प्रकास 9:11 - Dhimal NT

¹¹ एमि राजा हि, जाइ वाको नियन्तरोनता ताअ्खे। वा इङको दुत हि जाइ वाङखाराका खारा खोलेका हिघाहि। कालाउ हिब्रु भासाता वाको मिङ आबाडोन हि, कालाउ ग्रिक भासाता आपोल्लियोन हि। इदोइ मिङको मतलप “जाइहेङ वा नासा पाखे।”

प्रकास 9:11 Iomraidhean Croise

लुका 8:31

इङको भुत-आत्मागेलाइ इम्बालाइहेङ हेलाउ बुङ वाङखाराका खाराता माथुकापाको दोअ्तेङ बिन्ति पाहि।

युहन्‍ना 12:31

एला इदोइ सुमिङको द्‍याङगेलाइहेङ परमेस्वरको न्याय पाका सोमोइ लोका हि। कालाउ येसु साइतानको सरबुङहेङ नासा पाका सोमोइ बुङ लोका हि, जाइ इदोइ सुमिङको सासक हि।

युहन्‍ना 14:30

कालाउ का नेलाइ दोफा काथा पालि हेन्जा सोमोइ मान्थु, हाइपालिपानु इदोइ सुमिङको सासक साइतान लोदोङखे कालाउ वाको का ह्रुता हाइ दोङ खाबारा मान्थु।

युहन्‍ना 16:11

कालाउ पबित्तरो आत्मा इम्बालाइहेङ न्याय तिङपा प्याङ, हाइपालिपानु परमेस्वर लाम्फा दोङ इदोइ सुमिङको सासक माकुनु साइतानहेङ दुसिका थोहोराइका हि।

युहन्‍ना 5:2

यरुसेलेम सहरता भेडा-फिनुको भेरपाङ एनोङ चि कुन्ड हि, जाइको नालोङ खाम्बाहोइ आरेस पिका एनोङ चाल्हा हि, जाइहेङ हिब्रु भासाता बेथेस्दा दोअ्खे।

युहन्‍ना 8:44

नेलाइ ताइको आबा साइतानसो हिसुना, कालाउ नेलाइ ताइको आबाको इच्छा पुरा पालि खाङसुखेना। इङकोते लाम्फासोङ ज्यान मारा हिघाहि, कालाउ वा हेलाउ बुङ सत्येबादि मान्थुघाहि। हाइपालिपानु वाकोता सत्ये मान्थुघाहि। ताइको स्वभाव आन्सार धाताइखे, हाइपालिपानु इङको धातुवा दोङ हि, हाइपालिपानु वाते धातुवाको आबा दोङ हि।

2 कोरिन्थि 4:4

कालाउ इदोइ सुमिङको दिर साइतान उङको खाङधुरि मापाकालाइको बिद्दिहेङ कान्हाँ बानाइ पिका हि, ओदोङ भाअ्सिङ इम्बालाइ ख्रिस्टको बारेता सुसमाचार कालाउ वाको महिमाको बारेता बुझिलि मादोखे, हाइपालिपानु ख्रिस्ट परमेस्वरको स्वरुप हि।

एफिसि 2:2

लाम्फा नेलाइ इदोइ सुमिङको द्‍याङगेलाइ कोनिङ हिगिल्घासुखेना कालाउ नेलाइ सुमिङको सासक साइतानहेङ मानिघासुखेना। कालाउ साइतान एला बुङ परमेस्वरको आग्या माकिलाइको माझाता काम पाखे।

१ युहन्‍ना 4:4

नाअ् जाइ काङको आनाउ जामाललाइ भाइकाङ हिसुना, नेलाइ चाहि परमेस्वरको द्‍याङगेलाइ हिसुना, कालाउ नेलाइ धाताइका आगमबक्तागेलाइ ह्रुता बिजोइ जेङका हिसुना। हाइपालिपानु जेदोङ पबित्तरो आत्मा नेलाइ दोफा हि, वा सुमिङता हिका साइतान जाइ इदोइ सुमिङको द्‍याङगेलाइ जाइ परमेस्वरहेङ मानाल्खे, इम्बालाइ ह्रुता खाबारा पाखे, वा इङको खान्तेङ माहान हि।

१ युहन्‍ना 5:19

केलाइ गिनाखे, केलाइ परमेस्वरको हिनाहि, कालाउ सारा सुमिङको द्‍याङगेलाइ साइतानको खाबाराता परिका हि।