प्रकास 8:7 - Dhimal NT

⁷ लाङ स्वर्गदुत ताइको सानाइ म्होहि, कालाउ एन्सालाउ दोङ हेन्जा झोसे कालाउ हिति दोफाङ मिसालाइन्हाका मे प्रिथिबि ह्रुता हुल्हि। ओदोङ भाअ्सिङ प्रिथिबिको ए तिहाइ-भाग, कालाउ सिङगेलाइको ए तिहाइ भाग कालाउ गोताङ सिङजाल जाल्का घासिगेलाइ ओहि।

प्रकास 8:7 Iomraidhean Croise

याकुब 1:11

जेसापा ओपाका धाङकासो सान्हे ल्होखे, कालाउ घासिहेङ चुपापिखे। ल्हे हुल्खे कालाउ वाको सोबाइका नासाखे। एन्सा पाङ धनि द्‍याङ बुङ ताइको काम धान्दाता ब्यस्त जेङतेङ दोङ सिखे।

1पतरुस 1:24

धर्मसास्तर एसा दोअ्खे, “गोताङ द्‍याङगेलाइ घासि भाइका दोङ हि कालाउ वाको गोताङ सोबाइका घासिको ल्हे भाइका हि, घासि चुटावा, कालाउ ल्हे भोनोइता हुल्लावा।

प्रकास 12:4

इङको को मेथोङहोइ आकासको ए तिहाइ भाग फुरुगेलाइ कोअ्तेङ प्रिथिबि ह्रुता थाइगिल्पिहि। इङको बारका आजिङगर बेबालको आगाता जाअ्हि, कालाउकि जेसाङ वाको जामाल जोलोमनासाङ उङकोहेङ चाअ्लि द्वाको।

प्रकास 16:2

ओदोङ भाअ्सिङ, लाङति स्वर्गदुत वाको जाम बातिता साजाइ हिघाहि, इङको प्रिथिबि ह्रुता हुपिहि। कालाउ जाइ ह्रुता राक्सेसको चिन्हा हिघाहि, कालाउ जाइ वाको मुर्तिहेङ पुजिका हिघाहि, इम्बालाइ झाराङहेङ थिलि गोइका ओसारापा गेने-गेनेका पेचारागेलाइ निङहि जेदोङहोइ हेन्जा पिडा जेङघाहि।

प्रकास 16:21

बारका झोसेगेलाइ आकाससो द्‍याङगेलाइ ह्रुता हुल्हि। गोताङ झोसे माकुलाउ बुङ न्हे कुरि ते सेर ल्हिका हिघाहि। इदोइ कारन, इम्बालाइ परमेस्वरहेङ साराप पिहि हाइपालिपानु द्‍याङगेलाइ परमेस्वरको पिगिल्का हेथे थिलि गोइका बिपतिको कारन इम्बालाइ ओसारापाङ कस्ट भोगितेङ हिघाहि।

प्रकास 6:8

कालाउ का याउका रङगको एनोङ ओह्याँ तिङघा। ओह्याँ सावारहेङ काल दोअ्घाहि। वाको भेरपा पाअ्तेङ न्हु हानिघाहि। वासेहेङ सुमिङको ए चौथाइ द्‍याङगेलाइहेङ सेअ्लि खाबारा निङहि। कालाउ वा ओबालाइहेङ कात्तिहोइ सेअ्हि। वा ओबालाइहेङ म्हितुपाङ सेअ्हि कालाउ मारेम्का मिसाहोइ सेअ्हि कालाउ झारभारिको गुपुसगेलाइसो सेअ्लि लाअ्पिहि।

प्रकास 7:1

कालाउ न्हुसो, का सुमिङको द्‍या कुन्हाता द्‍यामि स्वर्गदुतगेलाइहेङ जाअ्तेङ हिका तिङघा। परमेस्वर इङको स्वर्गदुतगेलाइहेङ माहामारिसो इदोइ सुमिङहेङ द्‍याङगेलाइको हान्ति पालि खाबारा पिहि, चाहे इङको समुन्द्रता ह्याको याते भोनोइता। ओबालाइ भेरमाहेङ सुमिङको गोताङ द्‍या कुन्हासो रोकिहि, कालाउकि समुन्द्रता कालाउ भोनोइता कालाउ झारता भेरमा दोलाइतेङ माह्याको। का भेनेङ स्वर्गदुतहेङ नुहे भारि देखाल जेङका तिङघा। वाको दोफा सिन्हुका परमेस्वरको दागाइका चिन्हा हिघाहि, उङको स्वर्गदुत उङको द्‍यामि स्वर्गदुतगेलाइहेङ बारका तिराराइका गालाहोइ काइतेङ वा दोअ्हि,

प्रकास 9:15

कालाउ इङको जेदोङ द्‍यामि दुतगेलाइहेङ लाअ्पिहि। कालाउ इम्बालाइ लाम्फा दोङ तियार जेङका हिघाहि। इम्बालाइसो दोअ्हि कि इदोइ बेला, इदोइ दिना, इदोइ माइना कालाउ इदोइ बासारको भाअ्सिङ ह्रुम्सु कालाउ एला इङको सोमोइ लोलि दोका हि। इम्बालाइ सुमिङको ए भाग तिहाइ द्‍याङगेलाइहेङ सेअ्लि गोइखे।

प्रकास 9:18

मे, धुवाँ कालाउ गन्धक इदोइ सुमलोङ बिपतिगेलाइ हिघाहि, जेदोङ ओह्याँगेलाइको नुइसो ओल्लेतेङ हिघाहि। इदोइ बिपतिहोइ सुमिङता हिका ए तिहाइ भाग द्‍याङगेलाइहेङ सेअ्हि।

प्रकास 9:4

जेसाङ द्‍याङगेलाइहेङ चिम्ताङको चुकाहोइ तुखे, एन्साङ दोङ इङको चाकागेलाइहेङ कस्ट पिलि खाबारा पिहि कालाउ सेअ्लिको भाअ्सिङ माको कि ना माइना थेकापा इङको द्‍याङगेलाइहेङ कस्ट पिहि जाइको कापालता परमेस्वरको मोहर मान्थु। कालाउ इम्बालाइहेङ प्रिथिबिको घासि, हिदोइ बुङ झारगेलाइ, कालाउ हिदोइ बुङ सिङसोङको, हान्ति पालि खाबारा मान्थुघाहि।