रोमि 1:1 - Dhimal NT

¹ का पावल येसु ख्रिस्टको दास हिघा, कालाउ परमेस्वर कासेहेङ ताइको साल्न्हाका चात्या जेङलि छाल्हि, कालाउ झाराङ द्‍याङगेलाइहेङ परमेस्वरको सुसमाचार प्राचार पालिको भाअ्सिङ खेङहि।

रोमि 1:1 Iomraidhean Croise

मर्कुस 1:14

आले सोमोइ न्हुसो, जेलाउ राजा हेरोद युहान्नाहेङ झ्यालखानाता ह्वालि दोतेङ कालाउ परमेस्वरको सुसमाचार पालि येसु गालिल जिल्लाता हानिहि।

युहन्‍ना 12:26

हासु बुङ काङको सेवा पाखे पानु, का दोफा लोसु कालाउ काङको चात्या जेङसु। कालाउ का जेता ह्याङका, इन्ताङ काङको सेवक ह्यावा। हासु बुङ काङको सेवा पाहे पानु काङको आबा वाको आदार पावा।

युहन्‍ना 15:15

एला का नेलाइहेङ बान्धाइति मादोअ्ताङका, हाइपालिपानु वाको गिह्रि हाइ पाखे बान्धाइति मागिखे। कालाउ का नेलाइहेङ सानाइति दोअ्का हिघा, हाइपालिपानु जेदोङ का काङको आबासो हिङघा, का इङको गोताङ काथागेलाइ नेलाइहेङ दोअ्का हिघा।

युहन्‍ना 15:20

का नेलाइहेङ धिरपाका सिक्स्या फोम ताअ्सु, बान्धाइति ताइको गिह्रि खान्तेङ माबाराखे। इम्बालाइ कासेहेङ सान्ताइनु नेलाइहेङ बुङ सान्ताइयावा। इम्बालाइ काङको सिक्स्या केम्पिनु नेलाइको धिर्पाका सिक्स्या बुङ कितावा।

साल्न्हाका चात्या 13:9

कालाउ साउल, जाइहेङ पावल बुङ दोअ्खे, पबित्तरो आत्मा पोङघातेङ एलुमास जादुगरहेङ मिङ सुइ-सुइ पातेङ खाङतेङ दोअ्हि,

साल्न्हाका चात्या 20:24

कालाउ का ताइको जिबनहेङ हिदोइ बुङ मोलको कालाउ ताइको भाअ्सिङ पिलि माथानिखा, इदोइ झोको खिनिङ चाहिखा, कि परमेस्वरको आनुग्रहको सुसमाचारको साक्सि पिलि काङको धाअ्का प्रभु येसुसो मिलिका काङको सेवाकाइ का पुरा पालि द्वाको।

साल्न्हाका चात्या 21:40

जेलाउ रोमि सेनापति पावलहेङ आग्या पिहि, कालाउ पाइरोता जाअ्तेङ द्‍याङगेलाइहेङ सिकापा हिलि खुरहोइ इसारा पाहि। कालाउ द्‍याङगेलाइहेङ सान्त जेङतेङ न्हुसो, पावल इम्बालाइहेङ हिब्रु भासाता एसापा दोअ्हि:

साल्न्हाका चात्या 22:21

कालाउ प्रभु कासेहेङ दोअ्हि, “हाने, हाइपालिपानु नासेहेङ दुरे-दुरे थेकापा गैर-यहुदिगेलाइकोता दिङगिल्लाङका।”

साल्न्हाका चात्या 22:7

कालाउ का भोनोइता थुन्हाघा, कालाउ कासेहेङ एसा हाइ दोङ दोअ्का एनोङ गाला हिङघा, “ओइ साउल, ओइ साउल, नाअ् हाइ पालि कासेहेङ साताइतेङ हिना?”

साल्न्हाका चात्या 26:1

कालाउ राजा आग्रिप्पा पावलहेङ दोअ्हि, “नासेहेङ ताइको बिसोइता नुइ धुइलि आनुमति हि।” कालाउ पावल ताइको खुरको इसाराहोइ ताइमिहेङ बान्चिपालिको भाअ्सिङ एसापा दोअ्तेङ नुइ धुइलि तेङहि:

साल्न्हाका चात्या 26:14

जेलाउ केलाइ झाराङ भोनोइता थोबिन्हाका हिघान्हाहि, कालाउ का हिब्रु भासाता एसा दोअ्का गाला हिङघा, साउल, साउल, नाअ् हाइ पालि कासेहेङ साताइखेना? एनोङ पिया ताइको ग्रिहिको मेसाहेङ लाअ्थिका भाइपा नाअ् काङको बिरोधता फेसुतेङ ताइमिहेङ चोट पातेङ हिना।

साल्न्हाका चात्या 27:23

आन्जि न्हिसिन्ता परमेस्वरको स्वर्गदुत काङको भेरपा लोहि, कालाउ का ओदोङ परमेस्वरको द्‍याङ हिघा, जाइको का आराधाना पाखा।

साल्न्हाका चात्या 9:15

कालाउ प्रभु हननियाहेङ दोअ्हि, “हाने, हाइपालिपानु का दोङ साउलहेङ कासेहेङ सेवा पालि कालाउ काङको बिसोइता गैर-यहुदिगेलाइहेङ, राजागेलाइहेङ कालाउ इस्राएललिगेलाइको माझाता प्राचार पालिको भाअ्सिङ वासेहेङ साल्का हिघा।

रोमि 1:16

कालाउ का येसु ख्रिस्टको सुसमाचारता गर्ब पाङका। हाइपालिपानु खाङधुरि पाका झाराङको मुक्तिको भाअ्सिङ इदोइ परमेस्वरको सरबुङ हि, लाम्फा यहुदिगेलाइहेङ कालाउ गैर-यहुदिगेलाइको भाअ्सिङ बुङ हि।

रोमि 1:5

कालाउ प्रभु येसु ख्रिस्टसो परमेस्वर कासेहेङ आनुग्रह पातेङ साल्न्हाका चात्याको काम पिहि, कालाउकि का ख्रिस्टको काम पालि द्वाको कालाउ गोताङ गैर-यहुदिगेलाइ येसु ख्रिस्टको मिङता खाङधुरि पाको कालाउ वाको आग्या किताको।

रोमि 1:9

का गोताङ हृदयहोइ वाको चानको सुसमाचारको बिसोइता द्‍याङगेलाइहेङ प्राचार पाखा, कालाउ परमेस्वर काङको साक्सि हि, कि का लागातार काङको प्रार्थानाता नेलाइहेङ फोम पाखा।

रोमि 11:13

एला नाअ् गैर-यहुदिगेलाइहेङ का दोअ्दोङखा, गैर-यहुदिगेलाइको भाअ्सिङ साल्का चात्या जेङनाङ का काङको सेवाता गर्ब पाखा।

रोमि 15:16

कि का गैर-यहुदिगेलाइको भाअ्सिङ येसु ख्रिस्टको सेवक जेङतेङ परमेस्वरसो लोका सुसमाचार प्राचार पालि पुजारि कोनिङ सेवा पाखा, कालाउकि गैर-यहुदिगेलाइहेङ पबित्तरो आत्मा पाहासो सुद्द जेङतेङ ग्रहन योग्य बलि जेङलि द्वाको।

रोमि 15:29

कालाउ का गिखा कि, जेलाउ का नेलाइकोता ल्वाङका, ख्रिस्टको प्रसस्त आसिस नेलाइ दोफा बाखाराइ याङका।

रोमि 16:18

हाइपालिपानु इन्सिकागेलाइ केलाइको प्रभु ख्रिस्टको माको, कालाउ ताइको जिउको इच्छागेलाइ पुरा पालि सेवा पाखे, कालाउ इम्बालाइ ताअ्का-ताअ्का कालाउ दिरबे देअ्का काथा पातेङ सोझाका द्‍याङगेलाइहेङ धोका पिखे।

रोमि 16:25

एला वासेहेङ, जाइ नेलाइहेङ का हिङपाका सुसमाचार येसु ख्रिस्टको बिसोइता नेलाइहेङ खाङधुरिता बल्लियाका बानाइखे, इङको रहस्यको थाअ्साइका जेदोङ जुगौजुगसोङ म्होनाका हिघाहि।

1 कोरिन्थि 1:1

का, पावल इदोइ पात्तारा लेखेदोङखा। का येसु ख्रिस्टको छाल्न्हाका चात्या जेङलिको भाअ्सिङ परमेस्वरको इच्छासो काइन्हाका हिघा। कालाउ का इता केलाइको दोफाङको खान्धुराइ ओने सोस्थेनस दोफा हिघा।

1 कोरिन्थि 9:1

का जेदोङ चालि खाङलाउ बुङ स्वतन्तरो हिघा, का एमि छाल्न्हाका चात्या हिघा, कालाउ का केलाइको प्रभु येसु ख्रिस्टहेङ तिङका हिघा। कालाउ नेलाइ प्रभुता काङको कामको नतिजा हिसुना।

2 कोरिन्थि 1:1

का, पावल केलाइको खान्धुराइ ओने तिमोथि दोफाङ इदोइ पात्तारा लेखेदोङखा, का परमेस्वरको इच्छा पाहासो येसु ख्रिस्टको छाल्न्हाका चात्या हिघा, का इदोइ पात्तारा कोरिन्थि सहरता हिका परमेस्वरको मन्डलिहेङ, कालाउ गोताङ आखैया प्रदेसता हिका झाराङ पबित्तरो जनगेलाइहेङ लेखेदोङखा।

2 कोरिन्थि 11:5

जेसापा इम्बालाइ ताइमिहेङ गोताङ छाल्न्हाका चात्यागेलाइ खान्तेङ माहान जेङका भाइपा काम पाखे पानु, का बुङ इम्बालाइ कोनिङ ताइमिहेङ खिनिङ रेम्का सोचिखा।

2 कोरिन्थि 11:7

ताइमिहेङ म्हुइका पातेङ नेलाइहेङ बार्का बानाइलि दोअ्तेङ परमेस्वरको सुसमाचार का नेलाइहेङ एन्साङ प्राचार पाकाता हाइ का पाप पाघा रो?

2 कोरिन्थि 12:11

का आनाइ जेङका हिघा, नेलाइ कासेहेङ एन्सा पालि कर लागाइसुन्हा, हाइपालिपानु नेलाइसो तेका काङको बाखिन जेङलि गोइका हिघाहि। हाइपालिपानु का हाइ दोङ माकुलाउ बुङ इङको धाताइका चात्यागेलाइ खान्तेङ का कम मान्थुघा।

2 कोरिन्थि 2:12

ख्रिस्टको सुसमाचार प्राचार पालिको भाअ्सिङ तरोआस सहरता हानिलाउ परमेस्वर कासेहेङ सुसमाचार प्राचार पालि बार्का माउका पिका हिघाहि।

2 कोरिन्थि 4:5

हाइपालिपानु केलाइ ताइकोङ प्राचार मापानाखे, कालाउ येसु ख्रिस्ट दोङ प्रभु हि दोअ्का काथा प्राचार पानाखे, कालाउ केलाइ चाहि येसुको भाअ्सिङ नेलाइको बान्धाइति हिनाहि।

गलाति 1:1

का पावल छाल्न्हाका चात्या या पात्तारा नेलाइहेङ लेखेदोङखा, का हिदोइ बुङ द्‍याङगेलाइको समुह माकुनु द्‍याङगेलाइसो छाल्न्हाका चात्या जेङलि चुनिका माको, भरु येसु ख्रिस्ट कालाउ आबा परमेस्वर जाइ दोङ येसुहेङ सिकासो सिन्हु पाहि।

एफिसि 1:1

परमेस्वरको छाल्न्हाका चात्या जेङलि चुनिका का पावल, येसु ख्रिस्टता खाङधुरि पाका एफिसस सहरता हिका परमेस्वरको पबित्तरो जनगेलाइहेङ इदोइ पात्तारा लेखेदोङखा।

एफिसि 1:13

नेलाइ दोफा बुङ इन्सिकाङ जेङहि। नेलाइ बुङ सत्ये सन्‍देस हिङसुन्हा, जेदोङ चाहि परमेस्वर नेलाइहेङ मुक्ति पिका बारेता सुसमाचार हि। जेलाउ नेलाइ ख्रिस्टता खाङधुरि पास्वाना, परमेस्वर नेलाइहेङ काङको दोङ दोअ्तेङ तिङपालि वा प्रतिग्या पाका पबित्तरो आत्मा प्याङ।

एफिसि 4:11

कालाउ ख्रिस्ट दोङ मन्डलिहेङ इदोइ योग्यतागेलाइ पिहि: वा आधिमिहेङ छाल्न्हाका चात्यागेलाइ, आधिमिहेङ परमेस्वरको बक्तागेलाइ, आधिमिहेङ सुसमाचार प्राचार पालि, आधिमिहेङ मन्डलिको आगुवागेलाइ कालाउ आधिमिहेङ सिक्स्यकगेलाइ नियुक्ति पाहि।

फिलिप्पि 1:1

ख्रिस्ट येसुको बान्धाइतिगेलाइ, का पावल तिमोथि दोफा इता पात्ताराता फिलिप्पि सहरता हिका मन्डलिको आगुवागेलाइ कालाउ खान्धुराइगेलाइहेङ साघाइका दोफाङ गोताङ परमेस्वरको जनगेलाइहेङ लेखेदोङखा, जाइ ख्रिस्ट येसुको दोङ हि।

फिलिप्पि 2:11

कालाउ झाराङ आबा परमेस्वरको महिमाको भाअ्सिङ येसु ख्रिस्टहेङ प्रभु हि दोअ्तेङ सुइकार पावा।

कलस्सि 1:1

परमेस्वरको साल्न्हाका द्‍याङ जेङलि चुनिका का पावल, इदोइ पात्तारा लेखेदोङखा, का येसु ख्रिस्टको छाल्न्हाका चात्या दोङ हिघा। का कालाउ केलाइको खान्धुराइ ओने तिमोथिसो झाराङहेङ सेउपाखा।

कलस्सि 1:25

परमेस्वर कासेहेङ ताइको मन्डलिको सेवा पालि जिम्माबारि सुम्पिका हि, कालाउकि का परमेस्वरको सन्‍देस पुरा रितिहोइ गैर-यहुदिगेलाइहेङ प्राचार पालि द्वाको।

1 थेस्लोनिकि 2:2

केलाइ नेलाइकोता लोका खान्तेङ लाम्फा फिलिप्पि सहरता हेन्जाङ दुख निङचाका, कालाउ इन्ताको द्‍याङगेलाइ केलाइको आपामान पाका इदोइ गोताङ काथागेलाइ नेलाइ झाराङहेङ थाहा दोङ हि। कालाउ थिस्लोनिकि सहरको द्‍याङगेलाइ हेन्जा बिरोध पालाउ बुङ केलाइको परमेस्वर केलाइहेङ माअ्थिसिङ नेलाइहेङ इदोइ सुसमाचार प्राचार पालि साघाइका हिघाहि।

1 थेस्लोनिकि 2:8

केलाइ नेलाइहेङ हेन्जाङ मायारु पान्हाखे, ओदोङ भाअ्सिङ नेलाइ परमेस्वरको सुसमाचार खिनिङ माको। भरु केलाइ ताइको प्रानबुङ नेलाइहेङ पिलि भोघान्हाखे, हाइपालिपानु नेलाइ केलाइको आनाउ जेङका हिघासुखेना।

1 थेस्लोनिकि 2:9

हाइपालिपानु खान्धुराइ ओनेगेलाइ, नेलाइहेङ थाहा दोङ हि केलाइ नेलाइ दोफा हिलाउ केलाइ थाङका मेहेनत पातेङ ताका कामाइन्हाहि कालाउ परमेस्वरको सुसमाचार नेलाइता प्राचार पान्हाहि, कालाउकि केलाइ नेलाइ ह्रुता भार मापरियाको भरु ताइकोङ आवस्यकता पुरा पालि द्वाको।

1तिमोथि 1:1

का पावल इदोइ पात्तारा लेखेदोङखा। का केलाइको मुक्ति दाता परमेस्वर कालाउ येसु ख्रिस्ट जाइता केलाइ आस ताअ्नाखे, का वाको छाल्न्हाका चात्या हिघा।

1तिमोथि 2:7

याकोङ भाअ्सिङ परमेस्वर कासेहेङ सुसमाचारको प्राचार पालि कालाउ साल्न्हाका चात्याको रुपता नियुक्ति पाहि। कालाउ वा कासेहेङ खाङधुरि कालाउ सत्येको सिक्स्या गैर-यहुदिगेलाइहेङ धिरपालि साल्हि। कालाउ का धाताइतेङ दोअ्का माको, भरु का सत्ये धुइखा।

2 तिमोथि 1:11

इदोइ येसु ख्रिस्टको सुसमाचारको भाअ्सिङ परमेस्वर कासेहेङ प्राचार पालि कालाउ साल्न्हाका चात्या कालाउ सुसमाचारको गुरुको रुपता नियुक्ति पाहि।

तितस 1:1

का पावल परमेस्वरको बान्धाइति कालाउ प्रभु येसु ख्रिस्ट पाहा छाल्न्हाका चात्या, इदोइ पात्तारा नासेहेङ लेखेदोङखा, परमेस्वर छाल्का द्‍याङगेलाइहेङ खाङधुरिको सन्‍देस हिङपालि कालाउ सत्येको ग्यान हाइ हि इङको धिरपालिको भाअ्सिङ कासेहेङ दिङगिल्का हि। कालाउकि इम्बालाइ परमेस्वरहेङ मन्दा ताअ्का जिबन जियाइलि द्वाको।

हिब्रु 5:4

साम्मान निङलिको भाअ्सिङ हासु बुङ ताइमिङ प्राधान पुजारि जेङलि मादोखे। भरु परमेस्वर लाङतिको प्राधान पुजारि हारुनहेङ नियुक्ति पाहि, एन्साङ दोङ परमेस्वर नियुक्ति पाका द्‍याङ खिनिङ प्राधान पुजारि जेङलि दोखे।

हिब्रु 7:26

हाइपालिपानु येसु ख्रिस्ट केलाइहेङ गोइका प्राधान पुजारि राजा हिका हि। वा पबित्तरो, मादुसिका, सुद्द हि। कालाउ परमेस्वर वासेहेङ पापि द्‍याङगेलाइसो लाअ्पातेङ झाराङ खान्तेङ ह्रुता स्वर्गता ताअ्हि।

याकुब 1:1

का याकुब परमेस्वर कालाउ प्रभु येसु ख्रिस्टको बान्धाइति इदोइ पात्तारा इस्राएल सारभिको तेन्हे कुलहेङ लेखेदोङखा, जाइ सारभिगेलाइ भरि चार-बिराइतेङ हिका उङको झाराङहेङ का सेउपाखा।

1पतरुस 4:17

हाइपालिपानु परमेस्वरको ताइकोङ जाहान दोफा न्याय सुरु जेङका सोमोइ लोलि दोका हि। जेसापा परमेस्वर लाम्फा केलाइ खाङधुरि पाकालाइको न्याय पाङ, कालाउ वाकोसो लोका सुसमाचार माकिकालाइहेङ हिसिका हि वाला इङको काथाको बारेता सोचेसु।

२ पत्‍रुस 1:1

का, सिमोन पतरुस नेलाइहेङ लेखेदोङखा, का येसु ख्रिस्टको सेवक कालाउ छाल्न्हाका चात्या हिघा। का नेलाइ झाराङहेङ लेखेदोङखा, जाइ केलाइ झाराङको ओदोङ झोको आनमोल खाङधुरि निङका हि, इदोइ खाङधुरि केलाइको परमेस्वर कालाउ मुक्ति दाता येसु ख्रिस्ट पाहासो केलाइहेङ पिका हि, जाइ केलाइहेङ परमेस्वर दोफा धर्मि बानाइखे।

यहुदा 1:1

इदोइ पात्तारा का यहुदासो हि, का येसु ख्रिस्टको बान्धाइति कालाउ याकुबको ओने हिघा। का इदोइ पात्तारा परमेस्वरता खाङधुरि पाका वाको पाहासो काइका द्‍याङगेलाइहेङ लेखेदोङखा। नेलाइहेङ परमेस्वर केलाइको आबा प्रेम पाखे कालाउ येसु ख्रिस्टता रेम्फा ताअ्का हि।

प्रकास 1:1

परमेस्वर येसु ख्रिस्टहेङ इङको म्होन्हाका काथा तिङपाहि, जेदोङ धेमाङ जेनाङ, कालाउकि वा ताइको सेवकगेलाइहेङ इदोइ काथागेलाइ देखाल पालि द्वाको। कालाउ न्हुसो येसु ताइको सेवक युहान्नाहेङ इदोइ काथागेलाइ तिङपालिको भाअ्सिङ ताइको स्वर्गदुत दिङगिल्हि।

प्रकास 22:6

इङको न्हुसो, स्वर्गदुत कासेहेङ दोअ्हि, “इदोइ गोताङ काथा जेदोङ नासेहेङ दोअ्का हि या सत्ये हि कालाउ भोरोसा पालि योग्य हि। हाइपालिपानु परमप्रभु परमेस्वर जाइ ताइको आत्मा गोताङ बक्तागेलाइहेङ पिहि, वा दोङ जाइ ताइको स्वर्गदुतहेङ आदेस पिहि कि वा इता लोतेङ कालाउ ताइको सेवाकगेलाइको इङको काथा तिङपाको जेदोङ धेमाङ पुरा जेनाङ।”

प्रकास 22:9

कालाउ वा कासेहेङ दोअ्हि, “कासेहेङ आराधाना मापासु, खिनिङ परमेस्वरको आराधाना पासु! का बुङ नाअ् भाइकाङ कालाउ नाङको सानाइति खान्धुराइ ओनेगेलाइ भाइपाङ परमेस्वरको एमि सेवक हिघा, जाइ आगामबानि पाखे। कालाउ का इम्बालाइ झाराङ भाइपा हिघा जाइ इदोइ कितापता लेखेका आगमबानिको काथागेलाइ किखे।”