रोमि 1:10 - Dhimal NT

¹⁰ कालाउ परमेस्वरको इच्छा आन्सार एला नेलाइहेङ भेतिलि द्वाको दोअ्तेङ का परमेस्वर दोफा प्रार्थाना पाखा।

रोमि 1:10 Iomraidhean Croise

साल्न्हाका चात्या 18:21

पावल एसा दोअ्तेङ इम्बालाइ दोफा बिदा जेङहि, “जेसापा परमेस्वरको इच्छा जेङनु का नेलाइकोता आरोङ ल्वाङका।” कालाउ वा एफिसस सहरसो समुन्द्रको दामा पाहासो हानिहि।

साल्न्हाका चात्या 19:21

कालाउ न्हुसो पावल म्यासिडोनिया प्रदेस कालाउ आखैया प्रदेसको खान्धुराइगेलाइहेङ भेतितेङ यरुसेलेम सहर हानिका योजाना बानाइहि। पावल दोअ्हि, “यरुसेलेम थुकातेङ का रोम सहर बुङ हानिलि गोयाङ।”

साल्न्हाका चात्या 21:14

पावलहेङ रोकिलि मादोअ्नाङ “प्रभुको इच्छा पुरा जेनाको” दोअ्तेङ केलाइ सिकापा हिनाहि।

रोमि 15:29

कालाउ का गिखा कि, जेलाउ का नेलाइकोता ल्वाङका, ख्रिस्टको प्रसस्त आसिस नेलाइ दोफा बाखाराइ याङका।

1 कोरिन्थि 1:1

का, पावल इदोइ पात्तारा लेखेदोङखा। का येसु ख्रिस्टको छाल्न्हाका चात्या जेङलिको भाअ्सिङ परमेस्वरको इच्छासो काइन्हाका हिघा। कालाउ का इता केलाइको दोफाङको खान्धुराइ ओने सोस्थेनस दोफा हिघा।

1 कोरिन्थि 4:19

कालाउ जेसापा या प्रभुको इच्छा जेङनु नेलाइकोता मार्फाङ ल्वाङका, कालाउ का उङको घमन्डि द्‍याङगेलाइको सिक्स्या खिनिङ माको, भरु इम्बालाइको सरबुङ चाहि हाइ कुनु इङको पट्टा पाङका।

फिलिप्पि 4:6

हिदोइ बुङ काथाको फिकिरि मापासु, भरु गोताङ परिस्थितिता प्रार्थाना कालाउ निबेदनसो धन्यबाद दोफाङ नेलाइको बिन्ति परमेस्वरता प्रस्तुत पासु।

1 थेस्लोनिकि 2:18

हाइपालिपानु केलाइ नेलाइकोता हेन्जाङखे लोलि भोन्हाहि, का पावल बुङ हेन्जाङखे लोलि भोघाखा, कालाउ एन्सा पालि साइतान केलाइहेङ जेलाउ बुङ बाधा पुगिपाहि।

फिलेमोन 1:22

या दोफाङ नाङको साअ्ता काङको भाअ्सिङ एनोङ कोठाको ब्यबस्था पापि। हाइपालिपानु का आस पाखा कि परमेस्वर नाङको प्रार्थानाको उत्तारा पियाङ कालाउ का इन्ता ल्वाङका कालाउ नासेहेङ भेत्याङका।

हिब्रु 13:19

नेलाइहेङ काङको बिसेस आग्राह इदोइ हि कि, काङको भाअ्सिङ प्रार्थाना पापिसु, कालाउ का आरोङ नेलाइकोता मारफाङ लोलि द्वाको।

याकुब 4:15

ओदोङ भाअ्सिङ नेलाइ इसिका दोअ्लि गोइका, जेसापा परमेस्वरको इच्छा जेङहि पानु केलाइ बान्च्याङ कालाउ इसिका उसिका पाङ।