प्रकास 8:11 - Dhimal NT

¹¹ इदोइ कारान, इङको फुरु जेता हुल्हि इन्ताको गोताङ चि ए तिहाइ भाग खाहि कालाउ बिस जेङहि। हेन्जा द्‍याङगेलाइ जाइ इङको चि आम्हि वा सिहि। इङको फुरुको मिङ “ऐरेलु” हि।

प्रकास 8:11 Iomraidhean Croise

हिब्रु 12:15

चङख हिसु, कि हिदोइ बुङ द्‍याङ परमेस्वरको आनुग्रह निङलिसो आसफल माजेनाको, “कालाउ हासु बुङ नेलाइको माझाता समस्या माचुमाको, इन्सिका खाल्को द्‍याङ नेलाइ हेन्जाङहेङ झुकिपावा।”

प्रकास 12:4

इङको को मेथोङहोइ आकासको ए तिहाइ भाग फुरुगेलाइ कोअ्तेङ प्रिथिबि ह्रुता थाइगिल्पिहि। इङको बारका आजिङगर बेबालको आगाता जाअ्हि, कालाउकि जेसाङ वाको जामाल जोलोमनासाङ उङकोहेङ चाअ्लि द्वाको।

प्रकास 8:7

लाङ स्वर्गदुत ताइको सानाइ म्होहि, कालाउ एन्सालाउ दोङ हेन्जा झोसे कालाउ हिति दोफाङ मिसालाइन्हाका मे प्रिथिबि ह्रुता हुल्हि। ओदोङ भाअ्सिङ प्रिथिबिको ए तिहाइ-भाग, कालाउ सिङगेलाइको ए तिहाइ भाग कालाउ गोताङ सिङजाल जाल्का घासिगेलाइ ओहि।

प्रकास 9:15

कालाउ इङको जेदोङ द्‍यामि दुतगेलाइहेङ लाअ्पिहि। कालाउ इम्बालाइ लाम्फा दोङ तियार जेङका हिघाहि। इम्बालाइसो दोअ्हि कि इदोइ बेला, इदोइ दिना, इदोइ माइना कालाउ इदोइ बासारको भाअ्सिङ ह्रुम्सु कालाउ एला इङको सोमोइ लोलि दोका हि। इम्बालाइ सुमिङको ए भाग तिहाइ द्‍याङगेलाइहेङ सेअ्लि गोइखे।

प्रकास 9:18

मे, धुवाँ कालाउ गन्धक इदोइ सुमलोङ बिपतिगेलाइ हिघाहि, जेदोङ ओह्याँगेलाइको नुइसो ओल्लेतेङ हिघाहि। इदोइ बिपतिहोइ सुमिङता हिका ए तिहाइ भाग द्‍याङगेलाइहेङ सेअ्हि।