबुङसो सिकालाइसो सिन्चाल्हि। कालाउ एसापा परमेस्वर झालाफालापा तिङपाहि कि येसु दोङ परमेस्वरको चान हि।

रोमि 1:4 Iomraidhean Croise

मत्‍ति 4:3

जेलाउ साइतान वाकोता लोतेङ दोअ्हि, नाअ् परमेस्वरको चान हिना पानु इदोइ उन्ठुइगेलाइहेङ तोले जेनाको दोअ्तेङ आग्या पितेङ प्रामानित पाअ्‌, कालाउ नाअ् इङको तोले चालि द्वाना।

साल्न्हाका चात्या 17:31

हाइपालिपानु परमेस्वर सुमिङको सारा द्‍याङगेलाइहेङ ठिक दोफा न्याय पाका दिना तोकि पिका हि। याको भाअ्सिङ वा एमि द्‍याङहेङ चुनिका हि। जाइसो सुमिङको न्याय जेनाङ। वासेहेङ सिकासो सिन्हु पातेङ परमेस्वर गोताङ द्‍याङगेलाइहेङ इङको को प्रमान पिका हि।

साल्न्हाका चात्या 2:24

जेलाउ येसु सिहि, वा हेन्जा दुख निङचाहि कालाउ परमेस्वर वासेहेङ आरोङ सिन्हु पाहि। परमेस्वरले वासेहेङ सितेङ हिलि मापिहि, हाइपालिपानु वा सिकाको आधिनता हिलि आसम्भब हिघाहि।

साल्न्हाका चात्या 2:32

इदोङ येसुहेङ परमेस्वर सिन्हु पाहि। इङको काथाको भाअ्सिङ केलाइ झाराङ साक्सि हिनाहि।

साल्न्हाका चात्या 3:15

कालाउ जाइ द्‍याङगेलाइहेङ आनान्त जिबन पिखे, नेलाइ वासेहेङ सेअ्सुन्हा वासेहेङ परमेस्वर दोङ सिकासो आरोङ सिन्हु पाहि, केलाइ या काथाको साक्सि हिनाहि।

रोमि 1:3

इदोइ सुसमाचार परमेस्वरको चान, केलाइको प्रभु येसु ख्रिस्टको बिसोइता हि। वा द्‍याङ जेङतेङ राजा दाउदको हारागुटियाता जोलोमहि।

2 कोरिन्थि 13:4

हाइपालिपानु कमजोरिता वा क्रुस्टा तोइन्हाहि, कालाउ परमेस्वरको सरबुङता वा आरोङ सिन्हु पाङ हि। एसा पासोङ केलाइ ख्रिस्ट कोमजोर जेङनाङ कोनिङ केलाइ बुङ कोमजोर हिनाहि, कालाउ नेलाइ दोफाको केलाइको ब्यभारता परमेस्वरको सरबुङ पाहासो केलाइ वाको दोफा सिन्हुतेङ ह्याङ।

हिब्रु 9:14

या सोचिसु कि सिका भारि चुम्पुका कामगेलाइसो ख्रिस्टको हितिहोइ केलाइको ह्रदयहेङ ते झन हेथे हेन्जा सुद्द बानाइलि दोखे, कालाउकि केलाइ सिन्हुका परमेस्वरको आराधाना पालि द्वाको, हाइपालिपानु आनान्त आत्माको सरबुङ पाहासो ताइमिहेङ केलाइको पापको भाअ्सिङ एमि सिद्द भोगको रुपता परमेस्वरहेङ चाढाइहि।

1पतरुस 1:11

ख्रिस्टको आत्मा परमेस्वरको बक्तागेलाइ ह्रुता हिघाहि कालाउ इम्बालाहेङ ख्रिस्टको कस्टगेलाइ कालाउ इङको दुखगेलाइ न्हुसो निङका महिमाको बारेता लाम्फाङ दोअ्का हिघाहि। जेदोङ इङको दुख कस्टगेलाइ न्हुसो ल्वाङ, दोअ्काताङ हिघाहि।

२ पत्‍रुस 1:21

हाइपालिपानु बक्तागेलाइ ताइमिङ हेलाउ बुङ हाइ दोङ माधुइहि, हाइपालिपानु आरु हासु बुङ नेलाइको नुइ धुइका चाहिघाखे। भरु पबित्तरो आत्मा नेलाइको बिचारहेङ काबुता ताअ्हि कालाउ इम्बालाइहेङ वा गोइका परमेस्वरको बचन धुइका बानाइहि।

प्रकास 1:18

का जिबनको मुल हिघा, का एखे सिघा। कालाउ एला का सिन्हुका हिघा कालाउ का जेलाउलाउको भाअ्सिङ सिन्हुतेङ ह्याङका, कालाउ का दोफा सिका ह्रुता खाबारा हि, कालाउ पाताल ह्रुता बुङ जेता सिका द्‍याङगेलाइ हिखे।

प्रकास 19:10

जेलाउ का इदोइ हिङघा, काङको दोफा काथा पातेङ हिघाहि का वाको आगाता तुघुरघा, हाइपालिपानु का वाको आराधाना पालि हानिदोङघाखा। कालाउ वा कासेहेङ दोअ्हि, “काङको आराधाना मापासु। नाअ् सिरिप परमेस्वरको आराधाना पालि गोइखे। हाइपालिपानु, का बुङ नाङको कालाउ नाङको दोफा खान्धुराइ पाका सेवक हिघा। नेलाइ झाराङ भाइपा का बुङ इदोइ वा हृुता सुइकार पाका हिघा कि येसु दोङ प्रभु हि। हाइपालिपानु इङको पबित्तरो आत्मा दोङ हि जाइ परमेस्वरको द्‍याङगेलाइ येसुहेङ देखाल पाका सत्ये काथाको घोसाना पालिको भाअ्सिङ साघाइखे।”