प्रकास 8:2 - Dhimal NT

² कालाउ परमेस्वरको आगाता जाअ्का न्हिमि स्वर्गदुतगेलाइहेङ का तिङघा। इम्बालाइहेङ न्हि लोङ सानाइ पिहि।

प्रकास 8:2 Iomraidhean Croise

मत्‍ति 18:10

“खाङसु, कासेहेङ खाङधुरि पाका इदोइ आतुइकालाइ मध्येसो एमिहेङ बुङ नेलाइ हेला मापासु। हाइपालिपानु का नेलाइहेङ दोअ्खा, इम्बालाइहेङ सामाराइका स्वर्गदुतगेलाइ स्वर्गता हिका काङको आबा परमेस्वर दोफा जेलाउ बुङ हितेङ ह्यावा।”

मत्‍ति 24:31

द्‍यापाहाङ आकासको एनोङ थामेसो भेनेङ ओताका थामे थेकापा परमेस्वरसो साल्का द्‍याङगेलाइहेङ जोम्पावा कालाउ द्‍याङको चान सानाइको बार्का गाला दोफाङ स्वर्गदुतगेलाइहेङ दिङगिल प्याङ।

लुका 1:19

स्वर्गदुत उत्तारा पिहि, का गाब्रिएल परमेस्वरको आगाता जाअ्ताङका, वा दोङ कासेहेङ नाङको दोफा खुसिको काथा पालि कालाउ प्राचार पालि दिङगिल्का हि।

लुका 21:36

कालाउ चङख हिसु, आइ लागिका इदोइ गोताङ थिलि गोइका काथागेलाइसो बान्चिलि कालाउ का द्‍याङको चानको आगाता न्यायको दिनाता जाअ्लि योग्य जेङलिको भाअ्सिङ दिनाङ प्रार्थाना पातेङ हिसु।

1 कोरिन्थि 15:52

इसिका आचानाक जेनाङ, जेसाङ हासु बुङ ताइको मिसियाँ झिमिक पाखे। जेलाउ आखिरि सानाइ धुइयावा। सिकालाइ जेलाउलाउ बुङ बान्चिलिको भाअ्सिङ सिन्चालावा, कालाउ केलाइ सिन्चाल्कालाइको जिउ बुङ भाङघाइन्हाङ।

1 थेस्लोनिकि 4:16

हाइपालिपानु प्रभु येसु ख्रिस्ट ताइमिङ स्वर्गसो खुअ्तेङ ल्वाङ कालाउ बार्का गालाहोइ आग्या प्याङ, कालाउ प्राधान स्वर्गदुतको चेराका गालाता दोअ्तावा कालाउ परमेस्वरको सानाइ म्होका बेलाता ख्रिस्टता सिका खान्धुराइगेलाइ झाराङ खान्तेङ लाम्फा सिन्चालावा।

प्रकास 1:4

इदोइ पात्तारा का युहान्‍ना एसिया प्रदेसको न्हि लोङ मन्डलिको खान्धुराइगेलाइको भाअ्सिङ लेखेदोङखा। का प्रार्थाना पाखा कि परमेस्वर नासेहेङ वाको आनुग्रह कालाउ सान्ति तिङपाको। वा इसिका परमेस्वर हि, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ, परमेस्वरको सिङहासनको आगाता ह्यावा न्हि लोङ दोङ आत्मासो,

प्रकास 11:15

जेलाउ न्हितेङ स्वर्गदुत ताइको सानाइ म्होहि, का स्वर्गता बा-बारका गालाहोइ एसा ह्रिकाइतेङ हिका हिङघा, “सुमिङको सासन पाका एला हासु बुङ मान्थु। खिनिङ केलाइको प्रभु परमेस्वर कालाउ वाको चुनिका ख्रिस्ट। कालाउ परमेस्वर जेलाउलाउ बुङ सासन पावा।”

प्रकास 15:1

जेलाउ वा दोअ्लि दोहि, का आकासता एनोङ भेनेङ फरक चिन्हा तिङघा, जेदोङ हेन्जाङ आचाम्माको कालाउ हेथे थिलि गोइका हिघाहि। न्हि लोङ स्वर्गदुतगेलाइ न्हि लोङ भेनेङ खाल्को बिपतिगेलाइ चुमाका हिघाहि। इदोइ बिपतिगेलाइ आम्तिम हि हाइपालिपानु जेलाउ इदोइ नासातावा कालाउ परमेस्वरको चेरचुङ दोकावा।

प्रकास 16:1

कालाउ न्हुसो, का मुन्दिरसो एनोङ बारका गाला हिङघा, जाइ इङको न्हि लोङ स्वर्गदुतगेलाइ दोअ्हि, “हाने कालाउ प्रिथिबिता हिका द्‍याङगेलाइ ह्रुता परमेस्वरसो इङको साजाइ हुपिसु जेदोङ न्हि लोङ जाम बातिता हि।”

प्रकास 8:13

जेलाउ का आरोङ खाङघा, एनोङ बाजा मध्ये आकासता हेन्जा ह्रुता उराइतेङ हिका कालाउ तिराराइका गालाहोइ एसा दोअ्काताङ पाका का हिङघा, “सुमिङता हिका मारेम्का द्‍याङगेलाइको भाअ्सिङ या हेथे थिलि गोइका हि, हाइपालिपानु जेलाउ आम्तिम सुमि स्वर्गदुत ताइको सानाइ म्होतावा, कालाउ सुमलोङ आरु बिपतिगेलाइ इम्बालाइ ह्रुता ल्वावा।”

प्रकास 8:6

कालाउ न्हि लोङ सानाइ सुधाङ उङको न्हिमि स्वर्गदुतगेलाइ ताइको सानाइगेलाइ बाजाइलि तियार जेङहि।

प्रकास 9:1

कालाउ जेलाउ नातेङ स्वर्गदुत ताइको सानाइ म्होहि, का एनोङ फुरु तिङघा जेदोङ स्वर्गसो प्रिथिबि ह्रुता हुल्का हिघाहि। इङको फुरुहेङ खारा खोलेलि ताल्चा पिहि। जेदोङको वाङखाराकाको हिदोइ बुङ आन्ता मान्थु।