प्रकास 8:13 - Dhimal NT

¹³ जेलाउ का आरोङ खाङघा, एनोङ बाजा मध्ये आकासता हेन्जा ह्रुता उराइतेङ हिका कालाउ तिराराइका गालाहोइ एसा दोअ्काताङ पाका का हिङघा, “सुमिङता हिका मारेम्का द्‍याङगेलाइको भाअ्सिङ या हेथे थिलि गोइका हि, हाइपालिपानु जेलाउ आम्तिम सुमि स्वर्गदुत ताइको सानाइ म्होतावा, कालाउ सुमलोङ आरु बिपतिगेलाइ इम्बालाइ ह्रुता ल्वावा।”

प्रकास 8:13 Iomraidhean Croise

हिब्रु 1:14

कालाउ स्वर्गदुतगेलाइको उदेस्य हाइ कुनु? इम्बालाइ परमेस्वरको सेवा पाका खिनिङ हि। परमेस्वर इम्बालाइहेङ मुक्ति निङलि हानिका द्‍याङगेलाइहेङ साघाइलि दिङगिल पिहि।

प्रकास 11:14

न्हेतेङ बिपतिगेलाइ दोहोइ, आरोङ सुमतेङ बिपतिगेलाइ धेमाङ लोलि तोम्का हि, आझाइ इन्ता एनोङ हि जेदोङ धेमाङ लोदोङखे।

प्रकास 12:12

ओदोङ भाअ्सिङ इता स्वर्गता हिका नेलाइ झाराङ आनान्द जेङसु! कालाउ नेलाइ झाराङ जाइ प्रिथिबि कालाउ समुन्द्रता हिका, नाअ् या हेथे थिलि गोइका हि। हाइपालिपानु साइतान नाङकोता लेता लोका हि। वा हेन्जा चेर ताम्पाका हि हाइपालिपानु वा गिखे कि वाको दोफा काम पालि हेन्जा सोमोइ मान्थु।”

प्रकास 14:3

ए लाख न्हे कुरि द्‍या हाजार द्‍याङगेलाइ सिङहासनको आगाता, द्‍यालोङ हुसि हिका प्रानिगेलाइको आगाता, कालाउ आगुवागेलाइको आगाता जाअ्हि। इम्बालाइ नावा ले लेघाहि जाइ वा खिनिङ ले धिरलि दोघाहि। प्रिथिबिता हिका द्‍याङगेलाइ मध्येसो, इम्बालाइहेङ खिनिङ परमेस्वर लाअ्पाहि।

प्रकास 14:6

कालाउ का भेनेङ स्वर्गदुतहेङ बुङ आकास ह्रुता उराइतेङ हिका तिङघा। इङको स्वर्गदुत गोताङ कुल, भासा, रास्ट, कालाउ जाति-जातिको गोताङ द्‍याङगेलाइहेङ सुसमाचार चुम्तेङ हिङपालि हानिघाहि। इदोइ सुसमाचार जेलाउलाउको भाअ्सिङ माबदलियाङ।

प्रकास 19:17

आरोङ का एमि स्वर्गदुत सान्हे ह्रुता जाअ्तेङ हिका तिङघा। वा बारका गालाहोइ आकास ह्रुता उराइका गोताङ सिघुनगेलाइहेङ काइहि। वा दोअ्हि, “लौउ कालाउ परमेस्वर नाङको भाअ्सिङ तियार पाका बारका भोजको भाअ्सिङ जोम्सु।

प्रकास 3:10

कस्ट भोगिलाउ नाअ् धर्य ताअ्तेङ काङको सन्देसहेङ आनुसरन पाअ्‌, ओदोङ भाअ्सिङ का नासेहेङ जाचिकाको सोमोइसोङ नासेहेङ बान्चि पाङका। इदोइ जाचिकाको सोमोइ इदोइ सुमिङको गोताङ द्‍याङगेलाइता ल्वाङ।

प्रकास 8:2

कालाउ परमेस्वरको आगाता जाअ्का न्हिमि स्वर्गदुतगेलाइहेङ का तिङघा। इम्बालाइहेङ न्हि लोङ सानाइ पिहि।

प्रकास 9:1

कालाउ जेलाउ नातेङ स्वर्गदुत ताइको सानाइ म्होहि, का एनोङ फुरु तिङघा जेदोङ स्वर्गसो प्रिथिबि ह्रुता हुल्का हिघाहि। इङको फुरुहेङ खारा खोलेलि ताल्चा पिहि। जेदोङको वाङखाराकाको हिदोइ बुङ आन्ता मान्थु।

प्रकास 9:12

कालाउ ना माइना न्हुसो इदोइ बिपति दोकाङ। कालाउ इदोइको न्हुसो न्हेनोङ बिपतिगेलाइ आरोङ लोलि तोम्का हि।